完整藏文原文 · 德格版页 当前仅加载第 84 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་གསང་སྔགས་འདི་ཡིས་ནི། །དབང་ཕྱུག་ཆེན་པོ་རབ་ཏུ་མནན། །ཨོྃ་བཛྲ་ཨཱ་ཀྲ་མ་ཧོ། སླར་ཡང་དབབ་པའི་རིག་པ་ནི། །རྡོ་རྗེ་ཁྲོ་བོས་ཡང་དག་བརྗོད། །ཨོྃ་བཛྲ་ཨཱ་བེ་ཤ་ཧ་ན་ཧ་ན་ཏྲ་ཊ། དབང་ཕྱུག་ཆེན་པོ་བཅས་གྱུར་པས། །རང་གི་ལག་པས་ལན་སྟོང་དུ། །
D480.084.0246b01.01རང་གདོང་འཇིགས་སུ་རང་ལ་བརྡེག །སྟོང་ཕྲག་གཅིག་ཏུ་ཡང་དག་གྱུར། །འཇིག་རྟེན་གསུམ་གནས་ཐམས་ཅད་ནི། །འོ་དོད་ཆེན་པོ་འབོད་པར་གྱུར། །བདག་ཅག་གི་ནི་རྒྱལ་པོ་འདི། །དེ་ལྟ་བུ་ཡི་བདག་ཉིད་གྱུར། །དེ་ནས་རྒྱལ་པོ་རྡོ་རྗེ་འཛིན། །བརྩེ་
D480.084.0246b02.01དང་སྙིང་རྗེ་སྐྱེས་པར་འགྱུར། །སྙིང་རྗེ་སྟེང་དུ་གཞུག་བྱ་སྟེ། །སངས་རྒྱས་བྱམས་པ་ཡང་དག་བརྗོད། །ཨོྃ་བུད་དྷ་མཻ་ཏྲི་རཀྵ། དཔལ་ལྡན་རྡོ་རྗེ་འཛིན་གཙོ་བོས། །དེ་ནས་སྔགས་འདི་གསུངས་པ་ཡིས། །དབང་ཕྱུག་ཆེན་པོའི་སྡུག་བསྔལ་དེ། །སྐད་ཅིག་དེ་
D480.084.0246b03.01ལ་ཉེ་བར་ཞི། །ཕྱག་ན་རྡོ་རྗེའི་ཞབས་དག་གིས། །རེག་པས་དབང་ཕྱུག་ཆེན་པོས་ནི། །ས་ཆེན་པོ་ནི་ཡང་དག་འཐོབ། །ཏིང་ངེ་འཛིན་དང་གཟུངས་དེ་བཞིན། །ཐ་མལ་བ་ཡི་ལུས་བོར་ནས། །རྡོ་རྗེ་འཛིན་ལ་ཕུལ་བར་གྱུར། །ལྷ་ཆེན་འདི་ནས་ཤི་འཕོས་ནས། །ཤི་
D480.084.0246b04.01ཞིང་ལུས་ནི་བོར་ནས་སུ། །གང་གཱ་སུམ་ཅུ་རྩ་གཉིས་ཀྱི། །བྱེ་སྙེད་སངས་རྒྱས་ཞིང་དང་མཉམ། །ཐལ་བས་གཡོགས་པའི་གནས་ཞེས་པ། །སངས་རྒྱས་ཞིང་ནི་ཡིད་འོང་བ། །དེ་རུ་སོང་ནས་ལྷ་ཆེན་པོ། །སངས་རྒྱས་འབྱུང་བའང་བསྟན་པར་གྱུར། །ཐལ་བའི་
D480.084.0246b05.01དབང་ཕྱུག་སྒྲ་དབྱངས་ཅན། །དེ་བཞིན་གཤེགས་པ་དེར་གནས་གྱུར། །དེ་ནས་ཤི་བའི་ལུས་དེ་ཡིས། །ཆེད་དུ་བརྗོད་པ་ཡང་དག་བརྗོད། །སངས་རྒྱས་ཀུན་གྱི་མཐུ་ཡིས་ནི། །ཚིགས་བཅད་གཅིག་ནི་མངོན་པར་བརྗོད། །ཨེ་མའོ་སངས་རྒྱས་ཐམས་ཅད་ཀྱི། །སངས་
D480.084.0246b06.01རྒྱས་ཡེ་ཤེས་བླ་ན་མེད། །བསད་ནས་སྐད་ཅིག་བདག་གིས་ནི། །མྱ་ངན་འདས་པའི་གནས་དགོད་མཛད། །རྡོ་རྗེ་ཁྲོ་བོ་རྒྱལ་པོ་ཆེས། །དབང་ཕྱུག་ཆེན་པོ་ཡང་དག་ཕྱུང་། །ཁྱབ་འཇུག་ལ་སོགས་ལྷ་རྣམས་ལ། །ཀུན་དུ་བོས་ནས་འདི་གསུངས་པ། །རབ་མཆོག་
D480.084.0246b07.01