完整藏文原文 · 德格版页 当前仅加载第 84 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཆེན་པོ་མངོན་པར་བསྡུས། །མཐར་ཐུག་ས་སྟེ་ས་ཆེན་པོ། །སངས་རྒྱས་ས་ནི་བླ་ན་མེད། །ཐེག་པ་ཆེན་པོ་མངོན་པར་རྟོགས། །ཡེ་ཤེས་ཐོབ་པར་རྟོགས་བྱེད་པ། །སྤྱོད་པ་བཅུ་ཡི་བྱང་ཆུབ་ཆེ། །ཕ་རོལ་ཕྱིན་པ་དམ་པ་བཅུ། །ས་བཅུ་ཀུན་དུ་རྟོགས་པ་སྟེ། །
D480.084.0194a01.01ཐེག་པ་ཆེན་པོ་མངོན་པར་བསྡུས། །བྱང་ཆུབ་ཆེན་པོ་རྒྱ་ཆེ་བ། །རྣམ་པ་ཐམས་ཅད་མཁྱེན་པའི་མཆོག །ཀུན་མཁྱེན་ཡེ་ཤེས་རྫོགས་བྱང་ཆུབ། །ཐེག་པ་ཆེན་པོ་མངོན་པར་བསྡུས། །མངོན་པར་བྱང་ཆུབ་རྣམ་པ་ལྔ། །སངས་རྒྱས་ཡེ་ཤེས་བླ་ན་མེད། །ཐེག་པ་ཆེན་པོ་ཆོས་
D480.084.0194a02.01ཀྱི་མཆོག །དེ་བཞིན་གཤེགས་པ་ཀུན་གྱི་གསང་། །ཆོས་ཀྱི་གནས་ནི་ཡོངས་སུ་གྱུར། །སངས་རྒྱས་ཆོས་དང་ཚོགས་ཀྱི་མཆོག །ཚོགས་ཀྱི་དཀྱིལ་འཁོར་ཤིན་ཏུ་དག །མཁའ་མཉམ་དང་ནི་མཚུངས་པ་ཡིན། །གནས་ངན་ལེན་ནི་ཀུན་ལས་གྲོལ། །རྣམ་པར་
D480.084.0194a03.01རྟོག་པ་ཀུན་ལས་གྲོལ། །ཉོན་མོངས་དྲི་མ་ཀུན་དག་པ། །དང་པོར་ཟླ་བ་བཞིན་དུ་མཐོང་། །ཐུགས་རྗེའི་བརྩེ་བ་ཡང་དག་བྱུང་། །སེམས་ཅན་ཡོངས་སུ་འཛིན་པར་བྱེད། །བྱང་ཆུབ་སེམས་ནི་དག་པ་ཆེ། །སངས་རྒྱས་ཞིང་ནི་གོས་པ་མེད། །དགེ་བའི་ཆོས་ཀྱིས་ཀུན་
D480.084.0194a04.01དུ་གང་། །ཉོན་མོངས་ཐམས་ཅད་ངེས་པར་འཇོམས། །ཟླ་ཆེན་གང་བའི་དབུས་སུ་ནི། །བྱང་ཆུབ་ཟླ་བ་གཉིས་པ་སྟེ། །བསྐལ་པ་གྲངས་མེད་གསུམ་བྱང་ཆུབ། །ཡང་དག་བླངས་ལས་བྱུང་བ་ཉིད། །དམ་པའི་ཆོས་མཆོག་གྲངས་མེད་པ། །སྦྱིན་པའི་སྤྱོད་པ་མཆོག་དང་
D480.084.0194a05.01ལྡན། །ས་དང་ས་རུ་རྟོགས་བྱེད་པ། །ཡེ་ཤེས་དག་པ་ཟག་པ་མེད། །ཟླ་བའི་དཀྱིལ་འཁོར་དབུས་སུ་ནི། །དེ་ནི་རྡོ་རྗེ་ཤིན་ཏུ་བརྟན། །སངས་རྒྱས་ཀུན་གྱི་སྐུ་གང་ཡིན། །སྣང་བ་མེད་ཅིང་གནས་མེད་པ། །མ་སྐྱེས་མ་བྱས་དག་པ་སྟེ། །སྐྱེས་དང་འཇིག་པ་རྣམ་པར་སྤངས། །
D480.084.0194a06.01མི་ཚིག་མི་ཆོད་མི་ཕྱེད་པ། །ལྷག་མ་མེད་པའི་ཆོས་ཀྱི་སྐུ། །རྡོ་རྗེའི་བདག་ཉིད་ཡང་དག་བྱུང་། །རྡོ་རྗེའི་སྐུ་ནི་བླ་ན་མེད། །སྐུ་དང་གསང་བ་དེ་བཞིན་སྤྱོད། །སྤྱོད་ཡུལ་ཀུན་དུ་རྟོགས་པ་དང་། །ལྔ་པོ་དེ་དག་ཀུན་ཐུན་མོང་། །སངས་རྒྱས་ཀུན་གྱི་བདག་ཉིད་ཅན། །མངོན་
D480.084.0194a07.01