完整藏文原文 · 德格版页 当前仅加载第 84 函德格 170a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །ཐབས་ཀྱིས་རྨད་བྱུང་ཆོས་ཉིད་དོ། །བྲམ་ཟེ་བཞིན་དུ་རིགས་མཆོག་སྐྱེས། །བྱང་ཆུབ་སེམས་དཔའི་གསང་ཆེན་འཛིན། །གལ་ཏེ་ནུས་ན་སྐལ་ཆེན་གྱིས། །གང་ཚེ་མཆོད་པ་རྩོམ་པ་ནས། །ཇི་སྲིད་ཟིན་པར་གྱུར་གྱི་བར། །བཟའ་བ་
D480.084.0170a01.01དག་ནི་མི་བྱའོ། །དྲི་དང་བཅས་པར་ལེགས་སྦྱར་བའི། །ཡང་ན་དཀར་གསུམ་བཟའ་བར་བྱ། །གང་ཕྱིར་རྒྱལ་པོ་རྡོ་རྗེ་འཛིན། །བྱིན་གྱིས་རློབ་པ་མཛད་པར་འགྱུར། །ཅི་སྟེ་བཟོད་ལྡན་ཉིན་མཚན་དུ། །བཟའ་བ་དག་ནི་མི་བྱ་སྟེ། །གང་ཕྱིར་ཆོས་ཀྱི་རང་བཞིན་
D480.084.0170a02.01ཟས། །ཚིམ་པར་འགྱུར་བར་ཐེ་ཚོམ་མེད། །དཀྱིལ་འཁོར་དག་ནི་དག་བྱས་ཤིང་། །དྲི་རྣམས་ཀུན་གྱིས་མངོན་འདུས་བྱས། །སྔགས་ཀྱིས་བསངས་བའི་ཆུ་ཡིས་ནི། །ཐམས་ཅད་ཀུན་ནས་ཆག་ཆག་གདབ། །གང་ཚེ་མཆོད་པར་བྱེད་པ་ན། །ཕྱོགས་རྣམས་
D480.084.0170a03.01ཀུན་གྱི་ཕྱག་བྱ་ཞིང་། །བཤགས་དང་གསོལ་བ་གདབ་ཉིད་དང་། །མཆོད་པའི་སྤྲིན་དང་རྗེས་ཡི་རང་། །བདག་ཉིད་དབུལ་བ་ལ་སོགས་པའི། །ལས་རྣམས་རིམ་བཞིན་བྱས་ནས་ནི། །དཀྱིལ་འཁོར་ཆེན་པོ་མཉམ་དབུས་སུ། །སེམས་དཔའི་སྐྱིལ་ཀྲུང་
D480.084.0170a04.01བཅའ་བར་བྱ། །དཀྱིལ་འཁོར་ཐམས་ཅད་བསྡུས་པ་ཡི། །སྐྱིལ་ཀྲུང་རྣམ་པ་བཅུ་རུ་བཤད། །གསང་ཆེན་དེ་ཉིད་མཆོག་འདི་ནི། །དཀྱིལ་འཁོར་ཐམས་ཅད་མཆོད་པའོ། །དཔལ་དང་བཀྲ་ཤིས་སྡིགས་མཛུབ་བྱེད། །དེ་བཞིན་གཡས་ཀྱི་ཕྱེད་ཀྲུང་ཉིད། །
D480.084.0170a05.01ཕྱི་རོལ་བརྐྱང་དང་བཞུགས་པའོ། །དེ་བཞིན་རིན་ཆེན་རང་བཞིན་ཏེ། །དེ་དག་བཅུ་རུ་རང་བཞིན་བཤད། །སྐྱིལ་ཀྲུང་བརྒྱ་དང་བཅུ་ལྷག་པ། །གསང་བའི་རྒྱུད་ཀྱི་གསང་བ་ཡི། །རྒྱུད་དེ་ལས་ནི་རབ་ཏུ་བཤད། །སེམས་དཔའི་སྐྱིལ་མོ་ཀྲུང་བཅས་ཏེ། །སངས་
D480.084.0170a06.01རྒྱས་ལ་དམིགས་སེམས་ཀྱིས་ནི། །རྒྱུ་དང་མི་རྒྱུ་འཇིག་རྟེན་གསུམ། །བྱམས་པ་ཆེན་པོ་རྗེས་དྲན་ནས། །དང་པོ་སྦྱོར་བའི་ཏིང་འཛིན་མཆོག །རྣལ་འབྱོར་པས་ནི་སྙོམས་འཇུག་བྱ། །དེ་ནས་དཀྱིལ་འཁོར་རྒྱལ་པོ་མཆོག །དེ་ནས་ཡང་ནི་ལས་རྒྱལ་པོ། །
D480.084.0170a07.01