完整藏文原文 · 德格版页 当前仅加载第 84 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་བྱང་ཆུབ་ཆན་པོ་ཡི། །ཆོས་ཀྱི་འཁོར་ལོ་བསྐོར་བར་བྱ། །གདུལ་བྱའི་ཚོགས་ནི་ལོངས་སྤྱོད་པའི། །ཆོས་དང་ལོངས་སྤྱོད་སྤྲུལ་པའང་འགྲུབ། །གནས་ནི་ཡོངས་སུ་གྱུར་བ་ཡིས། །སེམས་ནི་ཀུན་གཞི་ལས་བྱུང་མིན། །བསོད་ནམས་ཡེ་ཤེས་རབ་རྫོགས་
D480.084.0160b01.01ཕྱིར། །ཟླ་བ་གང་བར་རྣམ་པར་བརྟགས། །ཟླ་བ་གང་བ་དྲི་མེད་པ། །སྙིང་ག་རུ་ནི་བསྒོམ་པར་བྱ། །ཟླ་བའི་དཀྱིལ་འཁོར་དབུས་སུ་ནི། །རིག་པའི་ཡི་གེ་རྣམ་པར་བསྒོམ། །དེ་ལྟ་བུ་ཡི་ཚུལ་མཆོག་གིས། །ཟླ་བ་ཕྱེད་ན་འགྲུབ་པར་འགྱུར། །མཚམས་མེད་ལྔ་པོ་བྱེད་
D480.084.0160b02.01པ་ཡང་། །ལོ་གཅིག་ན་ནི་འགྲུབ་པར་འགྱུར། །ཇི་སྲིད་སྐྱོ་བར་མི་འགྱུར་བའི། །དེ་སྲིད་རྣལ་འབྱོར་ཆེན་པོས་བཟླས། །ལུས་ནི་ངལ་བར་གྱུར་པ་ན། །ཕྱག་རྒྱ་བཅིང་བ་བརྩམ་པར་བྱ། །དེ་བཞིན་གཤེགས་པའི་རིགས་བཟླས་པའི། །དེ་ཚེ་བྱང་ཆུབ་མཆོག་བཅིང་
D480.084.0160b03.01བྱ། །ཡང་ན་ཆོས་འབྱུང་ཞེས་པའམ། །ཤིན་ཏུ་རྨད་བྱུང་དཔལ་བེའུའོ། །དེ་ནས་རྡོ་རྗེའི་རིགས་བཟླས་པ། །ཕྱག་ན་རྡོ་རྗེ་རང་བདག་ཉིད། །བྱང་ཆུབ་སྙིང་པོ་ལ་གནས་བདག །བདག་ནི་ཕྱག་ན་རྡོ་རྗེ་བསྟན། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེའི་གཟུགས་ནི་རྣམ་
D480.084.0160b04.01པར་བསྒོམ། །གསང་ཆེན་རྡོ་རྗེའི་དབུས་སུ་ནི། །རིག་པའི་ཡི་གེ་རྣམ་པར་བསྒོམ། །དེ་ནས་པདྨའི་རིགས་བཟླས་པ། །པདྨ་སེམས་དཔའ་རང་བདག་ཉིད། །ཟླ་བའི་དབུས་སུ་པདྨ་ཆེ། །པདྨའི་དབུས་སུ་ཡི་གེ་རྣམས། །དེ་བཞིན་རིན་ཆེན་རིགས་བཟླས་པའི། །རིན་ཆེན་
D480.084.0160b05.01རྒྱལ་པོ་རང་བདག་ཉིད། །ཟླ་བའི་དབུས་སུ་རིན་ཆེན་ཆེ། །རིན་ཆེན་དབུས་སུའང་ཡི་གེ་རྣམས། །དེ་ན་ལས་ཀྱི་རིགས་བཟང་པོ། །རྣལ་འབྱོར་དོན་ཀུན་སྒྲུབ་བྱེད་ལ། །སངས་རྒྱས་སྙིང་པོ་རང་བདག་ཉིད། །རྡོ་རྗེ་ལས་སུ་རྣམ་པར་བསྒོམ། །ཟླ་བའི་དཀྱིལ་འཁོར་དབུས་སུ་
D480.084.0160b06.01ནི། །རིན་ཆེན་རྡོ་རྗེ་རྣམ་པར་བསྒོམ། །རིན་ཆེན་རྩེ་མོ་རྡོ་རྗེ་ཆེ། །དེ་ཡི་དབུས་སུའང་ཡི་གེ་རྣམས། །རིགས་ལྔ་ཡི་ནི་བཟླས་པ་འདི། །གསང་བའི་བཟླས་པ་བརྗོད་པར་བྱ། །དེ་ནས་གཞན་ཡང་བཤད་བྱ་སྟེ། །བཟླས་རྒྱུད་གསང་བ་མཆོག་འཛིན་པ། །དེ་བཞིན་གཤེགས་
D480.084.0160b07.01