完整藏文原文 · 德格版页 当前仅加载第 84 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོབས་དང་ཤུགས་ཀྱིས་ནི། །བཅག་ནས་ཐམས་ཅད་བྲོས་པར་གྱུར། །ལྷ་ཆེན་ལ་སོགས་ཐམས་ཅད་ནི། །ཕྱོགས་རྣམས་ཀུན་དུ་བྲོས་པར་གྱུར། །མུན་པ་ཡིས་ནི་ཀུན་དུ་འཁྲུག །ཕྱོགས་རྣམས་ཀུན་དུ་འཇིགས་པར་གྱུར། །ཁྲོ་བོ་ལུ་གུ་རྒྱུད་འོངས་ནས། །རྣམ་པ་
D480.084.0240b01.01ཀུན་དུ་སྨྲ་བར་བྱེད། །མ་ལུས་ཕྱོགས་རྣམས་ཐམས་ཅད་དུ། །བདག་ཅག་གནས་ནི་བྲོས་པར་གྱུར། །ཁྲོ་བོ་རྡོ་རྗེ་རིག་པ་མཆོག །སླར་ཡང་ཤིན་ཏུ་ཁྲོས་པར་གྱུར། །འབར་བའི་ཕྲེང་བས་རབ་འབར་ཞིང་། །རྡོ་རྗེ་དྲག་པོ་ཉིད་དུ་གྱུར། །དྲག་པོ་ཧ་ཧ་ཞེས་བཞད་དགོད། །
D480.084.0240b02.01རང་གི་ཡན་ལག་ཟ་བར་བྱེད། །རང་གི་མགོ་ལ་རྡེག་བྱེད་ཅིང་། །རྡོ་རྗེ་གསོར་བ་བསྐོར་བར་འབར། །དེ་ལྟ་བུ་ཡི་ཁྱད་པར་དང་། །བཅས་པས་ཁྲོ་བོ་ཡང་དག་བྱུང་། །སླར་ཡང་རང་གི་བདག་ཉིད་དྲན། །ཁྲོ་བོའི་རྒྱལ་པོ་བརྗོད་པར་གྱུར། །ཨོྃ་སུམྦྷ་ནི་སུམྦྷ་ཧཱུྃ། གྲྀཧྞ་
D480.084.0240b03.01གྲྀཧྞ་ཧཱུྃ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུྃ། ཨཱ་ན་ཡ་ཧོ་བྷ་ག་བཱན་བཛྲ་ཧཱུྃ་ཕཊ། ཁྲོ་བོའི་རྒྱལ་པོ་བཅས་ནས་ནི། །ཡི་གེ་ཛཿནི་ཡོངས་སུ་བརྗོད། །རྡོ་རྗེ་ལྕགས་ཀྱུར་རབ་ཏུ་བསྔགས། །སྟོབས་དང་ལྡན་པ་ཁྲུག་ལ་ཤོག །ཨོྃ་བཛྲ་ཛྭ་ལ་ཨག་ནི་ས་ཏྲི་ཥ་ཨཾ་ཀུ་ཤ་ཛཿཛཿ།
D480.084.0240b04.01རྡོ་རྗེ་འབར་བ་ལྕགས་ཀྱུ་ནི། །སོང་ནས་ཕྱོགས་ཀུན་བདག་ཉིད་ཆེ། །སྐད་ཅིག་གིས་ནི་སྟོབས་ཆེན་རྣམས། །ལྷ་རྣམས་ཐམས་ཅད་བཀུག་པར་གྱུར། །རྒྱལ་བོ་དབང་ཕྱུག་ལྔ་དང་ནི། །ལྷ་རྣམས་ཐམས་ཅད་གྲངས་མེད་པར། །རིགས་བཅས་དཔུང་དང་བཅས་པ་ཉིད། །
D480.084.0240b05.01གཅིག་ཉིད་དུ་ནི་བསྡུས་པར་གྱུར། །རྡོ་རྗེ་ལྕགས་སྒྲོག་རབ་ཏུ་མངགས། །ཆིངས་ཤིག་སྟོབས་ཆེན་དང་ལྡན་པ། །ཚོགས་དང་བཅས་པའི་ལྷ་རྣམས་ཀུན། །བཅིང་བ་ལྔ་ཡིས་བཅིངས་པར་གྱུར། །ནང་གི་འཁོར་དང་བཅས་པའི་ཚོགས། །ལྷ་ཚོགས་གནོད་སྦྱིན་སྲིན་པོ་
D480.084.0240b06.01དང་། །ལྷ་མིན་རླུང་དང་འབྱུང་པོའི་ཚོགས། །གཞན་ཡང་གདུག་པའི་ཚོགས་རྣམས་ནི། །ཐམས་ཅད་བཅིངས་པར་གྱུར་ནས་ནི། །རྡོ་རྗེ་ཞགས་པ་རབ་ཏུ་མངགས། །རྡོ་རྗེ་ལྕགས་ཀྱུ་དང་བཅས་པར། །སོང་ལ་དཀྱིལ་འཁོར་དག་ཁུག་ཅིག །རྡོ་རྗེ་ཞགས་
D480.084.0240b07.01