完整藏文原文 · 德格版页 当前仅加载第 84 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
རིག་པ་འདི་གསུངས་སོ། །ཨོྃ་བཛྲ་ཨཱ་ཡུཿ། རིག་པ་འདི་ནི་བརྗོད་པ་ཡིས། །དབང་ཕྱུག་ཆེན་པོས་ཡང་དག་ལངས། །རྡོ་རྗེ་ཚེ་ཡིས་གསོན་བྱས་ནས། །བདེ་བ་ཆེན་པོ་ཐོབ་པར་གྱུར། །རྣམ་པར་སྣང་མཛད་ཐུབ་ཆེན་ལ། །ཞབས་དག་ལ་ནི་བཏུད་
D480.084.0246a01.01ནས་གསོལ། །མགོན་པོ་བཅོམ་ལྡན་སྐྱབས་སུ་གསོལ། །རྡོ་རྗེ་འཛིན་པ་དེ་གདུག་མིན། །ཀུན་མཁྱེན་བཅོམ་ལྡན་བཀའ་སྩལ་པ། །ང་ཡིས་བརྩེ་བར་བྱ་མི་ནུས། །འདི་ནི་གདུག་པ་ཤིན་ཏུ་དྲག །དེ་ཉིད་ལ་ནི་སྐྱབས་སུ་སོང་། །རྡོ་རྗེ་ཁྲོ་བོས་ལྷ་ཆེན་པོ། །ཀུན་དུ་
D480.084.0246a02.01བོས་ནས་འདི་སྐད་སྨྲས། །ང་ཡིས་བསྟན་པའི་བཀའ་དག་ནི། །གདུག་པ་ཆེན་པོ་མཉན་པར་གྱིས། །རྡོ་རྗེ་གནོད་སྦྱིན་བདག་ཆེན་ལ། །ལྷ་ཆེན་པོ་ཡིས་སླར་སྨྲས་པ། །འཆི་བ་ཆེན་པོ་བཟོད་ནུས་ཀྱི། །ཁྱོད་ཀྱི་བཀའ་ལ་གནས་མི་བྱེད། །རྡོ་རྗེ་ཁྲོ་བོ་དྲག་པོ་ཆེ། །
D480.084.0246a03.01ཁྲོས་པས་གདུག་པ་འཕེལ་འགྱུར་ན། །ཧཱུྃ་ནི་ཤིན་ཏུ་འཇིགས་བྱེད་པ། །སྙིང་པོ་དྲག་པོ་བརྗོད་པར་གྱུར། །ཧཱུྃ། ཡི་གེ་ཧཱུྃ་ནི་བརྗོད་པ་ཡིས། །དབང་ཕྱུག་ཆེན་པོ་སླར་ཡང་འགྱེལ། །རྡོ་རྗེ་ཁྲོ་བོ་དྲག་པོ་ཆེ། །རྐང་པར་དགུག་པ་ཡང་དག་བརྗོད། །ཨོྃ་པཱ་ཏ་ཨཱ་ཀཪྵ་ཎ་
D480.084.0246a04.01བཛྲ་ཧཱུྃ། དེ་ནས་རྡོ་རྗེ་དབང་པོ་འདི། །བརྗོད་པས་རྡོ་རྗེ་ཁྲོ་བོ་ཕྱུང་། །ཚིག་ནི་འདི་སྐད་བརྗོད་པར་གྱུར། །བཀའ་སྩལ་བརྗོད་ཅིང་འོད་ཆེན་པོ། །རྡོ་རྗེ་ཁྲོ་བོས་བཀའ་སྩལ་པ། །ཨོྃ་བཱ་ཏ་ཨཱ་ཀཪྵ་ཡ་སརྦ་བཛྲ་དྷ་ར་ཀ་ཙ་ར་ཕཊ་བཛྲ་ཧཱུྃ་ཛཿ། ཁྲོ་བོ་ཆེན་པོས་འདི་གསུངས་
D480.084.0246a05.01ནས། །དབང་ཕྱུག་ཆེན་པོ་ཨུ་མར་བཅས། །རྐང་པས་འགུགས་པའི་རྡོ་རྗེ་ཡིས། །རྡོ་རྗེ་རྐང་པ་དག་གིས་བཀུག །རྡོ་རྗེ་ཁྲོ་བོས་དེ་དག་བཀུག །སྟེང་དུ་རྐང་པ་འོག་ཏུ་མགོ། །འཇིག་རྟེན་ཐམས་ཅད་དགོད་འགྱུར་ཅིང་། །རྡོ་རྗེ་གདུང་བས་གདུངས་པར་གྱུར། །དེ་
D480.084.0246a06.01ནས་རྒྱལ་པོ་རྡོ་རྗེ་འཛིན། །དབང་ཕྱུག་ཆེན་པོ་ཨུ་མར་བཅས། །ཞབས་ཀྱིས་མནན་ནས་རྡོ་རྗེ་ཡིས། །དབང་ཕྱུག་ཆེན་པོ་རྡེག་པར་བྱེད། །དེས་ནི་རྐང་པ་གཡོན་པ་ཡིས། །དབང་ཕྱུག་ཆེན་པོ་མནན་བྱས་ནས། །གཡས་པས་ལྷ་མོ་ཨུ་མ་ཡི། །ནུ་མ་དག་གི་བར་དུ་བཙིར། །
D480.084.0246a07.01