完整藏文原文 · 德格版页 当前仅加载第 84 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །བརྐམ་ཞིང་ཆགས་ལ་སྡང་བ་དང་། །རྨོངས་ཤིང་ལེ་ལོ་ལྡན་པའང་མིན། །བག་ཡོད་ཤིན་ཏུ་བརྩོན་པ་ཡིས། །རྣལ་འབྱོར་ཆོ་ག་བསྒྲུབ་པར་བྱ། །ལྟ་བ་ཀུན་ལས་རྣམ་པར་གྲོལ། །དེ་ཉིད་ལས་ནི་ལེགས་པར་མཐོང་། །དགེ་ཞིང་དགོངས་
D480.084.0201a01.01པ་བཤད་པ་ཡི། །དོན་ཤེས་དོན་ནི་རྟོགས་པར་འགྱུར། །རིགས་དང་མི་རིགས་ཆོ་ག་ཤེས། །དེ་ཉིད་རྣལ་འབྱོར་ཤིན་ཏུ་མཁས། །བརྩེ་ལྡན་བྱང་ཆུབ་སྤྱོད་པར་ལྡན། །སྤྱོད་པ་རྣམས་ལ་རབ་ཏུ་མཁས། །དེ་འདྲའི་ཚུལ་ནི་སྣ་ཚོགས་དང་། །དེ་ལྟ་བུ་ཡི་བསྒྲུབ་པ་ཡི། །
D480.084.0201a02.01དངོས་གྲུབ་དང་ནི་ཐར་པ་འཐོབ། །དངོས་གྲུབ་ཀུན་ལ་ཐེ་ཚོམ་མེད། །གནས་དང་གོས་དང་བཟའ་བ་ཡི། །ལྷག་པ་ཐམས་ཅད་རྣམ་པར་སྤང་། །ལྷ་རྣམས་བརྙས་པར་མི་བྱ་ཞིང་། །བྱ་བ་མ་ཡིན་ཐམས་ཅད་སྤང་། །ལེ་ལོ་མེད་པར་ཉིན་རེ་ཞིང་། །བསྲུང་བ་ཡི་ནི་ཆོ་ག་བྱ། །
D480.084.0201a03.01བགེགས་མེད་འཇིགས་པར་མི་བྱ་སྟེ། །རང་སེམས་འདི་ནི་གདུལ་བར་དཀའ། །ཕ་དང་མ་རུ་འཛིན་པ་དང་། །བྲམ་ཟེ་དགེ་སློང་དེ་དང་འདྲ། །དག་ཅིང་དུལ་ལ་ཞི་བ་དང་། །བསྡམས་ཤིང་ཐར་བ་ཤེས་པ་དང་། །རྒྱལ་སྲིད་མཐོ་རིས་ལོངས་སྤྱོད་མིན། །འདོད་པའི་
D480.084.0201a04.01ལོངས་སྤྱོད་འཕེལ་ཕྱིར་མིན། །གཞན་དུ་སེམས་ཅན་དོན་གྱི་ཕྱིར། །རྫོགས་པའི་བྱང་ཆུབ་ངེས་བྱས་པ། །ཟས་ཀྱི་ཚོད་ནི་ཤེས་པ་དང་། །མཚན་མོ་གཉིད་ཀྱང་སད་པར་བྱ། །འདོད་ཆགས་སྐྱོན་ལ་སོགས་པ་གཞན། །སེམས་ཀྱིས་རྣམ་པར་མི་བརྟག་གོ། །སེམས་ནི་
D480.084.0201a05.01རབ་ཏུ་དང་བྱས་ནས། །གཡོ་བ་མེད་ཅིང་ངེས་བྱས་པས། །ལེགས་པར་སྨྲ་ཞིང་རབ་ཏུ་འབྱེད། །ཆོས་ནི་ངེས་པར་དོན་གཉེར་བྱེད། །མངོན་སྤྱོད་ཀྱི་ནི་བྱ་བ་བཞིན། །སེམས་ཅན་གནོད་དང་འཚེ་མི་བྱ། །ཉེས་ལྡན་གདུག་པའི་སེམས་ཅན་རྣམས། །དཀྱིལ་འཁོར་དུ་ནི་
D480.084.0201a06.01གཞུག་མི་བྱ། །ལྷ་ཡི་སྐུ་དང་ཕྱག་མཚན་དང་། །ལྷ་ཡི་བཞོན་པ་དག་དང་ནི། །དམན་མ་ལྷ་ཡི་གྲིབ་མ་དང་། །ལྷ་ཡི་མཚན་མ་ཐམས་ཅད་དང་། །བཟའ་བ་དག་ནི་སྣ་ཚོགས་པ། །མཚན་མ་གཟུགས་སུ་བྱས་པ་དང་། །བགོམ་པར་མི་བྱ་བཟའ་མི་བྱ། །ནམ་ཡང་
D480.084.0201a07.01