完整藏文原文 · 德格版页 当前仅加载第 84 函德格 228b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལྷག་པ་ཉིད་ཡིན་ཏེ། །བྱང་ཆུབ་སེམས་དཔའི་ཕྱག་མཚན་གང་། །མཁས་པས་ལྷག་པར་བཅང་བར་བྱ། །ཕ་རོལ་ཕྱིན་པ་དྲུག་སྤྱོད་པ། །དེ་ཡི་མཚན་མར་རབ་ཏུ་བསྒྲགས། །གང་ཕྱིར་ལྷག་པར་བསྟན་པར་བྱ། །བློ་ལྡན་རྣམས་ཀྱི་རིགས་འབྱུང་འདོད། །
D480.084.0228b01.01མཚན་མ་བརྟན་པར་རང་གྱུར་པ། །དེ་དག་ཁོ་ནར་རབ་ཏུ་བསྒྲགས། །ཕ་རོལ་ཕྱིན་དྲུག་སྤྱོད་པ་ནི། །རྡོ་རྗེའི་རིགས་སུ་བརྗོད་པར་བྱ། །བྱང་ཆུབ་སེམས་གང་དེ་རྡོ་རྗེ། །རྡོ་རྗེ་མཚན་མར་འདི་བརྗོད་བྱ། །བྱང་ཆུབ་སེམས་ཀྱི་རབ་སྦྱོར་བས། །མཚན་མ་བརྟན་པོར་བརྗོད་
D480.084.0228b02.01པར་བྱ། །པདྨ་ཤེས་རབ་ཕ་རོལ་ཕྱིན། །པདྨའི་ལྟེ་བར་འདུག་བྱ་བ། །ཤེས་རབ་ཕ་རོལ་ཕྱིན་པ་ཡི། །རྣལ་འབྱོར་ཡང་ཡང་སྙོམས་འཇུག་བྱ། །བྷ་ག་ལིང་གའི་སྦྱོར་བ་ནི། །ཡང་དང་ཡང་དུ་བསྟེན་བྱས་ནས། །གཡོ་དང་ཉེས་པ་རྣམ་སྤངས་པར། །གདོན་མི་
D480.084.0228b03.01ཟ་བར་ཡང་དག་བྱུང་། །ཤེས་རབ་དང་ནི་བྱང་ཆུབ་སེམས། །ཡང་དང་ཡང་དུ་བསྟེན་བྱས་ནས། །ཤེས་རབ་ཕ་རོལ་ཕྱིན་པའི་ཚུལ། །བྱང་ཆུབ་གདོན་མི་ཟ་བར་འགྱུར། །བསྒྲུབ་བྱར་གྱུར་པའི་ཆོས་འདི་ནི། །ལུས་ཅན་ཀུན་གྱིས་རྙེད་པར་དཀའ། །བྱང་ཆུབ་སེམས་
D480.084.0228b04.01དད་ཤེས་རབ་ཆེ། །མཆོད་རྟེན་མཚན་མའི་རྗེས་ཆགས་བྱ། །རྣལ་འབྱོར་པས་ནི་འདི་བསྒོམ་དང་། །འདི་ལྟ་བུ་ཡི་སྒྲུབ་པ་དང་། །སྤྱོད་པ་གསང་བ་འདི་ཡིས་ནི། །རྡོ་རྗེ་གསང་བ་ཉིད་ཐོབ་འགྱུར། །གསང་བ་དགོངས་པས་བསྡུས་པ་ཡི། །མདོ་ལས་རྒྱ་ཆེར་ཇི་སྐད་
D480.084.0228b05.01གསུངས། །གསང་བའི་རྣལ་འབྱོར་འདི་ཡིས་ནི། །སེམས་ཅན་ཐམས་ཅད་རྣམ་པར་བསྒོམ། །རྡོ་རྗེ་གསང་དབང་བསྡུས་པ་ཡི། །སྒྲུབ་པའི་རྣལ་འབྱོར་འདི་ཡིས་ནི། །གསང་བ་ཆེན་པོ་བསྒྲུབས་ན་ནི། །སྐད་ཅིག་དེ་ལ་རབ་འགྲུབ་འགྱུར། །ཁ་ཅིག་ཉིན་ཞག་དེ་ཉིད་
D480.084.0228b06.01ལ། །ཡང་དང་ཡང་དུ་འགྲུབ་པར་འགྱུར། །ཉི་མ་གཉིས་གསུམ་བཞི་ལྔའམ། །དྲུག་དང་བདུན་ལ་ཐེ་ཚོམ་མེད། །མཚམས་མེད་ལྔ་པོ་བྱེད་པ་ཡང་། །ཅི་རིགས་པ་ཡི་ཆོ་ག་ཡིས། །ལོ་གཅིག་ཏུ་ནི་རབ་སྦྱོར་བས། །འགྲུབ་འགྱུར་འདི་ལ་ཐེ་ཚོམ་མེད། །
D480.084.0228b07.01