完整藏文原文 · 德格版页 当前仅加载第 84 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
ཧ་ཧ་ཞེས་དགོད་བཞད་པ་ཡིས། །སྨྲས་པ་རྡོ་རྗེ་གནོད་སྦྱིན་ང་། །ཐམས་ཅད་ཟ་བྱེད་བཟོད་དཀའ་བ། །དེ་ནས་ལྷ་ཆེན་གྱིས་སྨྲས་པ། །རྡོ་རྗེ་གནོད་སྦྱིན་ངས་མི་ཤེས། །ང་ཡིས་ཁྱོད་ནི་སྔར་མ་མཐོང་། །བདག་ཉིད་ཁོ་ན་རང་བྱུང་བ། །རྡོ་རྗེ་དྲག་པོས་རབ་སྨྲས་པ། །
D480.084.0241b01.01ང་ཡི་བཀའ་ལ་མྱུར་གནས་ཀྱིས། །མིན་ན་རྡོ་རྗེ་འབར་བ་འདིས། །རང་གི་རིགས་ནི་སྲེག་པར་བྱེད། །ལྷ་ཆེན་པོ་ཡིས་ཚིག་སྨྲས་པ། །བསྟན་པ་ལ་ནི་ང་མི་གནས། །འཇིག་རྟེན་གསུམ་གྱི་དབང་ཕྱུག་ང་། །སུ་ཡི་བསྟན་པ་ལ་གནས་པ། །འཁོར་དང་བཅས་པའི་སྟོབས་
D480.084.0241b02.01གང་ཡིན། །དེ་རིང་ང་ཡིས་བསྟན་པར་བྱ། །ཁྱོད་ལ་སྟོབས་ནི་ཅི་ཡོད་པ། །སྟོབས་ཆེན་ལྡན་པས་བསྟན་པར་གྱིས། །དབང་ཕྱུག་ཆེན་པོ་རྒྱལ་པོ་ཆེ། །འབྱུང་པོའི་ཚོགས་བཅས་ལྷན་ཅིག་ཏུ། །ཚིག་དག་སྨྲས་པར་གྱུར་པ་ནི། །དྲག་པོ་ཉིད་ནི་བསྟན་པར་བྱ། །
D480.084.0241b03.01སྟོང་གསུམ་གྱི་ནི་འཇིག་རྟེན་འདི། །འོད་ཟེར་འབར་བའི་ཕྲེང་བས་ཁྱབ། །ཧ་ཧ་ཞེས་བྱ་ཤིན་ཏུ་དྲག །དབང་ཕྱུག་ཆེན་པོས་བསྟན་པར་བྱ། །ཨོྃ་ཤཱུ་ལ་ཨ་ཏྲི་ཤཱུ་ལ་མ་ཧཱ་ས་ཧ་སྲ་ཤཱུ་ལ་ཨཱ་ཡུ་དྷེ། རྩེ་གསུམ་མངག་གཞུག་རྒྱལ་པོ་ནི། །སྟོང་ཕྲག་གཅིག་ནི་བྱུང་
D480.084.0241b04.01བར་འགྱུར། །རྩེ་བཅས་ཀུན་དུ་འབར་བ་ཡིས། །རྡོ་རྗེ་ཅན་དང་ལྷན་ཅིག་འཐབ། །ན་རཱ་ཡ་ནས་སྨྲས་པ། །ཨོྃ་མ་ཧཱ་ས་ཧ་སྲ་ཙཀྲ་ཨཱ་ཡུ་དྷེ། ཁྱབ་འཇུག་གིས་ནི་དེ་དག་སྨྲས། །འཁོར་ལོ་གཅིག་ཏུ་རྣམ་པ་སྟོང་། །ཐམས་ཅད་འོད་ཟེར་འབར་བས་ཁྱབ། །
D480.084.0241b05.01རྡོ་རྗེ་ཅན་དང་ལྷན་ཅིག་འཐབ། །བརྒྱ་བྱིན་གྱིས་སྨྲས་པ། །ཨོྃ་མ་ཧཱ་ས་ཧ་སྲ་བཛྲ་ཨཱ་ཡུ་དྷེ། རྡོ་རྗེ་སྟོང་ནི་བྱུང་བར་གྱུར། །རྡོ་རྗེ་འབར་བ་ཚ་བས་ཁྱབ། །བརྒྱ་བྱིན་གྱིས་ནི་སྨྲས་པ་ཡིན། །རྡོ་རྗེ་ཅན་དང་ལྷན་ཅིག་འཐབ། །གཞོན་ནུས་སྨྲས་པ། ཨོྃ་མ་ཧཱ་ས་ཧ་སྲ་
D480.084.0241b06.01ཤ་ཀྵྱཨཱ་ཡུ་དྷེ། གཞོན་ནུས་དེ་སྐད་སྨྲས་ནས་ནི། །མདུང་ནི་རྩེ་གསུམ་སྟོང་བྱུང་གྱུར། །སྒྲ་ནི་དྲག་པོ་སྒྲོགས་བྱེད་ཅིང་། །རྡོ་རྗེ་ཅན་དང་ལྷན་ཅིག་འཐབ། །ཚངས་པས་སྨྲས་པ། ཨོཾ་མ་ཧཱ་ས་ཧ་སྲ་དཎྜ་ཨཱ་ཡུ་དྷེ། ཚངས་པས་དེ་སྐད་སྨྲས་ནས་ནི། །དབྱུག་
D480.084.0241b07.01