完整藏文原文 · 德格版页 当前仅加载第 84 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
དམན་པ་སྤོང་བྱེད་པ། །དེ་ཕྱིར་རྡོ་རྗེ་སྲུང་བར་བརྗོད། །ཉོན་མོངས་སྲིད་པའི་གདོན་ཆེན་པོ། །རྡོ་རྗེ་གནོད་སྦྱིན་ཡང་དག་བྱུང་། །དེ་ཉིད་ཡེ་ཤེས་མངོན་བྱང་ཆུབ། །དེ་ཉིད་རྡོ་རྗེ་ཁུ་ཚུར་བརྗོད། །ལས་ཀྱི་དམ་ཚིག་བཞི་པོ་སྟེ། །ལས་ཀྱི་སེམས་དཔའ་བདག་ཉིད་ཆེ། །ལས་
D480.084.0152a01.01ཀྱི་འཁོར་ལོ་ལས་བྱུང་བའི། །རྡོ་རྗེ་ལས་ནི་དེ་ལས་བྱུང་། །གཞན་ཡང་བྱང་ཆུབ་སེམས་ནི་བསྐྱེད་པ་ལས། །རྡོ་རྗེ་སེམས་དཔའ་ཡང་དག་བྱུང་། །རྡོ་རྗེ་རང་བཞིན་སེམས་དེ་ཡང་། །རྣམ་པ་བཞི་རུ་བྱུང་བ་སྟེ། །སྒྲོལ་བ་དང་ནི་གྲོལ་བ་དང་། །དབུགས་འབྱིན་མྱ་ངན་འདས་འགོད་
D480.084.0152a02.01བྱེད། །སེམས་དཔའ་རྒྱལ་པོ་ཆགས་པ་ཆེ། །རྡོ་རྗེ་ལེགས་པར་ཡང་དག་བྱུང་། །བསོད་ནམས་ཡེ་ཤེས་ཚོགས་ཉིད་ལས། །རྡོ་རྗེ་རིན་ཆེན་རབ་ཏུ་བསྒྲགས། །བསོད་ནམས་རང་བཞིན་རིན་ཆེན་དེ། །རྣམ་བཞི་ཇི་སྐད་བཤད་པ་བཞིན། །ཡེ་ཤེས་ཀྱི་ནི་ཚོགས་བརྗོད་པ། །དེ་ནི་རྡོ་རྗེ་
D480.084.0152a03.01ཆོས་ཞེས་བྱ། །ཡེ་ཤེས་རང་བཞིན་ཆོས་དེ་ཡང་། །རྣམ་པ་བཞིར་ནི་ཡང་དག་བྱུང་། །བརྩོན་འགྲུས་ཕ་རོལ་ཕྱིན་པ་ཉིད། །དེ་ནི་རྡོ་རྗེ་ལས་སུ་བརྗོད། །བརྩོན་འགྲུས་རང་བཞིན་ལས་དེ་ཡང་། །རྣམ་པ་བཞིར་ནི་ཡང་དག་བྱུང་། །རྩོམ་དང་སྦྱོར་བ་ཞེས་བྱ་དང་། །སོ་སོར་རྟོག་དང་སྒྲུབ་
D480.084.0152a04.01པ་སྟེ། །བརྩོན་འགྲུས་དེ་བཞིན་ལས་བཞི་པོ། །དེ་ལས་མཐར་གྱིས་བྱུང་བ་ཡིན། །སེམས་དཔའ་འདི་རྣམས་གང་ལས་བྱུང་། །རྡོ་རྗེ་སེམས་སོགས་དེ་བཞིན་དུ། །བྱང་ཆུབ་སེམས་ལས་ཡང་དག་བྱུང་། །ཕ་རོལ་ཕྱིན་དྲུག་སྤྱོད་པ་ལས། །རྡོ་རྗེ་ཅན་རྣམས་བྱུང་བར་འདོད། །དེ་བཞིན་
D480.084.0152a05.01ཕ་དང་མ་ནི་གང་། །མ་ནི་ཤེས་རབ་ཕ་རོལ་ཕྱིན། །ཕ་ནི་ཐབས་ལ་མཁས་པ་སྟེ། །པདྨ་ལས་ནི་སངས་རྒྱས་སྲས། །རྡོ་རྗེ་ཅན་རྣམས་གང་ལས་བྱུང་། །རྡོ་རྗེ་རྒྱལ་པོ་དེ་བཞིན་ཆགས། །རྡོ་རྗེ་རིན་ཆེན་རྒྱལ་མཚན་དང་། །རྡོ་རྗེ་ཆོས་དང་དེ་བཞིན་རྣོ། །དེ་རྣམས་ཤེས་རབ་གཙོ་བོར་བསྟན། །
D480.084.0152a06.01རྡོ་རྗེ་སེམས་དཔའ་རྡོ་རྗེ་ལེགས། །གཟི་བརྗིད་དེ་བཞིན་བཞད་པ་ཉིད། །རྒྱུ་དང་སྨྲ་བ་སེམས་དཔའ་ཆེ། །དེ་རྣམས་ཐབས་ལས་བྱུང་བ་ཡིན། །རྡོ་རྗེ་ལས་དང་རྡོ་རྗེ་བསྲུང་། །གནོད་སྦྱིན་དེ་བཞིན་ཁུ་ཚུར་ཉིད། །ཤེས་རབ་ཐབས་སུ་གྲགས་པ་སྟེ། །བརྟན་པ་ཆེན་པོ་ཚོགས་སུ་བཤད། །རྡོ་
D480.084.0152a07.01