完整藏文原文 · 德格版页 当前仅加载第 84 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ནི་དེ་བཞིན་གཤེགས་དང་མཚུངས། །རྡོ་རྗེའི་ཚིག་ནི་ཡང་དག་བརྗོད། །དབང་པོ་གཉིས་ནི་སྙོམས་འཇུག་པ། །སངས་རྒྱས་ཀུན་ཀྱང་མཉེས་པར་བྱ། །ཨོཾ་སརྦ་ཏ་ཐཱ་ག་ཏ་ས་མོ་ཧཾ། རྡོ་རྗེ་སེམས་དཔའ་རྒྱལ་པོ་ཆེ། །ཇི་ལྟར་སྐུ་མདོག་ཆོ་ག་བཞིན། །དབང་པོ་
D480.084.0223b01.01གཉིས་ནི་ཡང་དག་གནས། །དེ་བཞིན་བདག་ནི་རྟག་ཏུ་བསྒོམ། །ཨོཾ་བཛྲ་སཏྭ་ས་མོ་ཧཾ། བདག་ནི་རྡོ་རྗེ་སེམས་དཔའ་མཚུངས། །རྡོ་རྗེའི་ཚིག་ནི་ཡང་དག་བརྗོད། །དབང་པོ་གཉིས་ནི་སྙོམས་འཇུག་པས། །ངེས་པར་འཇིག་རྟེན་ཕམ་པར་བྱ། །ཁམས་ཀྱི་སྙིང་པོ་
D480.084.0223b02.01གང་ཡིན་དག །དེ་ནི་རྡུལ་བྲལ་དྲི་མེད་དག །བདག་ནི་རྡོ་རྗེ་ཆོས་ཉིད་དུ། །རྟག་ཏུ་བསྒོམ་པར་བྱ་བ་ཡིན། །བཛྲ་དྷརྨ་ས་མོ་ཧཾ། བདག་ཉིད་རྡོ་རྗེ་ཆོས་དང་མཚུངས། །རྡོ་རྗེའི་ཚིག་ནི་ཡང་དག་བརྗོད། །དབང་པོ་གཉིས་ནི་སྙོམས་འཇུག་པས། །རྡོ་རྗེའི་ཆོས་ནི་
D480.084.0223b03.01ཐོབ་པར་འགྱུར། །རྡོ་རྗེའི་ལས་ནི་བདག་ཉིད་དེ། །ཐ་དད་མེད་ཅིང་རྟགས་གཅིག་གིས། །སངས་རྒྱས་ཐམས་ཅད་རབ་མཆོད་དེ། །རྟག་ཏུ་བདག་ཉིད་བསྒོམ་པར་བྱ། །ཨོཾ་བཛྲ་ཀརྨ་ས་མོ་ཧཾ། བདག་ནི་རྡོ་རྗེ་ལས་དང་མཚུངས། །རྡོ་རྗེའི་ཚིག་ནི་ཡང་ཡང་
D480.084.0223b04.01བརྗོད། །དབང་པོ་གཉིས་ན་སྙོམས་འཇུག་པས། །རྡོ་རྗེ་ལས་དང་མཚུངས་པར་འགྱུར། །ང་ནི་རྡོ་རྗེ་རིན་ཆེན་ཉིད། །སངས་རྒྱས་ཀུན་གྱི་དབང་བསྐུར་བ། །རྟག་ཏུ་བདག་ཉིད་བསྒོམ་པར་བྱ། །རྡོ་རྗེ་རིན་ཆེན་མཚུངས་པར་འགྱུར། །ཨོཾ་བཛྲ་རཏྣ་ས་མོ་ཧཱུཾ། བདག་
D480.084.0223b05.01ནི་རྡོ་རྗེ་རིན་ཆེན་མཚུངས། །རྡོ་རྗེའི་ཚིག་ནི་ཡང་ཡང་བརྗོད། །རྡོ་རྗེ་རིན་ཆེན་སྦྱོར་བ་ཡིས། །སངས་རྒྱས་དབང་བསྐུར་ཐོབ་པར་འགྱུར། །གཟུགས་གཉིས་འབྲེལ་པ་ནི་དབང་པོ་གཉིས་ཞེས་བྱའོ། །བདག་གི་ལུས་གང་ཡིན་པ་དང་། སངས་རྒྱས་ཀྱི་སྐུ་གང་ཡིན་
D480.084.0223b06.01པ་གཅིག་ཏུ་འདྲེས་པར་གྱུར་པ་ནི་དབང་པོ་གཉིས་སྙོམས་པར་འཇུག་པ་ཞེས་བྱའོ། །སྟོང་གསུམ་གྱི་ནི་འཇིག་རྟེན་འདི། །རྡོ་རྗེ་གཅིག་ཏུ་མོས་བྱས་ཤིང་། །སངས་རྒྱས་གཟུགས་དང་མཚུངས་པ་རུ། །དབུས་སུ་བདག་ཉིད་བསྒོམ་པར་བྱ། །ནམ་མཁའ་ལ་ནི་
D480.084.0223b07.01