完整藏文原文 · 德格版页 当前仅加载第 84 函德格 208a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་འཛིན། །ཐུབ་པ་དོན་ཡོད་གྲུབ་པ་དགོད། །དེ་ཡི་ཕྱོགས་རྣམས་ཐམས་ཅད་དུ། །ལས་ཆེན་པོ་དག་ཡང་དག་བྲི། །ཀུན་ནས་ཕྱོགས་ནི་བཞི་དག་ཏུ། །ཕྱག་ན་རང་གི་ཕྱག་མཚན་མཚོན། །མདུན་དུ་རྡོ་རྗེ་ལས་ཡིན་ཏེ། །གཡས་སུ་རྡོ་རྗེ་སྲུང་
D480.084.0208a01.01བའོ། །གཡོན་དུ་རྡོ་རྗེ་གནོད་སྦྱིན་ཏེ། །རྡོ་རྗེ་ཁུ་ཚུར་རྒྱབ་ཏུའོ། །དེ་ནས་ཕྱག་མཚན་བཅུ་དྲུག་དང་། །དབུས་མ་ཉི་ཤུར་རབ་བཤད་བྱ། །བཅུ་དྲུག་དབུས་མ་ཉི་ཤུ་ནི། །{གོ་རིམས་,གོ་རིམ་}བཞིན་དུ་རབ་བཤད་བྱ། །ཇི་ལྟར་རིགས་ཤིང་འཚམ་པ་ལ། །རྡོ་རྗེ་ཆེན་པོ་རྩེ་ལྔ་པ། །རྡོ་
D480.084.0208a02.01རྗེ་རིན་ཆེན་རིན་པོ་ཆེ། །རྡོ་རྗེ་པདྨ་ཆེན་པོ་དང་། །རྡོ་རྗེ་རྣོན་པོ་དབུས་མ་ཡིན། །ཕྱག་ན་རྡོ་རྗེའི་རྡོ་རྗེ་ཆེ། །དེ་བཞིན་རྡོ་རྗེ་ལྕགས་ཀྱུ་འཛིན། །རྡོ་རྗེ་ཆགས་པ་གཞུ་ཉིད་དོ། །རྡོ་རྗེ་ལེགས་པའི་རྡོ་རྗེ་གཉིས། །རྡོ་རྗེ་རིན་ཆེན་ཆེན་པོ་ཆེ། །རྡོ་རྗེ་གཟི་བརྗིད་ཉི་མ་སྟེ། །རྡོ་རྗེ་རྒྱལ་མཚན་
D480.084.0208a03.01རྒྱལ་མཚན་སྒྲེང་། །རྡོ་རྗེ་བཞད་པ་ཚེམས་ཆེན་པོ། །རྡོ་རྗེ་ཆོས་ཀྱི་པདྨ་ཆེས། །རྡོ་རྗེ་རྣོན་པོ་རལ་གྲི་བཟང་། །རྡོ་རྗེ་རྒྱུ་ཡི་འཁོར་ལོ་ཆེ། །རྡོ་རྗེ་སྨྲ་བའི་ཡི་གེ་སྟེ། །རྡོ་རྗེ་རྣོན་པོ་ལས་ཆེན་པོ། །རྡོ་རྗེ་སྲུང་བའི་ཆོ་ག་སྟེ། །རྡོ་རྗེ་གནོད་སྦྱིན་མཆེ་བ་ཆེ། །རྡོ་རྗེ་ཁུ་ཚུར་བསྡམས་པ་སྟེ། །
D480.084.0208a04.01ལྕགས་ཀྱུ་ཞགས་པ་ལྕགས་སྒྲོག་དང་། །དྲིལ་བུ་དག་ནི་སྒོ་བ་བཞི། །རྡོ་རྗེ་སེམས་མའི་རྡོ་རྗེ་ཆེ། །དེ་བཞིན་རྡོ་རྗེ་རིན་ཆེན་ནོར། །པདྨ་རྡོ་རྗེ་ཆོས་མ་སྟེ། །རྡོ་རྗེ་རྣོན་པོ་ལས་མ་ཡིན། །གྲྭ་བཞི་དག་ཏུ་གསང་བ་ཡི། །ཕྱག་མཚན་དེ་རྣམས་དགོད་པར་བྱ། །འཁོར་ལོ་ཆེན་པོའི་ཕྱི་རོལ་
D480.084.0208a05.01གྱི། །གྲྭ་བཞི་དག་ནི་ཐམས་ཅད་དུ། །གསང་བའི་མཆོད་པ་རྣམ་པ་བཞི། །རྡོ་རྗེ་ལྷ་མོ་ཡང་དག་བྲི། །རྡོ་རྗེ་སྒེག་མོ་རྡོར་ཕྲེང་མ། །དེ་བཞིན་རྡོ་རྗེ་གླུ་མ་ཉིད། །བསྙེམས་བཅས་ཕྲེང་བ་པི་བང་དང་། །གླུ་གར་གསང་བའི་ལྷ་མོ་རྣམས། །ཕྱི་རོལ་དཀྱིལ་འཁོར་མཚམས་རྣམས་སུ། །
D480.084.0208a06.01མཆོད་པའི་ལྷ་མོ་ཡང་དག་བྲི། །མེ་ཏོག་སྤོས་དང་དེ་བཞིན་དྲི། །མར་མེ་ནུབ་བྱང་མཚམས་སུའོ། །མར་མེ་ལ་སོགས་བར་ཉིད་ཀྱིས། །ཕྱི་ཡི་དཀྱིལ་འཁོར་ཐམས་ཅད་དུ། །བསྐལ་པ་བཟང་པོའི་སེམས་དཔའ་ཆེ། །སྟོང་ནི་ངེས་པར་དགོད་པར་བྱ། །མཚན་མ་ཇི་བཞིན་ཅི་རིགས་
D480.084.0208a07.01