完整藏文原文 · 德格版页 当前仅加载第 84 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
བརྩེ་བ་མེད་ཅིང་སྡིག་བྱེད་པ། །གསོད་པ་དང་ནི་འཇོམས་པར་བྱེད། །ཤེས་རབ་འཕྲོག་པར་བྱེད་པ་དང་། །དྲག་པོ་སྣ་ཚོགས་གཟུགས་འཛིན་པ། །དུད་འགྲོའི་འགྲོ་བའི་བར་དང་ནི། །སེམས་ཅན་རྣམས་ལ་གནོད་བྱེད་དང་། །མྱུར་དུ་མདངས་ནི་འཕྲོག་པ་དང་། །
D480.084.0248b01.01ལོ་ཉེས་ཐོག་དང་ཆར་དང་ནི། །ཆར་ནི་མི་འབབ་བྱེད་པ་དང་། །གྲང་དང་དྲོ་བའི་གདུང་བ་ད་ག །སྐད་ཅིག་དེ་ལ་སྐྱེད་པ་དང་། །གདོན་ནི་འབབ་པར་བྱེད་པ་དང་། །ངེས་བཞིན་བདུད་མཆོག་སྐྱེད་པ་དང་། །སེམས་ནི་རྣམ་པར་གཡེང་བྱེད་དང་། །དེ་འདྲའི་གནོད་སྦྱིན་མཐའ་
D480.084.0248b02.01ཡས་དང་། །དེ་ནས་རྒྱལ་པོ་རྡོ་རྗེ་འཛིན། །དཀོན་མཆོག་གནས་ཀྱི་དབང་ཕྱུག་སྟེ། །སྐྱེ་དགུ་སྣ་ཚོགས་ནད་ཀྱིས་བཏབ། །ཡེ་ཤེས་ཀྱི་ནི་སྤྱན་གྱིས་གཟིགས། །དམ་ཚིག་སྡང་བའི་སེམས་ཅན་དང་། །ཡམས་དང་དེ་བཞིན་ཉེ་བར་འཚེ། །རིམས་དང་གདོན་དང་
D480.084.0248b03.01དུག་དྲག་པོ། །སྐྱེ་དགུ་འདི་རྣམས་འཇོམས་པར་བྱེད། །སྣ་ཚོགས་སྡུག་བསྔལ་ཀུན་དུ་འཁྲུགས། །འཇིགས་པ་སྣ་ཚོགས་དག་གིས་ཁྱབ། །ཐམས་ཅད་ཉམས་ཤིང་ཟིལ་གྱིས་ནོན། །སྡུག་བསྔལ་དྲག་པོས་སྡུག་བསྔལ་གྱུར། །སླར་ཡང་བདེ་བར་བྱ་བའི་ཕྱིར། །
D480.084.0248b04.01ནག་པོའི་སྔགས་ནི་ཡོངས་སུ་གཟུང་། །མཁའ་འགྲོ་མ་མོ་རྣལ་འབྱོར་མས། །འགྲོ་བའི་དོན་ནི་ཀུན་དུ་ཁྱབ། །རིམས་དང་གདོན་དང་འབྱུང་པོ་དང་། །མཁའ་འགྲོ་མ་མོ་འབྱུང་པོ་དང་། །གདུག་པ་རྣམས་ཀྱིས་ཀུན་དུ་ཁྱབ། །འཇིག་རྟེན་སྡུག་བསྔལ་སྣོད་འདི་ནི། །གཟིགས་
D480.084.0248b05.01ནས་རྡོ་རྗེ་འཛིན་རྒྱལ་པོས། །ཐུགས་རྗེ་དག་ནི་བསྐྱེད་པར་གྱུར། །ཀྱེ་མའོ་སེམས་ཅན་འདི་སྡུག་བསྔལ། །དེ་ལ་རྗེས་སུ་བརྩེ་བྱེད་མེད། །ང་ནི་ཁོ་ན་རང་བྱུང་སྟེ། །དེ་བཞིན་སྡུག་བསྔལ་ཐམས་ཅད་འཕྲོག །ང་ལ་ལོག་པར་རྟོག་པ་སྟེ། །སྐྱེ་དགུ་དེ་ལ་བརྩེ་བ་མེད། །དབང་
D480.084.0248b06.01ཕྱུག་ཆེན་པོ་གང་ཡིན་དང་། །གདུག་པ་ཐམས་ཅད་རབ་འདུལ་བྱེད། །ཡང་དག་བྱང་ཆུབ་རང་བྱུང་འགྱུར། །སྐྱེ་དགུ་མ་ལུས་བསྐྱབ་པར་བྱ། །ཐམས་ཅད་དག་ནི་དགུག་བྱ་ཞིང་། །དེ་བཞིན་དམ་ཚིག་བསྲུང་བར་བྱ། །གནོད་དང་ཕན་པ་བྱས་ནས་ནི། །སྐྱེ་དགུ་འདི་དག་རྣམ་པར་
D480.084.0248b07.01