完整藏文原文 · 德格版页 当前仅加载第 84 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་བསྒོམ་པར་བྱ། །ཡི་གེ་ཧཱུཾ་ནི་དེ་སྦྱར་ནས། །ཇི་ལྟར་ཤིང་སྐམ་གཙུབ་སྟན་པ། །གཙུབ་ཤིང་ཡང་དག་སྦྱོར་གནས་སུ། །རྩོལ་བ་བྱས་པ་ཙམ་གྱིས་ནི། །སྐད་ཅིག་གིས་ནི་མེ་འབྱུང་བཞིན། །ཡི་གེ་ཨ་ནི་གཙུབ་སྟན་ཏེ། །ཡི་གེ་ཧཱུཾ་ནི་གཙུབ་ཤིང་ཡིན། །རྒྱུ་
D480.084.0233b01.01བའི་རྣལ་འབྱོར་པ་ཡིས་ནི། །སྐད་ཅིག་གིས་ནི་ཡེ་ཤེས་སྐྱེ། །ཤེས་རབ་ཕ་རོལ་ཕྱིན་ཡེ་ཤེས། །ཡི་གེ་ཧྲཱིཿརུ་འདིར་བརྗོད་བྱ། །བྱང་ཆུབ་སེམས་ནི་ཡི་གེ་ཧཱུྃ། །མེ་ཡི་སྦྱོར་བས་བསྲུབ་པར་བྱ། །བསྲུབ་པའི་སྦྱོར་བ་འདི་ཡིས་ནི། །ཡེ་ཤེས་དམ་པ་སྐྱེ་བར་འགྱུར། །
D480.084.0233b02.01རྡོ་རྗེ་དེ་ནི་བསྲེག་བྱ་སྟེ། །རྡོ་རྗེ་ཡེ་ཤེས་བླ་ན་མེད། །བྷ་ག་སངས་རྒྱས་ཀུན་ཤེས་རབ། །ལིང་ག་རྡོ་རྗེ་བརྗོད་པར་བྱ། །བྱང་ཆུབ་སེམས་གང་དེ་རྡོ་རྗེ། །བྷ་ག་ལིང་གར་རབ་ཏུ་བསྒྲུབ། །བྷ་གར་ལིང་ག་བཅུག་ནས་ནི། །མདོ་སྡེ་གསང་དབང་ལས་གསུངས་སོ། །བྷ་གའི་སྦྱོར་བ་འདི་ཡིས་ནི། །མཁས་པས་
D480.084.0233b03.01ལིང་ག་གཞུག་པར་བྱ། །གསང་བ་གཟི་བརྗིད་ཆེན་པོ་འདི། །མི་བསྲུབ་པ་ཡི་སྦྱོར་བ་ཡིས། །འགའ་ཞིག་གིས་ནི་འདི་བསྒྲུབས་ན། །སྐད་ཅིག་གིས་ནི་ཡེ་ཤེས་སྐྱེ། །བཟླས་པ་གསང་བ་རྣམ་པ་བདུན་རྫོགས་སོ།། །།སྦས་པ་གསང་བ་རྒྱུད་ཆེན་པོ། །འདི་ཉིད་རྣལ་
D480.084.0233b04.01འབྱོར་ཀུན་དུ་བསྡུས། །འདི་ཉིད་ཆེན་པོ་བསྡུས་པ་ནི། །དེ་ནི་གཞན་ཡང་རབ་བཤད་བྱ། །ཟླ་བ་གང་བ་ཡང་དག་གནས། །བདག་ཉིད་རྡོ་རྗེ་བསྒོམ་པར་བྱ། །དེ་ཡི་དབུས་སུ་རྡོ་རྗེ་སྟེ། །རྡོ་རྗེ་རིགས་ཀྱི་བཟླས་པ་བྱ། །ཟླ་བ་གང་བ་ལ་གནས་པར། །བདག་ཉིད་པདྨར་བསྒོམ་
D480.084.0233b05.01པར་བྱ། །དེ་ཡི་དབུས་སུ་པདྨ་དེ། །པདྨའི་རིགས་ཀུན་བཟླས་པར་བྱ། །ཟླ་བ་གང་བ་ལ་གནས་པར། །བདག་ཉིད་ནོར་བུར་བསྒོམ་པར་བྱ། །དེ་ཡི་དབུས་སུ་རིན་ཆེན་དང་། །རིན་ཆེན་རིགས་ཀྱི་བཟླས་པར་བྱ། །བདག་ཉིད་རྡོ་རྗེ་གཅིག་པུ་ནི། །རྡོ་རྗེ་ནོན་པོར་རབ་ཏུ་བསྒོམ། །
D480.084.0233b06.01དེ་ཡི་ལས་ཀྱི་རིགས་མཆོག་ལ། །ལས་ཀྱི་རིགས་ཀུན་བཟླས་པར་བྱ། །སངས་རྒྱས་རྗེས་དྲན་ནས་བརྩམས་ཏེ། །སངས་རྒྱས་གཟུགས་སུ་རྣམ་པར་བསྒོམ། །དེ་ཡི་ཐུགས་ཀར་ཞུགས་ནས་ནི། །སངས་རྒྱས་རིགས་ཀུན་བཟླས་པར་བྱ། །རྡོ་རྗེ་སེམས་དཔའི་གཟུགས་ཆེན་པོ། །
D480.084.0233b07.01