完整藏文原文 · 德格版页 当前仅加载第 84 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་དགའ་བ་ཉིད་ཅེས་བཤད། །རབ་བཟང་ཉིད་ནི་ཇི་ལྟ་བུ། །དངོས་པོ་ཀུན་མཆོག་རྡོ་རྗེ་ནི། །བྱང་ཆུབ་ཀྱི་ནི་སེམས་ཞེས་བརྗོད། །སངས་རྒྱས་སྐྱེད་བྱེད་བཟང་པོ་ཡི། །རྡོ་རྗེ་རབ་བཟང་ཉིད་ཅེས་བཤད། །རྡོ་རྗེ་སྙིང་བདག་ཇི་ལྟ་བུ། །གདུལ་བྱ་འཕགས་པའི་སྐྱེས་
D480.084.0153a01.01མཆོག་ཉིད། །དེ་ནི་རྡོ་རྗེ་སྙིང་པོར་བརྗོད། །དེ་རྣམས་བདག་པོ་རྒྱལ་པོ་ནི། །རྡོ་རྗེ་སྙིང་པོ་བདག་པོར་བཤད། །ཅི་ཡི་ཕྱིར་ན་ཀུན་དུ་བཟང་། །བྱང་ཆུབ་སེམས་དཔའི་གནས་ལྡན་པའི། །འགྲོ་བ་སྲིད་པའི་སྐྱེ་གནས་གང་། །དེ་ཀུན་རྟག་ཏུ་བཟང་བས་ན། །ཀུན་དུ་བཟང་པོར་བརྗོད་པར་བྱ། །
D480.084.0153a02.01རྡོ་རྗེ་རྡོ་རྗེ་འཆང་བ་གང་། །བྱང་ཆུབ་སེམས་གང་དེ་རྡོ་རྗེ། །རྡོ་རྗེ་གང་དེ་རྡོ་རྗེ་འཆང་། །རྡོ་རྗེ་སེམས་དཔའ་རྒྱལ་པོ་ཆེ། །རྡོ་རྗེ་རྡོ་རྗེ་འཆང་བར་བརྗོད། །དང་པོའི་རིགས་ནི་ཇི་ལྟར་བྱུང་། །སངས་རྒྱས་ཀུན་གྱི་བྱང་ཆུབ་ཀྱིས། །གྲགས་ཆེན་རྫོགས་པར་བྱང་ཆུབ་པ། །དེ་ནི་དང་པོའི་རིགས་
D480.084.0153a03.01བྱུང་སྟེ། །དེ་ཁོ་ན་ཉིད་རིགས་ལས་སོ། །ཡང་ན་རབ་ཏུ་མཁས་པ་རྣམས། །བསྐལ་པ་གྲངས་མེད་འདས་ནས་ནི། །རབ་ཏུ་དགའ་བའི་ས་ཐོབ་གང་། །དེ་ནི་དང་པོའི་རིགས་བྱུང་ཡིན། །ཆོས་ཀུན་སྐྱེ་བ་མེད་པ་དང་། །འབྱུང་བ་ཇི་ལྟར་རུང་བར་འགྱུར། །དེ་ཉིད་རྟོགས་ཤིང་ཤེས་པ་ཡིས། །
D480.084.0153a04.01ཆོས་རྣམས་ཐམས་ཅད་རྟོག་པ་མེད། །ཆོས་དང་གང་ཟག་བདག་མེད་ལས། །རིགས་དེ་བྱུང་བ་ཉིད་དུ་འདོད། །ཆོས་རྣམས་འགའ་ཡང་སྐྱེ་བ་མེད། །ཆོས་རྣམས་འགག་པར་འགྱུར་བ་མེད། །རྣམ་པར་རྟོག་པ་ཉེར་ཞི་གང་། །དེ་ཉིད་སངས་རྒྱས་རིགས་ཆེན་ཡིན། །བྱང་ཆུབ་སེམས་
D480.084.0153a05.01དཔའ་ཅི་ཡིན་བརྗོད། །ཆོས་རྣམས་ཐམས་ཅད་རྟོགས་པ་དང་། །འཁོར་བའི་གནས་ལས་སད་གྱུར་ཅིང་། །སེམས་ཅན་རྣམས་ཀྱིས་རྟོགས་བྱེད་པ། །དེ་ནི་བྱང་ཆུབ་སེམས་དཔར་བརྗོད། །ཅི་ཕྱིར་སངས་རྒྱས་བརྗོད་པར་བྱ། །དེ་བཞིན་ཉིད་བདེན་ཤིན་ཏུ་བརྟན། །དེ་ཁོ་ན་ཉིད་གང་
D480.084.0153a06.01རྟོགས་ནས། །ཆོས་ཀུན་རྟོགས་པ་ཞེས་བྱ་གང་། །དེ་ནི་རྟོགས་པས་སངས་རྒྱས་བརྗོད། །དེ་བཞིན་གཤེགས་པ་ཅི་ཡིན་བརྗོད། །ཆོས་ཀྱི་དེ་ཉིད་ཡང་དག་གནས། །སླར་ཡང་གཞན་དུ་མི་འགྱུར་ཞིང་། །དེ་ཉིད་ལམ་ནི་སྟོན་བྱེད་པ། །དེ་ནི་དེ་བཞིན་གཤེགས་ཞེས་བྱ། །བཅོམ་
D480.084.0153a07.01