完整藏文原文 · 德格版页 当前仅加载第 84 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
བཞུགས་པར་འགྱུར། །ཕྱོགས་དང་ཕྱོགས་མཚམས་བཞི་དག་ཏུ། །མཉམ་པར་དམིགས་ནས་བཞུགས་པར་གྱུར། །རྡོ་རྗེ་རྣལ་འབྱོར་རྒྱལ་པོ་ཆེ། །སངས་རྒྱས་ཐམས་ཅད་ཡང་དག་བསྡུས། །ཆོས་དབྱིངས་བརྟན་པའི་ངོ་བོ་ཉིད། །གསང་བ་ཀུན་དུ་
D480.084.0196a01.01ཁྱབ་པར་བསྡུས། །དབུས་སུ་མགོན་པོ་རྣམ་སྣང་མཛད། །སངས་རྒྱས་ཐམས་ཅད་དབང་བསྐུར་བ། །ཕྱོགས་དང་མཚམས་ཀྱི་སངས་རྒྱས་ཀུན། །བརྟན་པར་མཛད་ནས་རབ་ཏུ་བཞུགས། །གདུག་པ་ཀུན་གྱི་དབང་ཕྱུག་རྒྱལ། །ཐུབ་པའི་སྐྱེས་མཆོག་མི་བསྐྱོད་པ། །
D480.084.0196a02.01སངས་རྒྱས་ཐམས་ཅད་བརྟན་མཛད་ནས། །ཤར་གྱི་ཕྱོགས་སུ་ཡང་དག་བཞུགས། །དབང་བསྐུར་བ་ནི་རྒྱལ་པོ་ཆེ། །ནམ་མཁའ་ཐུབ་པའི་སྐྱེས་མཆོག་ནི། །སངས་རྒྱས་ཐམས་ཅད་བརྟན་མཛད་ནས། །ལྷོ་ཡི་ཕྱོགས་སུ་བཞུགས་པར་གྱུར། །དག་པའི་ཆོས་
D480.084.0196a03.01འཛིན་རྒྱལ་པོ་ཆེ། །ཆོས་འཛིན་གཙོ་བོ་ཆེན་པོ་ནི། །སངས་རྒྱས་ཐམས་ཅད་བརྟན་མཛད་ནས། །ནུབ་ཀྱི་ཕྱོགས་སུ་བཞུགས་པར་གྱུར། །སངས་རྒྱས་མཛད་པ་འཛིན་རྒྱལ་པོ། །དོན་ཡོད་གྲུབ་པ་བླ་ན་མེད། །སངས་རྒྱས་ཐམས་ཅད་བརྟན་མཛད་ནས། །བྱང་གི་ཕྱོགས་སུ་
D480.084.0196a04.01བཞུགས་པར་གྱུར། །མི་བསྐྱོད་རྡོ་རྗེ་སེམས་དཔའ་སྟེ། །མཁའ་སྙིང་རིན་ཆེན་འབྱུང་ལྡན་ཡིན། །འཇིག་རྟེན་དབང་ཕྱུག་འོད་དཔག་མེད། །རྡོ་རྗེ་ལས་ནི་དོན་ཡོད་གྲུབ། །གསང་ཞིང་ཤིན་ཏུ་གསང་བ་མཆོག །ཆོས་དབྱིངས་བརྟན་པ་གང་ཡིན་པ། །དེ་ཉིད་མགོན་པོ་རྣམ་སྣང་མཛད། །
D480.084.0196a05.01སངས་རྒྱས་ཀུན་གྱི་བདག་པོར་བཤད། །སངས་རྒྱས་ཐམས་ཅད་ཕྱོགས་བཞི་རུ། །སྦྱིན་པ་བཞི་ནི་རབ་ཏུ་བཤད། །ཕྱོགས་མཚམས་དྲུག་ནི་བརྟན་མཛད་ནས། །རྣམ་པར་སྣང་མཛད་ཡང་དག་ལྡན། །ཤར་གྱི་སངས་རྒྱས་དབང་ཕྱུག་རྒྱལ། །རྡོ་རྗེ་སེམས་དཔའ་འཇིགས་མི་མངའ། །
D480.084.0196a06.01ཐུབ་པ་མི་བསྐྱོད་སྣང་བ་དེས། །སྙིང་པོ་བཞི་ནི་གསུངས་པར་འགྱུར། །ཧཱུཾ་བཛྲ་སཏྭ། ཛཿབཛྲ་རཱ་ཛ། ཧོ་བཛྲ་རཱ་ག །སཱ་བཛྲ་སཱ་དྷུ། དམ་ཚིག་སེམས་དཔའ་ཞེས་བྱ་བ། །དེ་བཞིན་རྡོ་རྗེ་སེམས་དཔའ་སོགས། །འཇིགས་པ་མི་མངའ་སེམས་དཔའ་བཞི། །མགོན་པོ་ཡི་ནི་ཐུགས་ལས་
D480.084.0196a07.01