完整藏文原文 · 德格版页 当前仅加载第 84 函德格 251a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའི་ཐབས་ཆེན་པོ། །རྡོ་རྗེ་ལས་ནི་ཡང་དག་བྱུང་། །སེམས་ཅན་རྣམས་ལ་བརྩེ་བྱའི་ཕྱིར། །སྡིག་པ་ཐམས་ཅད་བཀུག་པར་གྱུར། །ཨོྃ་སརྦ་པཱ་པཾ་ཨ་པཱ་ཡ་ན་བི་ཤོ་དྷ་ན་བཛྲ་ས་མ་ཡ་ཧཱུྃ་ཕཊ། དེ་སྐད་བརྗོད་ནས་རྣལ་འབྱོར་ཆེས། །སྐད་ཅིག་
D480.084.0251a01.01གིས་ནི་ངན་སོང་བཀུག །རི་ཡི་རྒྱལ་པོ་ཉེ་བ་རུ། །ངུ་འབོད་ལ་སོགས་སྣང་བར་གྱུར། །རྡོ་རྗེ་སེམས་དཔའ་རྣལ་འབྱོར་ཆེས། །ངན་སོང་སེམས་ཅན་ལ་སྨྲས་པ། །དཀོན་མཆོག་གསུམ་དང་ང་བསྟན་ལ། །མྱུར་དུ་བསྟན་པ་སྐྱབས་སུ་སོང་། །དེ་དག་ཐམས་ཅད་ཀྱིས་
D480.084.0251a02.01སྨྲས་པ། །སྟོབས་ཆེན་བདག་ཅག་བསྐྱབ་ཏུ་གསོལ། །གཙོ་བོས་ཇི་སྐད་བཀའ་སྩལ་པ། །དེ་བཞིན་དུ་ནི་བགྱི་བར་འཚལ། །དེ་ནས་རྒྱལ་པོ་རྡོ་རྗེ་འཛིན། །སྡིག་པ་དྲལ་བ་ངེས་འཆིང་བ། །སྡིག་པ་ཐམས་ཅད་རབ་འཇོམས་པ། །མཆོག་ཏུ་གསང་བ་གསུངས་པར་
D480.084.0251a03.01གྱུར། །ཨོྃ་བཛྲ་པཱ་ཎི་བི་སྥོ་ཊ་ཡ། སརྦ་ཨ་པཱ་ཡ་བྷན་དྷ་ནཱ་ནི་པྲ་མོ་ཀྵ་ཡ་སརྦཱ་པཱ་ཡ་ག་ཏ་བྷྱཿ། སརྦ་སཏྭཾ། སརྦ་ཏ་ཐཱ་ག་ཏ་བཛྲ་སམ་ཡ་ཊྭཱ་ཐ། སེམས་ཅན་ངན་སོང་རྒྱུ་ཅན་རྣམས། །རིག་པ་འདི་ཡིས་དབང་བསྐུར་བས། །ངན་སོང་འཁོར་ལོ་དྲལ་བར་གྱུར། །རྒྱ་མཚོ་རུ་
D480.084.0251a04.01ནི་རབ་ཏུ་ལྟུང་། །དེ་བཞིན་ངན་སོང་ཤི་འཕོས་ནས། །དེ་ཀུན་རབ་ཏུ་གྲོལ་བར་གྱུར། །སྡུག་བསྔལ་ཀུན་ལས་རབ་ཏུ་གྲོལ། །རྡོ་རྗེ་དབང་པོའི་གནས་ཐོབ་གྱུར། །དེ་བཞིན་ཐུབ་པ་རྣམ་སྣང་གི། །ཞབས་དྲུང་དུ་ནི་སྐྱེས་པར་གྱུར། །རྡོ་རྗེ་སེམས་དཔའི་མཐུ་ཡིས་
D480.084.0251a05.01ནི། །དེ་བཞིན་མི་ཁོམ་ཟད་པར་གྱུར། །རྡོ་རྗེ་སེམས་དཔའི་མཐུ་ཡིས་ནི། །དེ་ནས་སྐད་ཅིག་དེས་ཞི་ཐོབ། །རྨད་བྱུང་སྣ་ཚོགས་གསང་ཆེན་པོ། །ཆོ་འཕྲུལ་དག་ནི་སྐྱེས་པར་གྱུར། །སྟོང་གསུམ་གྱི་ནི་འཇིག་རྟེན་འདི། །རྡོ་རྗེ་རིན་ཆེན་རང་བཞིན་གནས། །རིན་ཆེན་བདུན་
D480.084.0251a06.01གྱིས་རབ་ཏུ་སྤྲས། །རྡོ་རྗེ་རིན་ཆེན་གྱིས་རབ་མཛེས། །དེ་ཡི་རིགས་ཀྱི་ནང་སོང་ཀུན། །སྡུག་བསྔལ་ཐམས་ཅད་རྣམ་པར་སྦྱངས། །སེམས་ཅན་བདེ་བ་སྐྱེས་པར་གྱུར། །རྡོ་རྗེ་བདེ་བ་ཡང་དག་ལྡན། །མཆོག་ཆེན་པོ་ཡི་ཞིང་འདི་ནི། །དག་པའི་ཞིང་དུ་རབ་ཏུ་གྲགས། །
D480.084.0251a07.01