完整藏文原文 · 德格版页 当前仅加载第 84 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་གསུམ་བདག་པོ། །{གོ་རིམས་,གོ་རིམ་}བཞིན་དུ་དབང་བསྐུར་འགྱུར། །ཁྱབ་འཇུག་ཅེས་བྱར་གནས་པ་ནི། །སྒྱུ་མའི་རྡོ་རྗེ་ཞེས་བྱར་གྲགས། །གཞོན་ནུ་རྡོ་རྗེ་དྲིལ་བུ་སྟེ། །ཚངས་པ་རྡོ་རྗེ་ཐུབ་པ་ཉིད། །དབང་པོ་རྡོ་རྗེ་མཚོན་ཆ་ཉིད། །དེ་དག་རིག་པའི་བདག་
D480.084.0247b01.01པོར་བཤད། །རྒྱལ་པོ་བཞི་པོ་གཟི་བརྗིད་ཆེ། །རྫུ་འཕྲུལ་ཆེན་པོ་སྟོབས་ཆེན་པོས། །བར་སྣང་ལ་ནི་རྒྱུ་བ་ཉིད། །རྡོ་རྗེའི་མིང་གིས་དབང་བསྐུར་གྱུར། །ཉི་མ་རྡོ་རྗེ་འཁྱིལ་བ་སྟེ། །དེ་བཞིན་ཟླ་བ་རྡོ་རྗེ་འོད། །དབྱིག་ཆེན་རྡོ་རྗེ་དབྱིག་ཏོ་སྟེ། །སེར་སྐྱ་རྡོ་རྗེ་སེར་
D480.084.0247b02.01སྐྱ་མིན། །དེ་ལ་སོགས་པ་ཁྲོ་རྒྱལ་པོ། །རྡོ་རྗེ་ཁྲོ་བོར་དབང་བསྐུར་གྱུར། །དེ་ནས་མཁའ་སྤྱོད་ལྷ་རྣམས་ནི། །རྡོ་རྗེ་མིང་གིས་དབང་བསྐུར་གྱུར། །མྱོས་ཆེན་རྡོ་རྗེ་མྱོས་པ་སྟེ། །རྡོ་རྗེ་ཕྲེང་བ་སྦྲང་རྩི་བྱེད། །རྣམ་པར་རྒྱལ་དང་རྒྱལ་བྱེད་དང་། །རྡོ་རྗེ་ཤེས་དང་རྒྱལ་བར་
D480.084.0247b03.01ལྡན། །ཚོགས་ཀྱི་བདག་པོ་རྒྱལ་པོ་དག །ཞེས་བྱ་ལ་སོགས་དབང་བསྐུར་གྱུར། །དེ་ནས་ས་ལ་གནས་པ་རྣམས། །རྡོ་རྗེའི་མིང་གིས་དབང་བསྐུར་གྱུར། །གཏུན་ཤིང་མཛོད་ནི་བསྲུང་བ་སྟེ། །མེ་ནི་དེ་བཞིན་རྡོ་རྗེ་མེ། །རྡོ་རྗེ་རླུང་ནི་རླུང་ཆེན་པོ། །རྡོ་རྗེ་འཇིགས་བྱེད་
D480.084.0247b04.01ང་ན་རྡོ་རྗེ། །དེ་འདྲ་ལ་སོགས་ཕོ་ཉ་རྣམས། །རྡོ་རྗེ་མཆོག་གིས་དབང་བསྐུར་གྱུར། །དེ་ནས་ས་འོག་གནས་པ་ནི། །རྡོ་རྗེ་ལྕགས་ཀྱུ་རྐང་ཟ་བ། །དེ་བཞིན་གཤིན་རྗེ་རྡོ་རྗེ་ནག །ས་ཡི་གཙུག་ནི་བགེགས་རྡོ་རྗེ། །ཆུ་ལྷ་མགོན་པོ་རྡོ་རྗེ་འཛིན། །དེ་ནས་ལྷ་མོ་ཇི་བཞིན་
D480.084.0247b05.01དུ། །{གོ་རིམས་,གོ་རིམ་}བཞིན་དུ་དབང་བསྐུར་གྱུར། །རྡོ་རྗེ་མིང་གི་དབང་བསྐུར་གྱིས། །ཡུམ་གྱི་མཆོག་རྣམས་དབང་བསྐུར་གྱུར། །ཁྱབ་འཇུག་མ་ནི་རྡོ་རྗེ་གསེར། །དྲུག་ལྡན་རྡོ་རྗེ་གཞོན་ནུ་མ། །ཚངས་པ་རྡོ་རྗེ་བརྒྱད་ཅུ་མ། །དབང་མོ་རྡོ་རྗེ་ཁུ་ཚུར་མ། །གསོད་བྱེད་རྡོ་རྗེ་
D480.084.0247b06.01གསོད་ཉིད་མ། །སྣར་མ་རྡོ་རྗེ་འོད་ལྡན་མ། །དེ་ལས་དབྱིག་པ་རྡོར་མཆོག་མ། །འཕྲོག་མ་རྡོ་རྗེ་སྐ་རགས་ཏེ། །གསོད་བྱེད་རྡོ་རྗེ་འཇིགས་མ་སྟེ། །གནམ་ལྕགས་རྡོ་རྗེ་གནམ་ལྕགས་མ། །ནམ་གྲུ་རྡོ་རྗེ་དབང་ལྡན་མ། །གོས་ཅན་རྡོ་རྗེ་གོས་ཅན་མ། །རྡོ་རྗེ་ཕོ་ཉ་
D480.084.0247b07.01