完整藏文原文 · 德格版页 当前仅加载第 84 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཅིང་། །ཐེག་པ་ཀུན་ལས་ངེས་རྒྱལ་བ། །ཡང་དག་གྱུར་པའི་སེམས་ཅན་ནི། །ཐེག་པ་ཆེན་པོ་ཞེས་སུ་བསྟན། །མཐུ་དང་ལས་རྣམས་འཇུག་པ་དང་། །ཚོགས་རྣམས་རྣལ་འབྱོར་ངོ་མཚར་རྣམས། །རྒྱ་ཆེ་ཞེས་པ་ཐེག་ཆེན་ཏེ། །སངས་རྒྱས་ཀུན་གྱི་ངོ་
D480.084.0155a01.01མཚར་མཆོག །ནམ་མཁའི་དོན་ནི་ཅི་ཞིག་ཡིན། །ས་ཉིད་ཀྱང་ནི་ཅི་ཡིན་བརྗོད། །འབྱུང་བ་མེད་ཅིང་རྫས་ཀྱང་མེད། །སྐྱེ་བ་མེད་ཅིང་འཆི་བ་མེད། །དུས་གསུམ་དངོས་པོ་དང་བྲལ་མཆོག །ནམ་མཁའ་ཞེས་པའི་སྒྲ་རུ་བསྟན། །ཡང་དང་ཡང་དུ་སྐྱེ་བ་དང་། །དེ་བཞིན་ཉོན་མོངས་ཀུན་
D480.084.0155a02.01བདག་ཉིད། །གྲངས་མེད་དཔག་མེད་དང་བྲལ་བ། །དེ་ནི་ས་ཉིད་བརྗོད་པར་བྱ། །འབྱུང་བ་ཆེན་པོ་གང་ལས་བྱུང་། །འགོག་པ་ཅི་ཡིན་གང་གིས་བྱེད། །མ་རིག་ཉོན་མོངས་ལ་སོགས་ལས། །འབྱུང་བ་ཆེན་པོ་ཡང་དག་འབྱུང་། །ས་བོན་ཀུན་ལྡན་ཀུན་གཞི་ནི། །ཕྱི་དང་ནང་གི་བདག་
D480.084.0155a03.01ཉིད་འདོད། །གནས་ནི་ཡོངས་སུ་གྱུར་པ་དང་། །ཀུན་གཞི་ས་བོན་མི་འབྱུང་ཞིང་། །རྟོག་པ་ཐམས་ཅད་དང་བྲལ་བ། །འབྱུང་བ་ཆེན་པོ་འགོག་པ་ཡིན། །རྟོག་པ་ཆེན་པོའི་རྒྱལ་པོ་མཆོག་ཏུ་གསང་ཞིང་སྦས་པ་རྣལ་འབྱོར་ཆེན་པོའི་རྒྱུད། རྡོ་རྗེ་རྩེ་མོ་ལས་ཤིན་ཏུ་གསང་བ་སྟུག་
D480.084.0155a04.01པོའི་ཚོགས་ཀྱི་ལས་ཐམས་ཅད་བསྡུས་པ་སྟེ། དྲུག་པ་ལས་སེམས་དཔའ་བཅུ་དྲུག་གི་བཤད་པ་ཞེས་བྱ་བ་བཤད་པའི་དང་པོ་རྫོགས་སྟོ།། །།ཅི་ཡི་ཕྱིར་ན་ཕྱག་རྒྱར་བརྗོད། །གང་གིས་ཕྱག་རྒྱ་བཅིངས་གྱུར་པ། །དེས་ནི་སྲོག་ཆགས་གདུག་ཀུན་དང་། །འགྲོ་བ་སྡིག་ཅན་ཐམས་
D480.084.0155a05.01ཅད་དང་། །རྟག་ཏུ་རྒྱས་ནི་བཏབ་པར་འགྱུར། །ཅི་ཕྱིར་སྔགས་སུ་བརྗོད་པར་བྱ། །གསང་སྔགས་རྣམས་ནི་འབོད་བྱེད་ཅིང་། །གདུག་པ་ཐམས་ཅད་སྐྲོད་པར་བྱེད། །ཉོན་མོངས་སྔགས་རྣམས་འཇོམས་བྱེད་ཅིང་། །སངས་རྒྱས་ཆོས་ནི་སྤྱན་འདྲེན་ཡིན། །ཅི་ཕྱིར་ཞེ་ན་རིག་སྔགས་བརྗོད། །
D480.084.0155a06.01འདོད་ཆགས་མུན་པ་རྣམས་འདུལ་ཞིང་། །ཉོན་མོངས་རྣམས་ཀྱང་རྣམ་པར་འདུལ། །མ་རིག་པ་ནི་ཟློག་བྱེད་པ། །ང་ནི་རིག་སྔགས་ལེགས་པར་བརྗོད། །གཟུངས་སྔགས་རྣམས་ནི་ཅི་ཡིན་བརྗོད། །ཆོས་རྣམས་ཀྱི་ནི་རྟེན་བྱེད་ཅིང་། །སྲིད་པའི་ཕྱོགས་ནི་རབ་འཇོམས་བྱེད། །
D480.084.0155a07.01