完整藏文原文 · 德格版页 当前仅加载第 84 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲོ་བོའི་རྒྱལ་པོ་ཆེ། །སངས་རྒྱས་ཀུན་གྱི་གྲགས་ཆེན་པོ། །ཁྲོ་རྒྱལ་མདུན་དུ་འདུག་ནས་ནི། །སླར་ཡང་སྙིང་པོ་རབ་ཏུ་བརྗོད། །ཧཱུྃ་ཏྱ་ཧཱུྃ་ཏྱ། འཇིགས་སུ་རུང་བའི་སྤུ་ལངས་བྱེད། །གནོད་སྦྱིན་ཀུན་བདག་གནོད་སྦྱིན་ཏེ། །རྡོ་རྗེ་གནོད་སྦྱིན་རྫུ་འཕྲུལ་
D480.084.0239a01.01ཆེ། །ཁྲོ་བོ་ཆེན་པོ་བརྗོད་པ་ཡིན། །སྟོང་གསུམ་གྱི་ནི་འཇིག་རྟེན་འདི། །འབར་བའི་ཕྲེང་བའི་འོད་ཀྱིས་ཁྱབ། །རྡོ་རྗེ་མེ་ནི་དྲག་པོ་ཆེ། །མ་ལུས་གསལ་ཞིང་མེ་འབར་གྱུར། །ཕྱི་རོལ་གྱི་ནི་གདུག་པ་ཅན། །མ་ལུས་དཀྱིལ་འཁོར་ལས་བྱུང་བ། །རྡོ་རྗེ་མེ་ནི་རབ་འབར་
D480.084.0239a02.01བས། །གཡོ་བ་མེད་ཅིང་ཤི་བར་གྱུར། །ལྷ་ཆེན་ལ་སོགས་གདུག་པ་རྣམས། །གང་དག་རིགས་ཀྱི་དཀྱིལ་འཁོར་རྣམས། །རྡོ་རྗེ་གནོད་སྦྱིན་གྱིས་གདུངས་ནས། །གཡོ་བ་མེད་ཅིང་འབར་བར་གྱུར། །དེ་ནི་རྡོ་རྗེ་གནོད་སྦྱིན་ཆེ། །དྲག་པོའི་གཟུགས་ཅན་རབ་འཇིགས་
D480.084.0239a03.01བྱེད། །ཁྲོ་གཉེར་བསྙེར་བའི་གདོང་ཅན་ཏེ། །དེ་བཞིན་གནག་དང་སྔོ་བར་གྱུར། །མཆེ་བ་གཙིགས་པའི་ཞལ་མངའ་བ། །དབུ་སྐྲ་གྱེན་བརྫེས་ཤིན་ཏུ་སྐྲག །སྤྱན་དམར་སྤྱན་དང་ལྡན་པ་སྟེ། །དེ་བཞིན་རྡོ་རྗེ་བསྟན་པའི་ཞལ། །དྲག་པོ་རྡོ་རྗེ་དྲག་ཚོགས་འཛིན། །
D480.084.0239a04.01གཅིག་བུ་འབར་བ་རབ་ལྡན་པ། །ཞགས་པ་ལྕགས་ཀྱུ་རྡོ་རྗེ་བདག །སངས་རྒྱས་ཐམས་ཅད་འཇིགས་བྱེད་པ། །ས་རྣམས་མ་ལུས་གཡོ་བར་བྱེད། །ས་འདི་ཡང་ནི་གཡོ་བར་བྱེད། །གནོད་སྦྱིན་ཆེན་པོ་འབྱུང་པོ་སོགས། །གཡོ་བ་མེད་ཅིང་འོག་ཏུ་འགྱེལ། །དེ་ནི་
D480.084.0239a05.01དྲག་པོ་གནོད་སྦྱིན་ཆེ། །སངས་རྒྱས་ཐམས་ཅད་འཇིགས་པར་བྱེད། །དེ་ཡི་སྤྱན་སྔར་འདུག་ནས་ནི། །ཆེད་དུ་བརྗོད་པ་ཡང་དག་བརྗོད། །ཨེ་མའོ་བྱང་ཆུབ་ཀྱི་ནི་སེམས། །ཀུན་དུ་བཟང་པོ་ཀུན་དགེ་བ། །སེམས་ཅན་འདུལ་བའི་ཐབས་སུ་ནི། །བརྩེ་མེད་ཁྲོ་བོ་ཉིད་དུ་གྱུར། །
D480.084.0239a06.01སྔར་ནི་རྡོ་རྗེ་སེམས་དཔའ་གང་། །ཞི་བའི་གཟུགས་སུ་རྣམ་གནས་པ། །རྡོ་རྗེ་གནོད་སྦྱིན་འཛིན་གྱུར་ནས། །རྡོ་རྗེ་དྲག་པོ་ཞེས་བྱར་གྲགས། །དེ་ནི་དྲག་པོ་རྡོ་རྗེ་འཛིན། །འཇིགས་རུང་བ་སྤུ་ལངས་པར་བྱེད། །ཡི་གེ་ཧཱུྃ་བཞིའི་ཕྱག་རྒྱ་ཡི། །སྙིང་པོ་གཏུམ་པོ་ཉིད་ཀྱང་
D480.084.0239a07.01