完整藏文原文 · 德格版页 当前仅加载第 84 函德格 221b 版页；藏文 NFD、目录标记与异常页序保留在来源切片中，重复版页行以稳定序号区分。
མདུན་དུ་ནི། །རྡོ་རྗེ་སེམས་དཔའ་བསྒོམ་པར་བྱ། །རྡོ་རྗེ་སེམས་དཔའི་ཐུགས་དབུས་སུ། །རྡོ་རྗེ་ཀུན་གྱི་དཀྱིལ་འཁོར་རོ། །རྡོ་རྗེའི་དཀྱིལ་འཁོར་དབུས་སུ་ནི། །ལྟེ་བར་སངས་རྒྱས་དེ་བཞིན་གཤེགས། །རྡོ་རྗེ་ཕྲ་མོ་བསྒོམ་པར་བྱ། །རྡོ་རྗེ་རྣམ་བསྒོམས་
D480.084.0221b01.01སེམས་གང་ཞིག །གཟུགས་མེད་བསྟན་དུ་མེད་པ་དང་། །རྨོངས་པ་མེད་ཅིང་འཇིགས་པ་མེད། །རྡོ་རྗེ་ཕྲ་མོར་འདིར་བརྗོད་དོ། །དངོས་པོ་མེད་ཅིང་རྫས་མེད་པས། །སྣང་བ་མེད་པར་རབ་ཏུ་བསྒོམ། །བདག་མེད་སེམས་ཅན་མེད་པ་རུ། །རྣལ་འབྱོར་པས་ནི་
D480.084.0221b02.01རྣལ་འབྱོར་བསྒོམ། །ལུས་ནི་རྫས་ལྔའི་བདག་ཉིད་ཅན། །ཁམས་བཞི་ལ་ནི་ཡང་དག་བརྟེན། །སྐྱེ་མཆེད་བཅུ་གཉིས་ཉིད་དང་ནི། །གཞན་ཡང་ཁམས་ནི་{བཅྭ་,བཅོ་}བརྒྱད་དག །ཤ་དང་རུས་པ་ཁྲག་ཉིད་དང་། །རྐང་དང་ཀླད་པས་ཀུན་དུ་ཁྱབ། །སྣ་ཚོགས་
D480.084.0221b03.01རྫས་ཀྱིས་ཀུན་དུ་ཁྱབ། །བད་ཀན་མཁྲིས་པ་ལ་སོགས་ཚོགས། །སྣ་ཚོགས་སྲིན་བུའི་རིགས་ཀྱིས་ཁྱབ། །དྲི་ངན་མི་གཙང་འབྱུང་བ་རུ། །རང་གི་ལུས་ལ་སོ་སོར་བརྟག །སྡུག་བསྔལ་གསུམ་ནི་ཀུན་འབྱུང་བར། །ཉིན་དང་མཚན་མོ་རྟག་ཏུ་ནི། །ལུས་ནི་རྗེས་
D480.084.0221b04.01སུ་དྲན་པ་བསྒོམ། །རང་སེམས་སོ་སོར་བརྟག་བྱ་སྟེ། །གང་ཞིག་དེ་རུ་ཡང་དག་བྱུང་། །འགྲོ་བ་མེད་ཅིང་སོང་བ་མེད། །དེ་ལ་འཕོ་བ་ཡོད་མ་ཡིན། །དེ་ལ་འབྱུང་བ་ཡོད་མིན་ན། །གང་ལས་སེམས་ནི་ཡང་དག་བྱུང་། །ཡང་དག་མ་ཡིན་ཀུན་རྟོག་འདི། །
D480.084.0221b05.01{བརྫུན་,རྫུན་}བཞིན་སེམས་ནི་རྨོངས་པར་བྱེད། །སེམས་མེད་ཙམ་ཡང་ཡོད་མ་ཡིན། །{བརྫུན་,རྫུན་}བཞིན་འབྱུང་བ་སྣང་བར་འགྱུར། །འདི་ལ་གནས་དང་མཚན་ཉིད་དང་། །རབ་གནས་འབྱུང་བ་ཡོད་མ་ཡིན། །གཟུང་བར་དགའ་བ་གཏི་མུག་ཆེ། །རྡོ་རྗེ་ཕྲ་མོར་བརྗོད་
D480.084.0221b06.01པར་བྱ། །དེ་ལྟ་བུ་ཡི་རྣལ་འབྱོར་གྱིས། །སེམས་བསྒོམ་པ་ཡི་རྣམ་པ་བཞིན། །ལུས་དང་སེམས་དང་ཚོར་བ་དག །ཕྲ་མོའི་རྣམ་པར་བསྒོམ་པར་བྱ། །སཱུ་ཀྵྨ་བཛྲ། རྡོ་རྗེ་རེག་པའི་མཚན་མ་ཡི། །གནས་ནི་ཡང་དག་ཤེས་པར་བྱ། །དེ་ནི་བྱུང་ན་སྤྲོ་བྱ་སྟེ། །
D480.084.0221b07.01