完整藏文原文 · 德格版页 当前仅加载第 84 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
པས། །ངེས་པར་འཛིན་པར་མི་ནུས་ཏེ། །དེ་བས་ཉུང་བར་རབ་ཏུ་བསྒྲགས། །མདོ་སྡེའི་དབང་པོ་གསང་རྒྱལ་པོ། །དེ་ནས་ཕྱག་རྒྱ་རབ་ཏུ་བཤད། །ཐེག་པ་ཆེན་པོ་མངོན་པར་རྟོགས། །རིན་ཆེན་སྣོད་དུ་བལྟ་བར་བྱ། །ཡེ་ཤེས་ཀྱི་མངོན་པར་
D480.084.0215a01.01རྟོགས་པ་རྫོགས་སོ།། །།རྡོ་རྗེ་འཆང་རྣམས་ཀྱི་སྙིང་པོ། གང་ལས་འཁོར་ལོ་ཡང་དག་བྱུང་། །རྣལ་འབྱོར་ཐམས་ཅད་ཀུན་འབྱུང་བ། །མཆོག་ཏུ་གསང་བ་བཤད་པར་བྱ། །དབུས་ཀྱི་འཁོར་ལོར་ཡང་དག་བཤད། །རྣམ་འཕྲུལ་ཞེས་ནི་རབ་ཏུ་
D480.084.0215a02.01བསྒྲགས། །བྱང་ཆུབ་སེམས་དཔའི་རྣམ་འཕྲུལ་ཏེ། །འཁོར་ལོ་ཐབས་ནི་རབ་སྟོན་པ། །འཁོར་ལོ་ལྔ་རུ་ཡང་དག་བཤད། །ཐབས་ནི་རྣམ་པ་ལྔ་ཡང་ཡིན། །གསང་བ་ཡི་ནི་དབྱེ་བ་གནས། །འཁོར་ལོ་ཡི་ནི་རྣམ་འཕྲུལ་སྟོན། །དབུས་མ་གང་ཡིན་བྱང་ཆུབ་
D480.084.0215a03.01སེམས། །ཤར་གྱི་བསྡུ་བ་རྣམ་པ་བཞི། །ལྷོ་ཡི་ཚོགས་སུ་བཤད་པ་སྟེ། །བསོད་ནམས་ཚོགས་དང་ཡང་དག་ལྡན། །ཏིང་ངེ་འཛིན་དང་གཟུངས་རྣམས་དང་། །ཆོས་སུ་འཛིན་པ་རྣམ་སྤངས་པ། །ནུབ་ཏུ་ཡང་དག་བརྗོད་པ་ཡིན། །བྱང་ནི་སེམས་ཅན་སྨིན་བྱས་
D480.084.0215a04.01ཏེ། །ཕྱི་རོལ་གྲྭ་བཞི་གང་ཡིན་པ། །ཚད་མེད་པ་ནི་བཞི་དང་བཅས། །བྱམས་པ་སྙིང་རྗེ་བཏང་སྙོམས་དང་། །དགའ་བ་ཞེས་ནི་བྱ་བར་བཤད། །གང་ཞིག་ཐིག་སྐུད་ཡང་དག་བཤད། །ཆོས་ཀྱི་རྒྱུན་གྱི་ལམ་ལས་བྱུང་། །ལྟ་བ་ཐམས་ཅད་རྣམ་དག་འདི། །
D480.084.0215a05.01ཐེག་པ་གཞི་ནི་རྣམ་པར་སྤངས། །གང་ཞིག་ཁ་ཁྱེར་ཞེས་བྱ་བ། །ཏིང་འཛིན་ཆོས་ཉིད་དག་པ་སྟེ། །རྡོ་རྗེ་ལྷ་མོར་ཡང་དག་བཤད། །གཟུངས་ཀྱི་སྒོ་ཞེས་བྱ་བར་བཤད། །སྒོ་རུ་ཡང་དག་བཤད་པ་གང་། །ཐར་པའི་སྒོ་ནི་བཞི་པོ་ཡིན། །རྟ་བབས་དང་ནི་དྲ་བ་
D480.084.0215a06.01ཉིད། །ཆོས་མཛོད་རང་བཞིན་གྲོང་ཁྱེར་ཡིན། །དྲ་བ་དྲ་ཕྱེད་བླ་བྲེ་ནི། །རྫུ་འཕྲུལ་སྣ་ཚོགས་རྣམ་འཕྲུལ་པ། །ཚོན་རྩི་ཡང་དག་བཤད་པ་གང་། །དེ་འདྲ་བ་ཡི་བྱང་ཆུབ་ཚོགས། །གང་ཞིག་མར་མེ་ཡང་དག་བཤད། །དེ་ན་ཆོས་ཀྱི་སྣང་བ་མཆོག །དྲི་
D480.084.0215a07.01