完整藏文原文 · 德格版页 当前仅加载第 84 函德格 205b 版页；藏文 NFD、目录标记与异常页序保留在来源切片中，重复版页行以稳定序号区分。
བགེགས་རྣམས་ཐམས་ཅད་དྲང་བར་བྱ། །རྡོ་རྗེ་མདུང་ཐུང་ཕྱག་རྒྱ་ཡིས། །བགེགས་རྣམས་ཐམས་ཅད་དབུག་པར་བྱ། །རྡོ་རྗེ་དབབ་པའི་ཕྱག་རྒྱ་ཡིས། །བགེགས་རྣམས་ཐམས་ཅད་བསྒྱེལ་བར་བྱ། །རྒྱས་པ་ཡིས་ནི་ཅི་ནུས་པར། །ལུས་རྣམས་ཐམས་ཅད་དགུག་
D480.084.0205b01.01པར་བྱ། །བགེགས་ནི་འགའ་ཡང་ཡོད་མིན་ཞེས། །སེམས་ནི་དག་པར་གྱུར་པ་ཡིན། །རང་སེམས་བདུད་ཅེས་བྱ་བར་བཤད། །བགེགས་ཉིད་ཀྱང་ནི་རང་གི་སེམས། །རྣམ་པར་རྟོག་པ་ཐམས་ཅད་བསལ། །རྣམ་རྟོག་ལས་ནི་བགེགས་རྣམས་འབྱུང་། །གདུལ་བར་
D480.084.0205b02.01དཀའ་བའི་སེམས་གཟུང་ཞིང་། །འདོད་པ་ལྔ་ནི་སྤང་པར་བྱ། །སྔོན་དུ་རྗེས་དྲན་ནས་བརྩམས་ཏེ། །ཡང་ན་རྡོ་རྗེ་སེམས་དཔར་འགྱུར། །བཅོམ་ཞིང་ངེས་པར་བཅད་ནས་ནི། །ཡི་གེ་ཧཱུཾ་གིས་བསྐྲད་པར་བྱ། །རྡོ་རྗེ་ལས་ཀྱི་ཕྱག་རྒྱ་ཡིས། །རྡོ་རྗེ་ར་བ་བཅིང་བར་བྱ། །ཧཱུཾ་མཛད་རྡོ་རྗེ་
D480.084.0205b03.01བསྡམ་བྱ་ཞིང་། །དེ་ནི་རྡོ་རྗེ་ར་བས་བསྐོར། །རྡོ་རྗེ་སེམས་དཔའ་ཕྱག་རྒྱ་ཆེས། །དཀྱིལ་འཁོར་ཡང་དག་བྱིན་བརླབས་ནས། །ཅི་ནུས་པར་ནི་རྒྱས་པ་རུ། །ར་བ་མཆོག་ནི་བཅིང་བར་བྱ། །རྟོག་པ་ཀུན་ལ་ངེས་སྦྱར་ནས། །སེམས་ནི་དག་པར་འགྱུར་བ་ཡིན། །དཀྱིལ་འཁོར་
D480.084.0205b04.01དག་གི་མཚན་ཉིད་ནི། །མཁས་པ་ཡིས་ནི་གཟུང་བར་བྱ། །གྲོགས་དག་དང་ནི་ཐམས་ཅད་ལ། །གཡེལ་བ་མེད་པར་བསྲུང་བར་བྱ། །གསོར་ཞིང་ལེགས་པར་བཀལ་བ་དང་། །ཚད་དང་ལྡན་ཞིང་མཛེས་པ་དང་། །དྲི་ཞིམ་རེག་བྱ་འཇམ་པ་དང་། །ལེགས་པར་བྱས་ཤིང་སྲ་བ་དང་། །
D480.084.0205b05.01དྲི་བསུང་དང་ནི་ཡང་དག་ལྡན། །སྣ་ཚོགས་ཚོན་གྱིས་ཀུན་དུ་ཁྱབ། །དྲི་བཅས་ཚོན་དུ་སྤང་བྱ་ཞིང་། །ཆོས་ཀྱི་དཀྱིལ་འཁོར་ཐིག་གདབ་བ། །དེ་ནས་དེ་ནི་ཡང་དག་བཤད། །དཀྱིལ་འཁོར་མཆོག་ནི་ཆེན་པོ་སྟེ། །སངས་རྒྱས་ཀུན་གྱི་གསང་བ་ཆེ། །དཀྱིལ་འཁོར་ཀུན་གྱི་གསང་
D480.084.0205b06.01བ་ཆེ། །སངས་རྒྱས་བརྟན་པའི་རྡོ་རྗེ་ཅན། །སེམས་ཅན་འདི་རྣམས་གདུལ་བྱ་མིན། །བསོད་ནམས་ཡེ་ཤེས་རྒྱ་མཚོ་ཆེ། །ཚོགས་ནི་ཀུན་དུ་མ་བསགས་པ། །བསོད་ནམས་ཚོགས་དང་མི་ལྡན་ཞིང་། །སངས་རྒྱས་འབྱུང་ལ་ཆགས་དང་བྲལ། །སེམས་ཅན་དེ་རྣམས་མོས་བྱའི་ཕྱིར། །
D480.084.0205b07.01