完整藏文原文 · 德格版页 当前仅加载第 84 函德格 206b 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་ཀྱིས་མཛེས་པ། །ཕྲེང་བ་རྔ་ཡབ་བླ་རེ་དང་། །ཉི་ཟླ་དག་གིས་ཉེ་བར་མཛེས། །ཀུན་ནས་ཕྱི་རོལ་གནས་དག་ཏུ། །རྡོ་རྗེ་ཁ་ཁྱེར་ཡང་དག་རྟེན། །ཀུན་དུ་ཁ་ཁྱེར་དང་ལྡན་པ། །སྒོ་ནི་ཁ་ཁྱེར་མེད་པའོ། །རྩེ་མོ་རྡོ་རྗེ་སྡོ་རང་བཞིན། །གཞན་ནི་གསེར་གྱི་མདོག་ཅན་
D480.084.0206b01.01དང་། །དམར་པོ་པདྨ་ལྟ་བུ་དང་། །གཞན་ཡང་ཤེལ་ལྟར་དཀར་བ་དང་། །རིན་ཆེན་རང་བཞིན་མཆོག་ཀུན་གྱི། །དཀྱིལ་འཁོར་མཛེས་པར་བྲི་བར་བྱ། །སྣ་ཚོགས་གཟུགས་ནི་མཛེས་པ་མཆོག །རྡོ་རྗེ་ལྷ་མོའི་ཚོགས་ཀྱིས་མཆོད། །རིམ་གཉིས་སྒོ་དང་ཡང་དག་ལྡན། །རྟ་བབས་
D480.084.0206b02.01སྣ་ཚོགས་དང་ལྡན་པ། །དཀར་ཞིང་གསལ་དང་རྡོ་རྗེ་དང་། །ཉི་ཟླ་དག་གིས་རྣམ་པར་སྤྲས། །འདབ་མ་བཞི་དང་ཡང་དག་ལྡན། །སྒོ་བཞི་དག་ནི་མཆོག་ཏུ་མཛེས། །མཐོ་ཞིང་ཡངས་ལ་མཛེས་པ་སྟེ། །རྡོ་རྗེ་རྡོ་རྗེ་ཡང་དག་ལྡན། །རྡོ་རྗེ་སྒོ་སྲུང་སྐལ་ཆེན་པོ། །བདག་ཉིད་རྡོ་རྗེ་
D480.084.0206b03.01ལྕགས་ཀྱུ་འཛིན། །གཏུམ་པོ་སྲུང་བྱེད་རྣལ་འབྱོར་པ། །ཤར་གྱི་སྒོ་རུ་ཡང་དག་གནས། །ལྷོ་རུ་རྡོ་རྗེ་ཞགས་པ་སྟེ། །ནུབ་ཏུ་རྡོ་རྗེ་ལྕགས་སྒྲོག་གོ། །རྡོ་རྗེ་དྲིལ་བུ་སྐལ་ཆེན་པོ། །བྱང་གི་སྒོ་རུ་ཡང་དག་གནས། །འཇུག་པ་དང་ནི་འབྱུང་བའང་རུང་། །རྡོ་རྗེ་ཤུགས་ནི་བརྗོད་པར་བྱ། །
D480.084.0206b04.01རི་མོ་དམན་མ་བརྫིས་བྱས་ན། །དམ་ཚིག་དེ་ཉིད་མཐོང་མི་འགྱུར། །ཨོཾ་བཛྲ་བེ་གཱ་ཀྲ་མ་ཧཱུཾ། གང་གི་དུས་སུ་ཐིག་འདེབས་པ། །རྡོ་རྗེའི་ཐིག་ནི་བརྗོད་པར་བྱ། །ས་ཡི་ཆ་ནི་མ་ལུས་པ། །ཐམས་ཅད་རྡོ་རྗེའི་རང་བཞིན་འགྱུར། །ཨོཾ་བཛྲ་ས་མ་ཡ་སཱུ་ཏྲ་མཱ་ཏི་ཀྲ་མ་ཧཱུཾ། སྔོན་དུ་ཚོན་རྩིའི་
D480.084.0206b05.01ཕྱེ་མ་ལ། །འབར་བའི་བལྟ་བས་ཡང་དག་བལྟ། །བཛྲ་རཱ་ག་ཞེས་བརྗོད་ན། །ཐམས་ཅད་རྡོ་རྗེའི་རང་བཞིན་འགྱུར། །ཨོཾ་བཛྲ་རཱ་ག་ཧཱུཾ། མཚམས་ཀྱི་ཆ་ནི་ཐམས་ཅད་དང་། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་ཆེན་རྣམས་ཀྱིས་སྤྲས། །ཕྱི་རོལ་དཀྱིལ་འཁོར་ཐིག་གདབ་བ་
D480.084.0206b06.01བྱ། །ལོགས་དང་ཆ་ནི་མཉམ་པ་དང་། །ཀུན་ནས་ཆ་ནི་རྣམ་པར་ཕྱེ། །དཀྱིལ་འཁོར་ཆ་ནི་རྣམ་པར་གསལ། །འཁོར་ལོའི་དཀྱིལ་འཁོར་ཐིག་གདབ་བྱ། །དེ་ཡི་ནང་གི་རིམ་པ་རུ། །ཞུགས་ནས་འཁོར་ལོ་དེ་མཚུངས་པ། །ཀུན་དུ་ཆ་ནི་མཉམ་པར་བྲི། །ཀ་བ་བརྒྱད་ཀྱིས་ཉེ་བར་མཛེས། །
D480.084.0206b07.01