完整藏文原文 · 德格版页 当前仅加载第 84 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
གེ་ཤྲཱི། །ཡི་གེ་ཧཱུྃ་ནི་བསྡིགས་ལ་སྦྱར། །གསད་པ་ལ་ཡང་ཡི་གེ་ཧཱུྃ། །ཧ་ནི་བསྲུང་བ་བཟང་པོ་ལ། །ཡི་གེ་ཧཱུྃ་ནི་བཟློག་པ་ལ། །ཤྲཱིས་ནི་སྣ་ཚོགས་གཟུགས་བསྒྲུབ་བྱ། །ཨོཾ་ནི་མི་སྣང་བསྟན་པ་ལ། །ཧོ་ནི་ཚགས་དང་དགུག་པ་ལ། །ཨུ་ནི་གསང་བའི་དག་
D480.084.0169b01.01པ་འཛིན། །མངོན་སྤྱོད་ལྡན་ལ་ཡི་གེ་ཧཱུྃ། །ཧཱུྃ་ནི་རྫུ་འཕྲུལ་སྒྲུབ་བྱེད་པ། །ལྷ་མོ་ཆེན་པོ་སྒྲུབ་ལ་ཨཱ། །ཨོཾ་ནི་ཀུན་ལ་ངེས་པར་སྦྱར། །ཡམ་ཤིང་སེར་པོ་རྒྱས་པ་ལ། །ཞི་བ་ལ་ནི་དཀར་པོའོ། །དབང་དུ་བྱ་བ་དམར་པོ་སྟེ། །ནག་པོ་མངོན་སྤྱོད་ལས་ལའོ། །
D480.084.0169b02.01ཞི་ལ་མར་གྱིས་བྱུགས་པ་སྟེ། །རྒྱས་པ་ལ་ནི་འོ་མ་བཅས། །དབང་དུ་བྱ་ལ་ལན་ཚྭར་ལྡན། །ཚ་བ་དང་བཅས་མངོན་སྤྱོད་ལ། །དབྱེ་བ་རྒྱ་ཆེན་དག་གིས་ནི། །སྦྱིན་སྲེག་ལས་རྣམས་ཤེས་པར་བྱ། །དེ་ཉིད་སྦྱིན་སྲེག་ཉི་ཤུ་འདི། །རྡོ་རྗེ་འཆང་གིས་གསང་
D480.084.0169b03.01བ་ཡིན། །དེ་ཁོ་ན་ཉི་ཤུ་པ་ཞེས་བྱ་བ་སྦྱིན་སྲེག་གི་གསང་བའོ།། །།དེ་ནས་དངོས་གྲུབ་ཐབས་ཆེན་པོ། །ཐམས་ཅད་འགྲུབ་འདོད་དཀྱིལ་འཁོར་དུ། །གྲུབ་པའི་སྦྱོར་བའི་ཆོ་ག་ཡིས། །དངོས་གྲུབ་ཚོགས་ཀྱི་སྦྱོར་ལྡན་ཞིང་། །རྡོ་རྗེ་ཡི་ནི་སློབ་དཔོན་ཆེ། །
D480.084.0169b04.01བརྟན་བཅས་རིགས་སུ་ཡང་དག་སྐྱེས། །ཐེག་པ་ཆེན་པོར་ཡང་དག་གནས། །བསྐལ་པ་གྲངས་མེད་མཐར་ཐུག་པར། །ཆོས་ཀྱི་ཤིང་རྟ་ཆེ་ལ་ཞོན། །ཤེས་རབ་ཐབས་དང་ཡང་དག་ལྡན། །སེམས་ཅན་ཀུན་གྱི་དོན་ལ་བརྩོན། །སངས་རྒྱས་ཀུན་གྱིས་ཡོངས་སུ་
D480.084.0169b05.01བཟུང་། །སློབ་དཔོན་ཆེན་པོའི་ཚུལ་ལ་གནས། །མཆོག་ཏུ་ས་ཡི་མཐར་ཕྱིན་པ། །སངས་རྒྱས་ཀུན་གྱི་རིགས་སུ་སྐྱེས། །རྡོ་རྗེ་སློབ་དཔོན་དཀའ་ཐུབ་ཆེ། །བགེགས་རྣམས་ཐམས་ཅད་བསལ་ནས་ནི། །དཀྱིལ་འཁོར་གནས་སུ་ཡང་དག་ལྡན། །སྦྱིན་
D480.084.0169b06.01སྲེག་ཆོ་ག་བྱས་ནས་ཀྱང་། །ཆོས་སྦྱིན་ཆེན་པོ་ཡང་དག་བརྩམ། །དམ་ཆོས་སྙིང་པོ་བཅུད་ལས་བྱུང་། །སངས་རྒྱས་མཆོད་པ་བླ་མེད་པ། །བྱང་ཆུབ་སེམས་དཔའི་རྣམ་པར་འཕྲུལ། །ཤེས་རབ་ཐབས་ཀྱི་ཚུལ་ཐོབ་བ་བྱེད། །རྒྱལ་ཆེན་ཤེས་རབ་ཆེན་པོ་
D480.084.0169b07.01