完整藏文原文 · 德格版页 当前仅加载第 84 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་ལྕགས་ཀྱུའི་ཕྱག་རྒྱ་ཡིས། །ཕྱག་ན་རྡོ་རྗེ་སྤྱན་དྲང་བྱ། །རྡོ་རྗེ་ལྕགས་ཀྱུའི་སྦྱོར་བ་ཡིས། །ཀུན་ལ་ཉི་ཤུ་རྩ་གཅིག་བཟླས། །བསྙེམས་ཚུལ་སྔགས་ཀྱི་ཕྱག་རྒྱ་ཡིས། །རྣམ་སྣང་ཡང་དག་སྤྱན་དྲང་བྱ། །སངས་རྒྱས་ལྕགས་ཀྱུའི་སྦྱོར་བ་ཡིས། །དེ་བཞིན་
D480.084.0181a01.01ཁོ་ནར་སངས་རྒྱས་རྣམས། །དམ་ཚིག་ལྕགས་ཀྱུའི་ཕྱག་རྒྱ་ཡིས། །དམ་ཚིག་སེམས་དཔའ་སྤྱན་དྲང་བྱ། །དགུག་པའི་སྦྱོར་བ་བྱས་ནས་ནི། །མཚན་བརྒྱ་རྩ་བརྒྱད་གདོན་པར་བྱ། །མཚན་བརྒྱ་རྩ་བརྒྱད་རྫོགས་ནས་ནི། །མཆོད་པའི་སྤྲིན་རྣམས་ཡང་དག་སྒྲུབ། །བདག་
D480.084.0181a02.01ཉིད་དབུལ་བ་ལ་སོགས་པའི། །ཇི་སྐད་བཤད་པའི་བརྟུལ་ཞུགས་སྤྱད། །བཤགས་དང་གསོལ་གདབ་མཆོད་པ་དང་། །བདག་ཉིད་དབུལ་བ་ལ་སོགས་རྣམས། །བདག་གི་བྱ་བ་རྫོགས་ནས་ནི། །ཕྱག་རྒྱ་བཅིང་བ་ཡང་དག་བརྩམ། །བརྒྱ་འམ་ཡང་ན་སྟོང་དག་གམ། །
D480.084.0181a03.01བརྒྱ་ཕྲག་བརྒྱ་ནི་བསྡུས་པ་ཡིས། །ཕྱག་རྒྱའི་ཚོགས་ནི་བཅིང་བྱས་ནས། །དཀྱིལ་འཁོར་དག་ནི་འགྲུབ་པར་འགྱུར། །དེ་ནས་དཀྱིལ་འཁོར་ལས་བྱས་ཏེ། །ཇི་སྲིད་སྐྱ་རེངས་ཤར་གྱུར་པ། །དེ་སྲིད་ཕྱག་རྒྱ་ཡང་དག་བཅིང་། །ངེས་པར་དངོས་གྲུབ་སྟེར་བར་བྱེད། །དེ་ནས་
D480.084.0181a04.01ལངས་ཏེ་ཕྱག་རྒྱ་བཅས། །དཀྱིལ་འཁོར་ཕྱི་རོལ་བྱུང་ནས་ནི། །གདུག་པ་ལ་སོགས་ཀུན་བསྡིགས་ཏེ། །དཀྱིལ་འཁོར་མཆོད་ཕྱིར་འཇུག་པར་བྱ། །རང་གི་ཁྲུས་བྱས་ལུས་དྲིས་བྱུགས། །ཇི་ལྟར་འཚམ་པའི་རྒྱན་གོས་ལྡན། །ཤིན་ཏུ་མཛེས་པའི་གོས་གྱོན་ཞིང་། །ཕྲེང་ལྡན་ཁ་
D480.084.0181a05.01ནི་དྲི་ཞིམ་པས། །རྡོ་རྗེ་གར་གྱི་སྦྱོར་བ་ཡིས། །མེ་ཏོག་སྤྱི་བོར་གཞག་བྱས་ཏེ། །རོལ་པའི་རྡོ་རྗེ་དགའ་བ་ཡིས། །ཞུགས་ནས་མགོན་ལ་རབ་བཏུད་ཅིང་། །དེ་ཉིད་འདོད་ཆགས་རྗེས་ཆགས་དང་། །དེ་ཉིད་བསྐུལ་བའི་ཕྱག་རྒྱ་ཡིས། །དངོས་གྲུབ་ཐམས་ཅད་རབ་སྟེར་བ། །སངས་
D480.084.0181a06.01རྒྱས་ཀུན་ནི་བསྐུལ་བར་བྱ། །སྐྱོན་དང་བྲལ་ཞིང་རྟག་པ་སྟེ། །འདོད་ཆགས་ཀུན་ལ་རྗེས་ཆགས་པ། །མཆོད་འོས་ཆེན་པོ་རྒྱལ་པོ་ཆེ། །བཅོམ་ལྡན་དེ་ཉིད་བདག་གྲུབ་མཛོད། །དེ་ནས་དམ་ཚིག་མཆོག་གི་ནི། །ཕྱག་རྒྱ་ཆོ་ག་བཞིན་བཅིངས་ནས། །རྡོ་རྗེ་སློབ་དཔོན་ཞུགས་ནས་ནི། །
D480.084.0181a07.01