完整藏文原文 · 德格版页 当前仅加载第 84 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །ཐམས་ཅད་སངས་རྒྱས་ཅོད་པན་ལྡན། །འཁོར་ལོས་སྒྱུར་བར་དབང་བསྐུར་བ། །རྡོ་རྗེ་རིན་ཆེན་དེ་བཞིན་ལས། །པདྨ་སྣ་ཚོགས་དགའ་ཆེན་པོ། །བཅོམ་ལྡན་རྣམ་པར་སྣང་མཛད་ཀྱིས། །བྱང་ཆུབ་མཆོག་དེ་ཡང་དག་གཟུང་། །ཡན་ལག་འགྱུར་བ་ལྷག་མ་རྣམས། །
D480.084.0172b01.01རྡོ་རྗེ་སེམས་དཔའ་ལ་སོགས་དགོད། །དེ་ནས་སངས་རྒྱས་རིགས་བཞག་སྟེ། །རྡོ་རྗེའི་རིགས་ཀྱི་སྙིང་པོ་ལ། །ཕྱག་རྒྱ་དང་ནི་སྙིང་པོ་བཤད། །རྡོ་རྗེའི་ཕྱག་རྒྱ་ཡོངས་སུ་གཟུང་། །ཧཱུྃ་ཛཿཧོ་སྭ། ཡི་གེ་ཛ་སོགས་བཤད་པ་ལ། །ཡི་གེ་ཨོཾ་ནི་ཡང་དག་དགོད། །ཧོ་དྷི་ཆོས་
D480.084.0172b02.01དབྱིངས་ཡི་གེ་ཨ། །ཡི་གེ་སྭ་ནི་ཡོངས་སུ་བསྒྱུར། །རྡོ་རྗེ་ཤུགས་ཀྱིས་ལྷོར་སོང་ནས། །རིན་ཆེན་འབྱུང་ལྡན་དཀྱིལ་འཁོར་ལོ། །བཅོམ་ལྡན་མཆོག་ནི་ཡོངས་སུ་འཛིན། །དེ་ཡི་ཕྱོགས་རྣམས་ཐམས་ཅད་དུ། །རྡོ་རྗེ་རིན་ཆེན་ལ་སོགས་བྲིས། །རིན་ཆེན་
D480.084.0172b03.01གཟི་བརྗིད་རྒྱལ་མཚན་དང་། །རིན་ཆེན་སོ་ཡི་རྒྱན་བཅས་པ། །དེ་ལ་རྣམས་ཀྱི་སྙིང་པོ་ནི། །ཨོཾ་ཨཿཏྲཱ་ཧ། ནུབ་ཀྱི་ཕྱོགས་ཀྱི་དཀྱིལ་འཁོར་དུ། །རྡོ་རྗེ་ཤུགས་ཀྱིས་སོང་ནས་སུ། །དེ་ཡི་དབུས་སུ་རྡོ་རྗེ་ཆོས། །འོད་དཔག་མེད་ནི་དགོད་པར་བྱའོ། །དེ་ཡི་སྙིང་པོ་ནི་ཧྲཱིཿ། དེ་ཡི་ཕྱོགས་
D480.084.0172b04.01རྣམས་ཐམས་ཅད་དུ། །རྡོ་རྗེ་པདྨ་ལ་སོགས་བྲི། །པདྨ་རྣོན་པོ་དེ་བཞིན་རྒྱུ། །སྨྲ་བ་ཕྱག་རྒྱ་པདྨ་བཅས། །དེ་ལ་འདི་རྣམས་ཀྱི་སྙིང་པོ་ནི་ཧྲཱིཿརྡྃ་མྃ་རྃ། རྡོ་རྗེ་ཤུགས་ཀྱིས་སོང་ནས་ནི། །བྱང་གི་དཀྱིལ་འཁོར་དབུས་སུ་ནི། །བཅོམ་ལྡན་འདས་ནི་དོན་ཡོད་གྲུབ། །སངས་རྒྱས་
D480.084.0172b05.01ཉིད་ནི་དགོད་པར་བྱ། །དེ་ཡི་སྙིང་པོ་ནི་ཀྃ། །དེ་ཡི་ཕྱོགས་རྣམས་ཐམས་ཅད་དུ། །རྡོ་རྗེ་ལས་ལ་སོགས་པ་བྲི། །ཐམས་ཅད་བསྲུང་བ་གནོད་སྦྱིན་ཆེ། །ལས་དང་ཁུ་ཚུར་ཤིན་ཏུ་བརྟན། །དེ་ལ་འདི་རྣམས་ཀྱི་སྙིང་པོ་ནི། ཀྃ་ཧྃ་ཧཱུྃ་པྃ། དབུས་ཀྱི་འཁོར་ལོ་གྲྭ་བཞི་རུ། །ལྷ་
D480.084.0172b06.01མོ་བཞི་ནི་ཡང་དག་བྲི། །རྡོ་རྗེ་རིན་ཆེན་དེ་བཞིན་ལས། །པདྨ་ལྷ་མོ་བཞི་རུ་བཤད། །དེ་ལ་དེ་རྣམས་ཀྱི་སྙིང་པོ་ནི། །ཨོྃ་ཨོྃ་ཧྲཱིཿཨ་ཐམས་ཅད་ཀྱི་རྒྱལ་པོའི་དཀྱིལ་འཁོར་ཆེན་པོ་ལས་ཆ་དང་པོའི་དཀྱིལ་འཁོར་དབུས་མ་རྫོགས་སོ།། །།དཀྱིལ་འཁོར་དབུས་མ་རྫོགས་
D480.084.0172b07.01