完整藏文原文 · 德格版页 当前仅加载第 84 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས། །མཆོད་སྦྱིན་ལྷག་པའི་མཆོད་དམ་པའི། །གསང་བ་ཡི་ནི་དཀྱིལ་འཁོར་བྱ། །རྡོ་རྗེ་ཁྲོ་བོའི་ཏིང་འཛིན་གྱི། །གང་ཞིག་གི་ནི་ཐོག་མ་རུ། །བགེགས་ཀུན་ངེས་པར་འཇོམས་པ་ཡི། །གསང་སྔགས་དྲག་པོ་བརྗོད་པར་བྱ། །བཀྲ་ཤིས་སྡིག་པ་འཇོམས་བྱེད་
D480.084.0163b01.01པའི། །བཟླས་བརྗོད་སྦྱིན་སྲེག་ཆོ་ག་ཡང་། །ང་ནི་རྡོ་རྗེ་མེ་ལྟར་འབར། །དྲག་པོའི་བཟོད་དཀའ་ཡེ་ཤེས་འཛིན། །དཀྱིལ་འཁོར་མཆོད་པ་བྱ་བ་ནི། །ཡོ་བྱད་ཡོངས་སུ་བརྟག་པར་བྱ། །ཡང་ན་ཕྱི་ནས་བྱེད་པ་ཡིས། །ཅི་རིགས་པར་ནི་བརྟག་པར་བྱ། །དཔག་
D480.084.0163b02.01ཚད་ལས་ལྷག་མི་བྱ་ཞིང་། །ཁྲུ་དྲུག་ལས་ནི་ཆུང་བ་མིན། །སྒྲུབ་པ་བཅུ་གཉིས་ཞེས་བྱ་སྟེ། །གཞན་ཡང་བྱེད་པ་བཅུ་གཉིས་སོ། །གལ་ཏེ་དེ་ནི་རྒྱལ་པོར་འགྱུར། །དཔག་ཚད་ཀྱི་ནི་ཁྱོན་ཙམ་བྱ། །ཡང་ན་ཀུན་ནས་བཟང་པོ་སྟེ། །ངོས་བཞི་དག་དང་ཡང་དག་ལྡན། །
D480.084.0163b03.01ཡང་ན་སྒྲུབ་པ་བློན་པོ་ཡིན། །ཁྲུ་སྟོང་ཡོད་པ་མཆོག་ཡིན་ནོ། །ཡང་ན་ཀུན་ནས་བཟང་བ་ཡི། །ཁྲུ་དྲུག་པ་ལས་ཆུང་མི་བྱ། །ཡང་ན་ཚོང་དཔོན་འགའ་ཞིག་གམ། །ཡང་ན་དེད་དཔོན་ཡིན་ཡང་རུང་། །ངོས་བཞི་དག་དང་ཡང་དག་ལྡན། །ལྔ་བ་ལས་ནི་ཆུད་མི་བྱ། །
D480.084.0163b04.01ཡང་ན་གང་ཞིག་གཞན་དག་གམ། །སྒྲུབ་པ་པོ་དག་ཡིན་ཡང་རུང་། །བཅུ་པ་ལས་ནི་ཆུང་མི་བྱ། །ཟུར་བཞི་དག་དང་ཡང་དག་ལྡན། །རྒྱ་ཆེར་ཡང་ནི་མི་བྱའོ། །ཡང་ན་སྒྲུབ་བྱེད་སློབ་དཔོན་ཡིན། །དྲུག་པ་ལས་ནི་ཆུང་མི་བྱ། །ཡང་ན་དཔག་ཚད་དང་ལྡན་པའོ། །
D480.084.0163b05.01ཡང་ན་ཡོ་བྱད་ལྡན་པར་བྱ། །གལ་ཏེ་སྒྲུབ་བྱེད་དེ་རྒྱལ་པོ། །རིན་ཆེན་ཕྱེ་མ་རབ་ཏུ་བྱ། །རིན་ཆེན་བཏགས་ལས་ལེགས་བྱ་ཞིང་། །ཤིན་ཏུ་ཁྱད་འཕགས་ཡིད་དུ་འོང་། །ཨིནྡྲ་ནཱི་ལ་སྔོན་པོ་ཆེ། །ཚོན་རྩི་སྔོན་པོ་རབ་ཏུ་བྱ། །པདྨ་རཱ་ག་རཱ་ག་ཆེ། །ཚོན་རྩི་དམར་པོ་
D480.084.0163b06.01ཡང་དག་ལྡན། །ཚོན་རྩི་སེར་པོ་མདོག་བཟང་པོ། །དྲི་མ་མེད་པའི་འོད་ཟེར་ལྡན། །ཚོན་རྩི་དཀར་པོ་ལྡན་པ་ཡི། །དཀར་པོ་དག་ནི་ཤེལ་ལས་བྱ། །བཻཌཱུརྱ་དང་བཙོད་མདོག་སྟེ། །ཚོན་རྩི་ལྔ་ཞེས་བྱ་བར་བཤད། །གལ་ཏེ་དེ་ནི་མ་འབྱོར་ན། །རིན་པོ་ཆེ་དང་
D480.084.0163b07.01