完整藏文原文 · 德格版页 当前仅加载第 84 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་ཆོས་རོ་ཡི་བཅུད་ལས་བྱུང་། །དེ་ནི་རྡོ་རྗེ་རྒྱུ་ཞེས་བྱ། །རྡོ་རྗེ་སྨྲ་བ་ཅི་ཡིན་བརྗོད། །སངས་རྒྱས་ཀུན་གྱི་ཆོས་ཆེན་པོ། །མཁའ་མཚུངས་ཚིག་དང་བྲལ་བ་སྟེ། །ཚིག་མེ་ཚིག་ལས་ཡང་དག་བྱུང་། །དེ་ནི་རྡོ་རྗེ་སྨྲ་བར་བརྗོད། །ཅི་ཡི་ཕྱིར་ན་རྡོ་རྗེ་ལས། །སེམས་ཅན་སྨིན་དང་
D480.084.0151b01.01གྲོལ་བ་ཡི། །སངས་རྒྱས་ཀུན་གྱི་ལས་གང་དང་། །སངས་རྒྱས་ལས་ནི་བདག་མེད་པ། །དེ་ནི་རྡོ་རྗེ་ལས་ཞེས་བྱ། །རྡོ་རྗེ་སྲུང་བ་ཅི་ཡིན་བརྗོད། །བྱང་ཆུབ་སེམས་དཔའི་སྲུང་བ་སྟེ། །ཐེག་པ་དམན་པ་སྤོང་བྱེད་ཅིང་། །རྩེ་མོ་ནས་ལྟུང་སྲུང་བྱེད་པ། །དེ་ནི་རྡོ་རྗེ་སྲུང་བར་བརྗོད། །
D480.084.0151b02.01རྡོ་རྗེ་གནོད་སྦྱིན་འདི་དོན་ཅི། །སྡིག་པ་ཐམས་ཅད་ཟད་བྱེད་ཅིང་། །ཉོན་མོངས་ཐམས་ཅད་ངེས་པར་གཅོད། །སྲིད་པ་ཟ་བྱེད་གནོད་སྦྱིན་ཆེ། །དེ་ནི་རྡོ་རྗེ་གནོད་སྦྱིན་བརྗོད། །རྡོ་རྗེ་ཁུ་ཚུར་ཅི་ཡིན་བརྗོད། །བདེན་ཞིང་གཞན་མིན་དེ་བཞིན་ཉིད། །འགྱུར་མེད་དེ་ཁོ་ན་ཉིད་གང་། །
D480.084.0151b03.01སངས་རྒྱས་དེ་བཞིན་ཉིད་ཡེ་ཤེས། །དེ་ནི་རྡོ་རྗེ་ཁུ་ཚུར་བརྗོད། །སྔོན་དུ་བྱང་ཆུབ་སེམས་འགྱུར་གང་། །རྡོ་རྗེ་སེམས་དཔའ་ཡང་དག་བྱུང་། །བསྡུ་བའི་དངོས་པོ་བཞི་པོ་ནི། །རྡོ་རྗེ་རྒྱལ་པོར་ཡང་དག་བྱུང་། །སེམས་ཅན་སྨིན་བྱེད་ཆགས་པའོ། །བྱང་ཆུབ་སྤྱོད་པ་ལེགས་པ་སྟེ། །
D480.084.0151b04.01དེ་ཉིད་ཅེས་བྱ་དམ་ཚིག་ཆེ། །བྱང་ཆུབ་སེམས་ལས་ཡང་དག་བྱུང་། །སྔོན་གྱི་སྦྱིན་པའི་སྤྱོད་གྱུར་གང་། །དེ་ནི་རྡོ་རྗེ་རིན་ཆེན་བརྗོད། །སེམས་ཅན་ཀུན་ལ་མི་འཇིགས་སྦྱིན། །དེ་ནི་རྡོ་རྗེ་གཟི་བརྗིད་བརྗོད། །འབྱུང་པོ་ཀུན་ལ་བྱམས་པ་ནི། །རྡོ་རྗེ་རྒྱལ་མཚན་ཡང་དག་བྱུང་། །
D480.084.0151b05.01ཆོས་ཀྱི་སྦྱིན་པ་བཞད་པ་སྟེ། །དབང་བསྐུར་བཞི་པོར་བསྟན་པ་ཡིན། །རྫོགས་སངས་རྒྱས་ཀྱི་ཏིང་འཛིན་གང་། །རྡོ་རྗེ་ཆོས་ནི་དེ་ལས་བྱུང་། །ཉོན་མོངས་གཅོད་བྱེད་རྡོ་རྗེ་ཆེ། །རྡོ་རྗེ་རྣོན་པོར་ཡང་དག་བྱུང་། །མངོན་ཤེས་དང་ནི་མཐུ་ལ་སོགས། །དེ་ནི་རྡོ་རྗེ་རྒྱུ་རུ་བརྗོད། །གསུངས་ལ་
D480.084.0151b06.01སོགས་པ་གྲུབ་པ་ནི། །རྡོ་རྗེ་སྨྲ་བར་ཡང་དག་བྱུང་། །ཡེ་ཤེས་ཆེན་པོ་ཆོས་ཆེན་པོ། །དམ་ཚིག་ཅེས་བྱའི་དགའ་ཆེན་པོ། །ཡེ་ཤེས་མངོན་པར་རྟོགས་ཏེ་དག །རྡོ་རྗེ་ཆོས་ལས་ཡང་དག་བྱུང་། །བརྩོན་འགྲུས་ཕ་རོལ་ཕྱིན་རྒྱལ་པོ། །རྡོ་རྗེ་ལས་སུ་ཡང་དག་བྱུང་། །ཐེག་པ་
D480.084.0151b07.01