完整藏文原文 · 德格版页 当前仅加载第 84 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་ཆེན་པོ་བསྟན་པ་ཡིན། །སངས་རྒྱས་འབྱུང་བ་དང་ལྡན་པ། །དེ་ནི་དཀྱིལ་འཁོར་འཛིན་དུ་འཇུག །ཡང་ན་བསོད་ནམས་དག་གི་ཚོགས། །དེ་ནི་རང་ཉིད་ཀྱིས་མཐོང་འགྱུར། །གང་ཕྱིར་ཚོགས་བཅས་ལོངས་སྤྱོད་དང་། །ཆོས་ཀྱི་སྐུ་ནི་བླ་ན་མེད། །
D480.084.0206a01.01རྡོ་རྗེའི་དམ་ཆོས་ལས་བྱུང་བའི། །སངས་རྒྱས་འབྱུང་བ་འཛིན་དུ་གཞུག །གལ་ཏེ་དེ་ནི་ཚོགས་བསགས་གྱུར། །སྔོན་དུ་སངས་རྒྱས་རྗེས་སུ་མཐོང་། །དཀྱིལ་འཁོར་སྦྱོར་བ་ལ་གནས་ཏེ། །སངས་རྒྱས་ཐམས་ཅད་དེས་མཐོང་འགྱུར། །ཚོགས་ནི་བསགས་པ་མེད་པ་དང་། །སངས་
D480.084.0206a02.01རྒྱས་མཐོང་བ་མེད་བ་རུ། །དེས་ནི་ཐོས་པ་རྙེད་མི་འགྱུར། །དང་པོར་འདིར་འཇུག་སྨོས་ཅི་དགོས། །གང་ཕྱིར་སངས་རྒྱས་ཐམས་ཅད་ཀྱི། །འདི་ནི་གསང་བ་མཚུངས་མེད་པ། །འདི་ནི་ཐེག་ཆེན་སྙིང་པོ་སྟེ། །ཆོས་ཀྱི་འཁོར་ལོ་བླ་ན་མེད། །བསྐལ་པ་གྲངས་མེད་པ་རུ་བྱུང་། །ས་
D480.084.0206a03.01ཡི་ཕ་རོལ་ཕྱིན་པ་མཆོག །གང་ཕྱིན་གསང་བ་མཐོ་བ་ཐོབ། །རབ་ཏུ་དགའ་བ་སྒྲུབ་པར་འགྱུར། །གལ་ཏེ་རྣལ་འབྱོར་པ་དེ་བརྩོན། །ཚེ་འདི་ཉིད་ལ་མྱ་ངན་འདས། །རབ་ཏུ་དགའ་བའི་ས་ཐོབ་ཅིང་། །རྡོ་རྗེ་ཉིད་ནི་ཐེ་ཚོམ་མ་མེད། །ཡང་ན་མཐོང་བ་ཙམ་གྱིས་ནི། །སྐྱེ་བ་བཅུ་དྲུག་མྱ་
D480.084.0206a04.01ངན་འདའ། །རབ་ཏུ་དགའ་བ་ཐོབ་པ་ཡང་། །ཡང་ན་རྡོ་རྗེ་ཉིད་ཀྱང་ངོ་། །ས་ལ་ཉི་ཟླ་ལྟུང་བྱེད་ཅིང་། །དེ་ནི་ནམ་མཁའི་རང་བཞིན་འགྱུར། །སོ་སོའི་སྐྱེ་བོས་སངས་རྒྱས་ཉིད། །འགྲུབ་པར་འགྱུར་ཏེ་གཞན་དུ་མིན། །རྣལ་འབྱོར་མཆོག་ནི་བླ་མེད་པ། །དེ་ཕྱིར་རྣལ་འབྱོར་ཆེན་པོ་སྦྱོར། །
D480.084.0206a05.01གལ་ཏེ་སངས་རྒྱས་ཉིད་འདོད་ན། །བརྩོན་འགྲུས་ཆེན་པོས་བསྡད་མི་བྱ། །ཚད་ནི་ཇི་སྐད་བཤད་པ་རུ། །དེ་བཞིན་གཞུང་གི་རྗེས་འབྲངས་ནས། །ཕྱི་ཡི་དཀྱིལ་འཁོར་ཐིག་གདབ་བྱ། །གང་ཕྱིར་རྡོ་རྗེ་འཛིན་པའི་གནས། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་
D480.084.0206a06.01པར་བྱ། །ཐིག་བཞི་དང་ནི་ཡང་དག་ལྡན། །ཆ་མཉམ་པས་ནི་མཛེས་པར་གྱུར། །དར་གྱི་ཆུན་པོས་བརྒྱན་གྱུར་ཅིང་། །རིན་ཆེན་དྲ་བས་རྣམ་པར་བརྒྱན། །གཡེར་ཀའི་དྲ་བས་ཡང་དག་ལྡན། །ཁ་དོག་ལྔ་པོས་རབ་ཏུ་མཛེས། །དྲིལ་བུའི་དྲ་བས་ཤིན་ཏུ་སྤྲས། །རྔ་ཡབ་
D480.084.0206a07.01