完整藏文原文 · 德格版页 当前仅加载第 84 函德格 217b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་རྒྱ་ཐམས་ཅད་བཅིང་བྱ་ཞིང་། །རྡོ་རྗེ་ཐལ་མོས་མཉེས་པར་བྱ། །མཚན་བརྒྱ་རྩ་བརྒྱད་དམ་པ་ནི། །ཐམས་ཅད་བྱས་ནས་གདོན་པར་བྱ། །ལན་གསུམ་དང་ནི་ལན་བདུན་དུ། །བསྐོར་བ་དག་ཀྱང་རབ་ཏུ་བྱ། །རྡོ་རྗེ་སེམས་དཔའི་ཕྱག་རྒྱ་ཆེ། །མཁས་
D480.084.0217b01.01པ་ཡིས་ནི་དྲལ་བར་བྱ། །རྡོ་རྗེ་སེམས་དཔའི་ཕྱག་རྒྱ་ཆེ། །འཁོར་ལོའི་དབུས་སུ་སྟེང་དུ་བཅིང་། །གང་གིས་སེམས་ནི་དག་གྱུར་པ། །ཕྱག་རྒྱ་ཐམས་ཅད་ཡང་དག་བཅིང་། །ཨོཾ་བཛྲ་མུཿ། སྙིང་པོ་འདི་ནི་བརྗོད་ནས་སུ། །ཕྱག་རྒྱ་ཐམས་ཅད་སྟེང་
D480.084.0217b02.01དུ་བཅིང་། །སྒོ་དང་ཕྱི་རོལ་མཆོད་པ་ལ། །རྡོ་རྗེའི་མུ་ནི་བརྗོད་པར་བྱ། །གསང་བ་འདི་ནི་གསང་བ་ཆེ། །རྡོ་རྗེའི་རིག་པ་འཛིན་པ་ནི། །ཤེས་རབ་ཅན་གྱིས་ཀུན་མི་བསྟན། །ལྡོམ་དང་ལྡན་པ་མཆོག་ལ་སྦྱིན། །ཤིན་ཏུ་སྣོད་ལྡན་ཕ་རོལ་ལ། །དེ་ནི་རིག་པའི་བརྟུལ་
D480.084.0217b03.01ཞུགས་ཏེ། །ལག་པ་གཡས་སུ་རྡོ་རྗེ་སྟེ། །གཡོན་དུ་དྲིལ་བུ་སྦྱིན་པར་བྱ། །རྡོ་རྗེའི་བརྟུལ་ཞུགས་གསང་ཆེན་པོ། །སྙིང་པོ་འདི་ནི་སྦྱིན་པར་བྱ། །དེ་བྱིན་སྙིང་གར་འཛིན་དུ་གཞུག །ཐམས་ཅད་བསྒྲུབ་པའི་མཆོག་ཡིན་ནོ། །འདི་དེ་སངས་རྒྱས་ཐམས་ཅད་ཀྱི། །
D480.084.0217b04.01རྡོ་རྗེ་སེམས་དཔའ་ཕྱག་ན་གནས། །ཁྱོད་ཀྱིས་ཀྱང་ནི་རྟག་ཏུ་བཅང་། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོཾ་སརྦ་ཏ་ཐཱ་ག་ཏ་སིད་དྷི་བཛྲ་ས་མ་ཡ་ཏིཥྛ་ཨེ་ཥ་ཏྭཾ་དྷཱ་ར་ཡཱ་མི་བཛྲ་སཏྭ། ཧི་ཧི་ཧི་ཧི་ཧཱུྃ། དེ་ནས་ཐམས་ཅད་མཚུངས་པ་རུ། །ཕྱག་རྒྱས་དཀྱིལ་འཁོར་
D480.084.0217b05.01དགྲོལ་བར་བྱ། །བཛྲ་ས་ཏྭ་མུཿ། རྡོ་རྗེ་སློབ་དཔོན་གྱི་བྱ་བ་རྫོགས་སོ།། །།ཇི་ལྟར་ཆོ་གར་རབ་ལྡན་ཉིད། །རྡོ་རྗེ་གསང་བའི་དཀྱིལ་འཁོར་ཏེ། །རྡོ་རྗེ་འཛིན་པ་རྒྱལ་པོ་ཆེ། །དེ་བཞིན་ཀུན་དུ་བསྒྲུབ་པར་བྱ། །རྡོ་རྗེ་འཛིན་པ་རྒྱལ་པོ་ཆེ། །ཀུན་མཆོག་དབང་
D480.084.0217b06.01ཕྱུག་དམ་པ་ཡིས། །རྣལ་འབྱོར་གྱི་ནི་རྒྱུད་བསྡུས་པ། །མཆོག་ཏུ་གསང་བ་གསུངས་པར་གྱུར། །ཨེ་མའོ་སངས་རྒྱས་མགོན་པོ་ཆེ། །སྤྱོད་པ་སྤྱོད་ཕྱིར་བྱུང་བ་སྟེ། །ཆོས་ཀྱི་མགོན་པོ་རྣལ་འབྱོར་ཆེ། །རྒྱུད་རྣམས་ཐམས་ཅད་ཡང་དག་བྱུང་། །སངས་རྒྱས་
D480.084.0217b07.01