完整藏文原文 · 德格版页 当前仅加载第 84 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ནི། །འཆིང་བ་ལྔ་ཡིས་བཅིངས་པར་གྱུར། །རྡོ་རྗེ་ལྕགས་སྒྲོག་ཁྲོ་བོ་ཆེ། །འཆིང་བ་བརྟན་པ་བཅིངས་པར་གྱུར། །ཁྲོ་བོ་རྡོ་རྗེ་རྒྱལ་པོ་ཆེ། །ཤིན་ཏུ་གཏུམ་པོ་སྟོབས་ཆེན་པོ། །སླར་ཡང་སྙིང་པོ་ཡང་དག་དྲན། །རང་གི་སྙིང་པོ་ཡང་
D480.084.0245a01.01དག་བརྗོད། །ཧཱུྃ། སྙིང་པོ་དྲག་པོ་བརྗོད་པ་ཡིས། །གདུག་པ་དེ་རྣམས་རབ་ཏུ་འགྱེལ། །གཡོ་མེད་ཤི་བ་བཞིན་དུ་གྱུར། །འཆི་བའི་སྡུག་བསྔལ་ཉེ་བར་འཐོབ། །དེ་ནས་རྒྱལ་པོ་རྣམ་སྣང་མཛད། །ཆོས་ཀུན་དབང་ཕྱུག་དབང་དང་ལྡན། །རྡོ་རྗེ་ཁྲོ་བོ་རྒྱལ་པོ་ཆེ། །
D480.084.0245a02.01རྡོ་རྗེ་འཆང་ལ་བོས་པར་གྱུར། །སེམས་དཔའ་ཆེན་པོ་མཉན་པར་གྱིས། །འདི་རྣམས་སེམས་ཅན་རབ་འཇིགས་བྱེད། །འཇིག་རྟེན་གསུམ་གྱི་འཁོར་ལོ་འདི། །སྲོག་ནི་གཞོམ་པར་མ་བྱེད་ཅིག །དེ་ནས་རྒྱལ་པོ་རྡོ་རྗེ་འཛིན། །རྡོ་རྗེ་ཀུན་བདག་དབང་ལྡན་པས། །
D480.084.0245a03.01སངས་རྒྱས་གསུང་ནི་ཐོས་ནས་སུ། །རིག་པ་འདི་ནི་ཡང་དག་བརྗོད། །ཨོྃ་བཛྲ་ཨུཏྟིཥྛ། རྡོ་རྗེ་སློང་བ་རྫུ་འཕྲུལ་ཆེ། །དེ་ནི་བརྗོད་པ་ཙམ་གྱིས་ནི། །ལྷ་ལ་སོགས་པ་ཐམས་ཅད་ནི། །སླར་ཡང་གསོན་པ་ཉིད་དུ་གྱུར། །སྡུག་བསྔལ་ཀུན་དང་རབ་ཏུ་ཕྲལ། །
D480.084.0245a04.01འཆི་བའི་སྡུག་བསྔལ་ཞི་བར་གྱུར། །རྡོ་རྗེ་སློང་བའི་བྱམས་པ་ཡིས། །སངས་རྒྱས་ཐམས་ཅད་རབ་བསྐུལ་བས། །དེ་ནས་ལྷ་ལ་སོགས་པ་ཀུན། །སངས་རྒྱས་བྱམས་པས་ལངས་པར་གྱུར། །ཐལ་མོ་སྦྱར་ནས་ཚིག་གཅིག་གིས། །བཅོམ་ལྡན་འདས་ལ་ཞུས་
D480.084.0245a05.01གྱུར་པ། །བཅོམ་ལྡན་ཉེས་པ་གང་གིས་ནི། །བདག་ཅག་འདི་ལྟར་འདུལ་བར་མཛད། །སངས་རྒྱས་ཐུགས་རྗེ་ཅན་ཀུན་གྱིས། །བདག་ཅག་ཡོངས་སུ་བསྐྱབ་ཏུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ཁྱེད་ཅག་ཡོངས་སུ་བསྐྱབ་པ་དང་། །ཕན་
D480.084.0245a06.01གདགས་པར་ནི་ངས་མི་ནུས། །འདི་ནི་དྲག་པོ་རྡོ་རྗེ་འཛིན། །སངས་རྒྱས་ཀུན་གྱིས་བདག་པོར་བཤད། །དེ་རྣམས་ཀྱིས་གསོལ་བ། ཁྱོད་ཀྱིས་བཅོམ་ལྡན་འདས་ཀྱི་དོན། །ཇི་ལྟར་རུང་ལགས་མི་འཚལ་ལོ། །གང་ཞིག་སངས་རྒྱས་བདག་པོར་གྱུར། །
D480.084.0245a07.01