完整藏文原文 · 德格版页 当前仅加载第 84 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
མཛེས་མ། །རྡོ་རྗེ་ཤུགས་ཀྱིས་སོང་ནས་ཀྱང་། །བྱང་ཤར་མཚམས་ཀྱི་འཁོར་ལོ་ལ། །དེ་བཞིན་ཨུཏྤལ་སྔོན་པོའི་འདབ། །དཀྱིལ་འཁོར་ཡང་དག་བྲི་བར་བྱ། །ཨུཏྤལ་སྔོན་པོ་དེ་དབུས་སུ། །ལས་རྣམས་འཛིན་པ་ཆེན་པོའི་མཆོག །སངས་རྒྱས་ཀུན་ལས་སོགས་བཤད་པ། །རྡོ་རྗེའི་ལས་ནི་
D480.084.0178a01.01དགོད་པར་བྱ། །དེ་ཡི་པདྨར་ཡང་དག་ག་གནས། །དེ་འོད་དཀྱིལ་འཁོར་ལ་བརྟེན་ཅིང་། །ལས་ཀྱི་རིགས་ཅན་ལས་བྱུང་བའི། །ལྷ་མོ་བཞི་ནི་ཡང་དག་བྲི། །ལས་རྒྱ་རྡོ་རྗེ་རིན་ཆེན་མ། །ལས་མ་ཆོས་མ་དཔལ་ལྡན་ཆེ། །ཇི་ལྟར་སྔོན་དུ་རྡོ་རྗེའི་རིགས། །དེ་བཞིན་དཀྱིལ་འཁོར་ཐམས་ཅད་ལ། །དེ་ཉིད་ཕོ་ཉ་མོ་
D480.084.0178a02.01རུ་གནས། །དེ་ཉིད་ལྷ་མོར་ཡང་དག་གནས། །དེ་ཉིད་སྒེག་མོ་རྣམ་སྒེག་སོགས། །ཕྱག་རྒྱའི་རྒྱ་མཚོ་གཞན་ཡང་བྱེད། །སེར་མོ་དམར་མོ་ཉི་མ་མཚུངས། །ཨུཏྤལ་སྔོན་པོའི་མདོག་འདྲར་འགྱུར། །བསྙེམས་བཅས་ཞི་བའི་དབང་བསྐུར་ལྡན། །རང་གི་ཕྱག་རྒྱ་ཡོངས་སུ་འཛིན། །དེ་ནས་སྙིང་པོ་ཧཱུྃ་
D480.084.0178a03.01ཧྲཱིཿཨོཾ་ཨཿ། དཀྱིལ་འཁོར་ཐམས་ཅད་ཀྱི་རྒྱལ་པོ་དཀྱིལ་འཁོར་ཆེན་པོ་གསང་ཞིང་མཆོག་ཏུ་གསང་བ་ཞེས་བྱ་བ་ལས་རྐང་པ་དྲུག་པ་རྫོགས་སོ། །མཚམས་རྣམས་ཀྱི་དཀྱིལ་འཁོར་ཡང་རྫོགས་སོ།། །།བརྒྱ་དང་བརྒྱད་ཅུ་རྩ་ལྔར་ལྡན། །འཁོར་ལོ་ཡོངས་སུ་རྫོགས་ནས་ཀྱང་། །དེ་ཡི་མཚམས་
D480.084.0178a04.01ཀྱི་ལོགས་རྣམས་སུ། །ལྷ་བཞི་དག་ནི་ཡང་དག་བྲི། །ཤར་དུ་རྡོ་རྗེ་ཆེན་པོ་སྟེ། །རྡོ་རྗེ་མེ་ལྟར་འབར་བའོ། །རྡོ་རྗེ་རིགས་ཆེན་མཚན་མ་སྟེ། །འབར་བའི་ཕྲེང་བ་རབ་འཇིགས་པའི། །ལྷོ་རུ་རིན་ཆེན་ཕུན་ཚོགས་པ། །ཆུ་ལྷ་རིན་ཆེན་ཆུ་སྲིན་རྣམས། །རིན་ཆེན་རིགས་ཆེན་མཚན་མ་སྟེ། །སངས་རྒྱས་ཆོས་ཀྱི་འབྱུང་གནས་
D480.084.0178a05.01བརྗོད། །ནུབ་ཏུ་ས་ལྷ་བྲི་བར་བྱ། །རྩལ་ལྡན་སྐྱེས་བུ་ཞེས་བྱ་ཡི། །དཀྱིལ་འཁོར་ཆེན་པོ་འཛིན་བྱེད་ཅིང་། །པདྨའི་རིགས་ཀྱི་མཚན་མའང་ཡིན། །བྱང་དུ་རླུང་གི་སྐྱེས་བུ་ནི། །རླུང་གི་ཤུགས་ཀྱིས་གོས་འཆང་ཞིང་། །དེ་བཞིན་ལས་ཀྱི་རིགས་འཛིན་མ། །གཡོ་ཞིང་རྩལ་ལྡན་བྲི་བར་བྱ། །བརྒྱ་དང་བརྒྱད་ཅུ་རྩ་དགུ་རུ། །
D480.084.0178a06.01དབུས་ཀྱི་དཀྱིལ་འཁོར་ཡང་དག་བསྒྲུབ། །ཆོས་ཀྱི་ཚུལ་གྱི་གྲུ་ཆེན་པོ། །ཐར་པའི་རང་བཞིན་གྲོང་ཁྱེར་ཆེ། །དཀྱིལ་འཁོར་ཐམས་ཅད་ཀྱི་རྒྱལ་པོ་དཀྱིལ་འཁོར་ཆེན་པོ་ལས་འཁོར་ལོ་ཆེན་པོའི་དཀྱིལ་འཁོར་གསང་བ་ཞེས་བྱ་བ་རྫོགས་སོ།། །།ཐུན་མོང་མཆོག་ཏུ་གསང་བ་ཡི། །རྡོ་རྗེ་རིག་པ་འཛིན་པའི་མཆོག ། རང་
D480.084.0178a07.01