完整藏文原文 · 德格版页 当前仅加载第 84 函德格 199b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་ཉིད། །ཐོབ་འགྱུར་དེ་ལ་ཐེ་ཚོམ་མེད། །ཐེག་པ་ཆེན་པོ་མངོན་པར་བསྡུས། །སངས་རྒྱས་བྱང་ཆུབ་ཤིན་ཏུ་གསང་། །ཐར་པ་མཆོག་ཏུ་བསྟན་པ་ཉིད། །སྔོན་དུ་གཞུང་མཆོག་མཉན་པར་བྱ། །བསྐལ་པ་བརྒྱ་ཕྲག་དག་ཏུ་ནི། །ཇི་སྟེ་མངོན་པར་བརྩོན་བྱས་ཀྱང་། །གང་
D480.084.0199b01.01ཟག་བཞི་ནི་འཇིག་རྟེན་དུ། །བསྒྲུབས་ཀྱང་འགྲུབ་པ་ཉིད་མི་འགྱུར། །བྱང་ཆུབ་སེམས་ནི་མ་སྐྱེས་དང་། །ཐེ་ཚོམ་ལྡན་པ་ཉིད་དང་ནི། །བཀའ་བཞིན་དུ་ནི་མི་བྱེད་པ། །དད་པ་མེད་ཉིད་འགྲུབ་མི་འགྱུར། །ཇི་ལྟར་དུས་གསུམ་གཤེགས་དེ་བཞིན། །བྱང་ཆུབ་ཏུ་ནི་སེམས་བསྐྱེད་
D480.084.0199b02.01ནས། །དཀོན་མཆོག་གསུམ་ལ་དད་བྱས་ཏེ། །ཐེ་ཚོམ་མེད་པར་བྱེད་པའི་མཆོག །ཁྱིམ་པ་དང་ནི་རབ་ཏུ་བྱུང་། །ཕྱོགས་ནི་གཉིས་པོ་འདིས་བསྒྲུབ་བྱ། །ཇི་ལྟར་འོས་ཤིང་འཚམ་པ་རུ། །{གོ་རིམས་,གོ་རིམ་}བཞིན་དུ་རབ་བཤད་བྱ། །བྱང་ཆུབ་སེམས་ནི་ལྷུར་བླངས་ནས། །ལྷ་གཞན་
D480.084.0199b03.01འདོད་པ་བརྩོན་མི་བྱ། །དཀོན་མཆོག་གསུམ་ལ་དད་བྱ་སྟེ། །དེ་གཞོལ་བ་ལ་བརྩོན་པར་བྱ། །སྲོག་གཅོད་རྐུ་དང་འཁྲིག་པ་དང་། །{བརྫུན་,རྫུན་}དང་མྱོས་བྱེད་རྣམ་པར་སྤང་། །ཁྱིམ་པའི་སྡོམ་པ་ལ་གནས་ནས། །དེ་ཚེ་རིག་པའི་རྒྱལ་པོ་བསྒྲུབ། །གལ་ཏེ་དེ་ནི་རབ་བྱུང་གྱུར། །སྡོམ་
D480.084.0199b04.01པ་གསུམ་ལ་ཡང་དག་གནས། །སོ་སོར་ཐར་དང་བྱང་ཆུབ་སེམས། །རིག་འཛིན་སྡོམ་པ་མཆོག་ཡིན་ནོ། །ཟླ་བའམ་ཡང་ན་ལོ་རེའོ། །དེ་བཞིན་ཡང་ན་ལོ་གཅིག་ཏུ། །གལ་ཏེ་དངོས་གྲུབ་མཆོག་འདོད་ན། །སྔོན་དུ་རིག་པའི་བརྟུལ་ཞུགས་བྱ། །ཉིན་རེ་ཞིང་ནི་ཅི་ནུས་པར། །ཐུན་
D480.084.0199b05.01གསུམ་དུ་ནི་ཆོ་ག་བསྒྲུབ། །རྟོག་པ་འདི་ནི་ཐུན་བཞི་རུ། །ཇི་ལྟར་འོས་ཤིང་འཚམ་པར་ནི། །སྡིག་པ་ཐམས་ཅད་བཤགས་པར་བྱ། །བསོད་ནམས་ཀུན་ལ་རྗེས་ཡི་རང་། །སངས་རྒྱས་ཀུན་ལ་གསོལ་བ་གདབ། །དེ་ཡི་བསོད་ནམས་བྱང་ཆུབ་བསྔོ། །དེ་བཞིན་ཕྱོགས་བཅུའི་འཇིག་
D480.084.0199b06.01རྟེན་གྱི། །སངས་རྒྱས་བླ་མེད་ཐམས་ཅད་ལ། །གསོལ་བ་གདབ་ཅིང་རབ་བཏུད་ནས། །ཞབས་ལ་མཉམ་བཞག་ཕྱག་བྱའོ། །ཇི་སྐད་གཞུང་རྒྱ་ཆེ་ལས་གསུངས། །ཕྱག་རྒྱ་བཞི་ནི་སྦྱོར་བ་ཡིས། །རྒྱུད་གཞན་དག་ནི་ཐམས་ཅད་ཀྱི། རྡོ་རྗེའི་སྔགས་ནི་རབ་བརྗོད་བྱ། །དེ་ལ་
D480.084.0199b07.01