完整藏文原文 · 德格版页 当前仅加载第 84 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲུབ་བྱ། །དང་པོར་བདག་ཉིད་རྡོ་རྗེ་སེམས། །དེ་བཞིན་ལྷ་ཉིད་བརྟག་པར་བྱ། །བརྟུལ་ཞུགས་སྦྱོར་བ་འདི་ཡིས་ནི། །རིགས་ཀྱི་ལྷ་ཉིད་བསྒྲུབ་པར་བྱ། །འཁོར་ལོ་རྣམ་པ་དུ་རུ་བརྗོད། །ཇི་ལྟར་རིགས་དེ་བཞིན་འཁོར་ལོ། །ཇི་ལྟར་དགོད་པ་དེ་བཞིན་འགྱུར། །
D480.084.0187a01.01ཇི་སྐད་གསུངས་པ་དགོངས་པ་བཞིན། །མདོར་བསྡུ་ན་ནི་རྣམ་པ་ལྔ། །རྡོ་རྗེ་རིན་ཆེན་དེ་བཞིན་ཆོས། །པདྨ་སྣ་ཚོགས་ཤིན་ཏུ་བསྟན། །དེ་བཞིན་སངས་རྒྱས་རྣལ་འབྱོར་གསང་། །འཁོར་ལོ་རྣམ་པ་ལྔ་རུ་བཤད། །གསང་བ་རྣམ་པ་དུ་རུ་འགྱུར། །གསང་བ་རྣམ་པ་ལྔ་རུ་བརྗོད། །
D480.084.0187a02.01རྒྱས་པའི་སྒོ་ནས་རྣམ་པ་མང་། །སངས་རྒྱས་རྡོ་རྗེ་རིན་ཆེན་དང་། །ཆོས་དང་ལས་ནི་གྲགས་ཆེན་ནོ། །ཆོ་ག་རྣམ་པ་དུ་རུ་བརྗོད། །མདོར་ན་རྣམ་པ་གསུམ་དུ་འདོད། །ཞི་བ་དང་ནི་རྒྱས་པ་དང་། །མངོན་སྤྱོད་ཀྱི་ནི་རྟོག་པ་ལ། །རྡོ་རྗེ་སྦྱོར་བ་ལས་བྱུང་དུ། །རྡོ་རྗེ་སྦྱོར་བ་བླ་མེད་པ། །
D480.084.0187a03.01ཚད་མེད་བགྲང་དུ་མེད་པ་ཡིས། །ཇི་ལྟར་གདུལ་བྱ་རྣམས་ཀྱི་ཁམས། །དེ་བཞིན་རྡོ་རྗེ་སྦྱོར་འབྱུང་རྣམས། །རྩ་བའི་རྒྱུད་དུ་ཇི་ལྟར་བརྗོད། །གསང་བ་ལྔ་ལྡན་གང་ཡིན་པའི། །དེ་ནི་རྩ་བའི་རྒྱུད་ཅེས་བྱ། །དབང་བསྐུར་ཕྱག་རྒྱ་ཆེན་པོ་དང་། །རིགས་ཀྱི་དཀྱིལ་འཁོར་རྣལ་འབྱོར་
D480.084.0187a04.01འབྱུང་། །ཇི་ལྟར་གསང་བའི་རིགས་ལས་བྱུང་། །གང་ཞིག་སྔོན་དུ་ཆོས་ཉིད་སྣང་། །ཡིད་ལ་བྱེད་པ་དང་ལྡན་པ། །རྫོགས་སངས་རྒྱས་ཀྱི་ཐབས་ཆེན་པོ། །དེ་བཞིན་གསང་བ་རབ་ཏུ་བརྟག །འདི་ཡི་རྟག་ཏུ་དེ་ཉིད་རིག །རྡོ་རྗེའི་ཡེ་ཤེས་ཇི་ལྟར་འགྱུར། །ཇི་ལྟར་བསྒོམས་པས་རྡོ་རྗེ་
D480.084.0187a05.01ཅན། །མངོན་པར་སྦྱོར་བ་དེ་ཉིད་རིག །དེ་ཚེ་ཡེ་ཤེས་རང་བཞིན་སེམས། །དེ་ཉིད་ཡེ་ཤེས་བརྟན་པར་འགྱུར། །མཆོག་ཏུ་གསང་བ་ཅི་འདྲར་བརྗོད། །ཕྱག་རྒྱ་རྣམ་པ་ལྔ་ལྡན་པ། །དེ་ནི་མཆོག་ཏུ་གསང་བ་བསྒྲགས། །ཕྱག་རྒྱ་ཉེ་བའི་ཕྱག་རྒྱ་བསྡུ། །ཉེ་བར་བཞད་པའི་མཆོད་
D480.084.0187a06.01པའོ། །དེ་ཉིད་ཀྱང་ནི་ཇི་ལྟ་བུ། །རིག་པའི་བསྒོམ་པ་བསྟན་པ་དང་། །ཏིང་འཛིན་སྒོ་དང་ཡང་དག་ལྡན། །རིག་པའི་ལྷ་མོའི་འཁོར་གྱི་མཆོག །དེ་ཉིད་དུ་ནི་རྟག་ཏུ་འགྱུར། །རྡོ་རྗེ་ཕྲ་མོ་ཇི་ལྟར་བརྗོད། །ཤེས་རབ་ཅན་གྱིས་བདག་བསམ་བྱ། །ད་ནི་སུ་ཞིག་བདག་མི་དམིགས། །
D480.084.0187a07.01