完整藏文原文 · 德格版页 当前仅加载第 84 函德格 194b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱང་ཆུབ་རྣམ་པ་ལྔ། །ཆོས་ཀྱི་ཡེ་ཤེས་བླ་ན་མེད། །ལྔ་པོ་དེ་དག་གསང་ཞེས་བྱ། །སྙིང་པོར་ཡང་ནི་དེ་དག་གསུངས། །གང་ཕྱིར་དོན་ཀུན་གྲུབ་པའི་ཕྱིར། །སྔོན་ནི་དོན་ཀུན་གྲུབ་པར་བྱེད། །བཅོམ་ལྡན་ཀུན་དུ་བཟང་པོ་དང་། །རྡོ་རྗེའི་ལས་ནི་བླ་ན་མེད། །རྡོ་རྗེའི་
D480.084.0194b01.01དབྱིངས་ནི་བརྟན་པའི་བདག །རྣམ་པར་སྣང་མཛད་བླ་ན་མེད། །དེ་དག་གསང་བའི་མཚན་ཡིན་ཏེ། །རྣལ་འབྱོར་གྱི་ནི་གནས་སྐབས་ཐོབ། །དེ་ནས་སྙིང་པོ་ནི། ཨོཾ་ཙིཏྟ་པྲ་ཏི་བོ་དྷཾ་ཀ་རོ་མི། ཨོཾ་བོ་དྷི་ཙིཏྟ་ཨུཏ་པཱ་ད་ཡཱ་མི། ཨོཾ་ཏིཥྛ་བཛྲ་ཨོཾ་བཛྲ་ཨཱཏྨ་ཀོ་ཧཾ། ཨོཾ་ཡ་ཐཱ་སརྦ་ཏ་ཐཱ་ག་ཏཱ་
D480.084.0194b02.01སྟ་ཐཱ་ཨ་ཧཾ། དེ་ནས་སངས་རྒྱས་ཐམས་ཅད་ཉིད། །ཐུབ་པ་ཡི་ནི་ཐུགས་ཀར་བཞུགས། །དེ་བཞིན་གཤེགས་པ་ཀུན་གྱི་གསུང་། །རྡོ་རྗེའི་རིག་པ་འདི་བརྗོད་དོ། །ཨོཾ་སརྦ་ཏ་ཐཱ་ག་ཏ་ཨ་བྷི་སཾ་བོ་དྷི་དྲྀ་ཌྷ་བཛྲ་ཏིཥྛ། སངས་རྒྱས་གྲགས་ཆེན་ཐམས་ཅད་ཀྱིས། །རིག་པ་
D480.084.0194b03.01འདི་ནི་བརྗོད་པས་ན། །རྣམ་པར་སྣང་མཛད་ཐུབ་ཆེན་པོ། །དེ་ཉིད་ཡེ་ཤེས་མངོན་སངས་རྒྱས། །དེ་ནས་སངས་རྒྱས་ཐམས་ཅད་ནི། །ཉིད་ཀྱི་ཐུགས་ལས་བྱུང་བར་གྱུར། །ཆོས་བཞིའི་རྣལ་འབྱོར་ཆེན་པོ་ནི། །བྱིན་ནས་ལྷ་མོ་དབང་བསྐུར་འགྱུར། །སེམས་ཅན་ཀུན་དོན་ཡང་དག་
D480.084.0194b04.01ལྡན། །བསམ་པ་ཐམས་ཅད་ཡོངས་རྫོགས་བྱེད། །མཁའ་མཚུངས་བརྗོད་ལས་ཡང་དག་བྱུང་། །རིན་ཆེན་ཆེན་པོས་དབང་བསྐུར་འགྱུར། །སངས་རྒྱས་ཀུན་གྱི་ཡེ་ཤེས་གང་། །ཤེས་རབ་ཕ་རོལ་ཕྱིན་པའི་ཚུལ། །རྣམ་ཀུན་མཁྱེན་ཉིད་ཡེ་ཤེས་ཆེ། །འཇིག་རྟེན་དབང་ཕྱུག་ཆེན་
D480.084.0194b05.01པོ་བྱིན། །བྱ་བ་ཀུན་ལ་དོན་ཡོད་པ། །དགའ་ལྡན་ལ་སོགས་རྣམ་པར་འཕྲུལ། །གདུལ་བར་བྱ་བ་ཐབས་ཀྱི་ལས། །སངས་རྒྱས་ཀུན་གྱི་བྱིན་གྱིས་བརླབས། །སངས་རྒྱས་ཀུན་གྱི་གསང་བ་གང་། །བྱང་ཆུབ་སེམས་ནི་ཚུལ་ཆེན་པོ། །ཉོན་མོངས་ཀུན་ལས་རྣམ་པར་གྲོལ། །
D480.084.0194b06.01སངས་རྒྱས་གཙོ་བོ་ཆེན་པོས་བྱིན། །དབང་བསྐུར་ཙམ་གྱི་མོད་ལ་ནི། །གསང་བའི་མིང་ནི་ཡང་དག་བྱུང་། །སངས་རྒྱས་ཀུན་བདག་རྒྱལ་པོ་སྟེ། །ཀུན་མཆོག་དབང་བསྐུར་དམ་པའོ། །དེ་ནས་སྙིང་པོ་ནི། ཨོཾ་སརྦ་ཏ་ཐཱ་ག་ཏ་ཨེ་ཤྭ་ཛྱ་ཨ་བྷི་ཥེ་ཀ་ཧཱུཾ། དེ་ནས་སངས་རྒྱས་
D480.084.0194b07.01