完整藏文原文 · 德格版页 当前仅加载第 84 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་བཤད། །འཁོར་བའི་ཞགས་པ་ཟད་བྱེད་པ། །རྡོ་རྗེ་ཁུ་ཚུར་ཡང་དག་བཤད། །བྱང་ཆུབ་མཆོག་ནི་བརྟན་པར་བྱེད། །རྡོ་རྗེ་སེམས་མ་རྡོ་རྗེ་ཆོས། །རིན་ཆེན་ལས་ཀྱི་རྡོ་རྗེ་མ། །རྡོ་རྗེ་རིན་ཆེན་ཆོས་ཆེན་པོ། །ལས་ཀྱི་གསང་བ་ལས་
D480.084.0216a01.01བྱུང་བ། །རྡོ་རྗེ་ལྷ་མོ་ལྷག་པ་བརྒྱད། །ཕ་རོལ་ཕྱིན་མཆོག་ལྷག་མ་བརྒྱད། །ཆོས་མ་ཤེས་རབ་ཕ་རོལ་ཕྱིན། །ལས་མ་ཐབས་ཀྱི་མཆོག་ཡིན་ནོ། །ཕ་རོལ་ཕྱིན་བཅུ་དམ་པ་ནི། །ས་བཅུ་དག་ཏུ་ཡང་དག་བཤད། །དམ་པའི་ཆོས་ཀྱི་གྲོང་ཁྱེར་སྲུང་། །
D480.084.0216a02.01བྱང་ཆུབ་སེམས་དཔའ་ཞེས་བྱར་བཤད། །ཨེ་མའོ་ཡེ་ཤེས་ཨེ་མའོ་ཆོས། །ཨེ་མའོ་ཐར་པའི་གྲོང་ཁྱེར་མཆོག །ཨེ་མའོ་རྣམ་འཕྲུལ་འཁོར་ལོ་ནི། །ཐུབ་པའི་དབང་ཕྱུག་དག་གིས་བསྟན། །ཆོས་ཀྱི་སྦྱོར་བ་འདི་ཡིས་ནི། །མགོན་པོས་ཐར་པར་དགོད་པར་
D480.084.0216a03.01མཛད། །གང་དུ་སངས་རྒྱས་རྒལ་གྱུར་ནས། །སེམས་ཅན་རྣམས་ཀྱང་གྲོལ་བར་མཛད། །འདི་ནི་ཆོས་ཀྱི་རང་བཞིན་གྲུབ། །འདི་ཆོས་རང་བཞིན་ཤིང་རྟ་སྟེ། །ཆོས་ཀྱི་རང་བཞིན་སྙིང་པོ་འདི། །འདི་ཆོས་རང་བཞིན་གྲོང་ཁྱེར་ཡིན། །དེ་ཁོ་ན་ཉིད་མཆོག་ཏུ་གསང་
D480.084.0216a04.01བའི་རྟོག་པའི་རྒྱལ་པོ་ཆེན་པོ་གསང་བའི་རྣལ་འབྱོར་ཆེན་པོ་རྡོ་རྗེ་རྩེ་མོ་ལས་དེ་བཞིན་གཤེགས་པ་ཐམས་ཅད་ཀྱི་གསང་བའི་མདོ་སྡེའི་དབང་པོ་ཞེས་བྱ་བའི་རྣམ་པར་བཤད་པ་སྟེ་ལེའུ་དང་པོ་རྫོགས་སོ།། །།དངོས་གྲུབ་ཐམས་ཅད་བླ་ན་མེད། །དེ་ནས་གསང་བ་བཤད་
D480.084.0216a05.01པར་བྱ། །རྡོ་རྗེའི་རིག་པ་འཛིན་པ་ནི། །བདག་ཉིད་ཀྱིས་ནི་སྦྱར་བར་བྱ། །ཆོ་ག་ཇི་ལྟ་བ་བཞིན་དུ། །ཕྱག་རྒྱ་བཅིང་བ་བཤད་པར་བྱ། །ཅི་རིགས་པར་ནི་བཅིང་བྱ་ཡི། །གཞན་དུ་མྱུར་དུ་འགྲུབ་མི་འགྱུར། །ཐལ་མོ་མཉམ་པ་བཅིང་བྱ་སྟེ། །སྡོན་ལ་ཐལ་མོ་མཉམ་
D480.084.0216a06.01པར་བྱ། །དེ་ནས་རྡོ་རྗེ་ཐལ་མོ་བཅིངས། །རྡོ་རྗེ་བསྡམས་པ་བཅིང་བར་བྱ། །སོར་མོ་རྡོ་རྗེ་བསྡམས་བཅིངས་ནས། །སྙིང་པོ་བརྗོད་ཅིང་དྲལ་བར་བྱ། །དེ་ནས་ཕྱག་རྒྱ་དབང་དུ་གྱུར། །འགྲུབ་འགྱུར་འདི་ལ་ཐེ་ཚོམ་མེད། །བཛྲ་བནྡྷ་ཏྲཊ། འདི་ནི་སྔོན་དུ་བརྗོད་
D480.084.0216a07.01