完整藏文原文 · 德格版页 当前仅加载第 84 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
རུ་ཡང་དག་བཤད་པ་གང་། །གྲགས་པའི་དྲི་ནི་བླ་ན་མེད། །རྫུ་འཕྲུལ་བྱུག་པ་གང་ཡིན་པ། །ཚུལ་ཁྲིམས་དྲི་ཡིས་བྱུགས་པ་ཡིན། །བཟའ་བ་དག་ནི་སྣ་ཚོགས་པ། །ཆོས་ཀྱི་ཟས་ནི་བླ་ན་མེད། །རྣམ་པ་སྣ་ཚོགས་དགའ་བར་བཤད། །རྟོག་པ་ཐམས་ཅད་རྣམ་
D480.084.0215b01.01པར་སྤངས། །གྲོང་ཁྱེར་དུ་ནི་བཤད་པ་གང་། །དེ་ནི་ཐར་པའི་གྲོང་ཁྱེར་མཆོག །གང་ཞིག་དཀྱིལ་འཁོར་ཡང་དག་བཤད། །ཆོས་ཀྱི་སྙིང་པོ་རང་བཞིན་གྲོང་། །ནད་མེད་ཅེས་ནི་བྱ་བར་བརྗོད། །དེ་ནི་དཀྱིལ་འཁོར་ཞེས་བྱའོ། །དབུས་སུ་རྣམ་སྣང་མཛད་ཅེས་པ། །
D480.084.0215b02.01ཆོས་ཀུན་གཅིག་ཏུ་བསྡུས་པ་ཡིན། །སངས་རྒྱས་རྒྱལ་པོ་གཙོ་བོ་ཆེ། །ཕྱོགས་རྣམས་ཀུན་དུ་རྣམ་པར་གསལ། །རྡོ་རྗེ་སེམས་དཔར་ཡང་དག་བཤད། །བྱང་ཆུབ་སེམས་ཀྱི་རང་བཞིན་མཆོག །དེ་བས་རྒྱལ་པོ་བྱང་ཆུབ་སེམས། །བྱང་ཆུབ་སེམས་ལས་ཡང་
D480.084.0215b03.01དག་བྱུང་། །རྡོ་རྗེ་རྒྱལ་པོར་ཡང་དག་བྱུང་། །སེམས་ནི་རྣམ་པ་བཞི་ཞེས་བྱ། །སྒྲོལ་དང་གྲོལ་དང་དབུགས་དབྱུང་དང་། །མྱ་ངན་འདའ་བར་ལྕགས་ཀྱུའོ། །རྡོ་རྗེ་ཆགས་པར་ཡང་དག་བཤད། །བྱང་ཆུབ་སྤྱོད་པ་ལ་སྦྱོར་བ། །རྡོ་རྗེ་ལེགས་པར་ཡང་དག་
D480.084.0215b04.01བཤད། །རབ་ཏུ་སྦྱོར་བ་སྟོན་པ་ཉིད། །རྡོ་རྗེ་རིན་ཆེན་ཡང་དག་བཤད། །སེམས་ཅན་བསམ་པ་ཡོངས་རྫོགས་བྱེད། །རྡོ་རྗེ་གཟི་བརྗིད་ཡང་དག་བཤད། །ཆོས་ཀྱི་སྦྱོར་བ་འོད་བྱེད་པ། །རྡོ་རྗེ་རྒྱལ་མཚན་ཡང་དག་བཤད། །སེམས་ཅན་འཁོར་བ་ལས་གྲོལ་
D480.084.0215b05.01བྱེད། །རྡོ་རྗེ་བཞད་པར་ཡང་དག་བཤད། །སེམས་ཅན་ཐེ་ཚོམ་གཅོད་པར་བྱེད། །རྡོ་རྗེ་ཆོས་སུ་ཡང་དག་བཤད། །ཆོས་ཀྱི་ཡེ་ཤེས་བླ་ན་མེད། །རྡོ་རྗེ་རྣོན་པོར་ཡང་དག་བཤད། །ཉོན་མོངས་གཅོད་ཅིང་འཇོམས་བྱེད་པ། །རྡོ་རྗེ་རྒྱུ་རུ་ཡང་དག་བཤད། །
D480.084.0215b06.01འཁོར་ལོ་རྣམ་འཕྲུལ་སྟོན་བྱེད་པ། །རྡོ་རྗེ་སྨྲ་བར་ཡང་དག་བཤད། །རྡོ་རྗེ་ཆོས་ནི་སྟོན་བྱེད་པ། །རྡོ་རྗེ་ལས་སུ་ཡང་དག་བཤད། །སེམས་ཅན་འདུལ་བར་བྱེད་པའི་མཆོག །རྡོ་རྗེ་སྲུང་བར་ཡང་དག་བཤད། །སེམས་ཅན་གྲོལ་བར་བྱེད་པའི་མཆོག །རྡོ་རྗེ་གནོད་སྦྱིན་
D480.084.0215b07.01