完整藏文原文 · 德格版页 当前仅加载第 84 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
བསྲེག །གང་ཕྱིར་རྡོ་རྗེ་ཅན་དག་གཤེགས། །དེ་ནས་དཀྱིལ་འཁོར་གནས་དེ་ན། །སྔགས་ཀྱིས་བསངས་པའི་དྲི་ཆུ་ཡིས། །རྟག་ཏུ་ལེགས་པར་ཆག་ཆག་གདབ། །གང་ཕྱིར་རྡོ་རྗེའི་རང་བཞིན་འགྱུར། །ཉིན་ཞག་དྲུག་གམ་བདུན་བརྒྱད་དང་། །མར་དང་འོ་མ་འབྲས་
D480.084.0203b01.01ཆན་ཉིད། །སློབ་དཔོན་ཟས་ནི་དཀར་གསུམ་བཟའ། །ཡང་ན་ཐུན་མོང་གྱུར་པའི་ཟས། །ཅི་སྟེ་བཟོད་ལྡན་ཉིན་མཚན་དུ། །མི་བཟའ་བར་ནི་བསྒྲུབ་པར་བྱ། །གང་ཕྱིར་ཆོས་ཀྱི་རང་བཞིན་ཟས། །སྟོབས་ལྡན་འགྱུར་བར་ཐེ་ཚོམ་མེད། །དཀྱིལ་འཁོར་མཆོག་ནི་རྒྱལ་ཆེན་པོ། །
D480.084.0203b02.01གང་ཡིན་བསམ་པས་བྱ་བའོ། །བཅོ་ལྔ་ལ་ནི་བརྩམས་ནས་སུ། །གཉིས་པའི་ཉ་ལ་རྫོགས་པར་བྱ། །ཡང་ན་མར་གྱི་ངོ་ལ་ནི། །བཅུ་བཞི་ལ་ནི་ཡང་དག་བརྩམ། །བཅོ་ལྔ་ལ་ནི་ཐུག་པར་བྱ། །ལེགས་པ་རུ་ནི་རྫོགས་པར་བྱ། །ཡང་ན་ཚེས་བརྒྱད་ནས་བརྩམས་ཏེ། །ཐ་
D480.084.0203b03.01མ་ཉ་ལ་ཀུན་དུ་བྲི། །ཡང་ན་བཅུ་བཞི་ལ་བརྩམས་ཏེ། །ཉིན་ཞག་གཉིས་པར་ཡང་དག་བྲི། །ཡང་ན་བཅོ་ལྔ་དེ་ཡི་ནི། །སྔ་དྲོ་དེ་ཡི་ཡང་དག་བརྩམ། །ཚུལ་ཆེན་པོ་དང་མཚུངས་པ་ཡི། །དཀྱིལ་འཁོར་ཤེས་རབ་ཅན་གྱིས་བྲི། །གང་གི་ཚེ་ནས་བརྩམས་ནས་སུ། །ཇི་སྲིད་
D480.084.0203b04.01རྫོགས་པར་མ་གྱུར་པར། །གལ་ཏེ་ཀུན་ནས་མི་བཟའ་བར། །བརྩོན་འགྲུས་ཆེན་པོ་བརྩམ་པར་བྱ། །དྲི་དང་བཅས་ཤིང་ལེགས་བྱས་པ། །ཡང་ན་དཀར་གསུམ་བཟའ་བར་བྱ། །གང་ཕྱིར་རྒྱལ་བའི་རྡོ་རྗེ་འཛིན། །བྱིན་གྱིས་བརླབ་པར་མཛད་པར་འགྱུར། །བསོད་ནམས་ཆེ་ཞིང་
D480.084.0203b05.01བཀྲ་ཤིས་པའི། །ཉིན་ཞག་དག་པ་གང་ཡིན་པ། །དེ་ལ་རྡོ་རྗེ་སློབ་དཔོན་ནི། །སྐལ་བ་ཆེན་པོས་དཀྱིལ་འཁོར་བརྩམ། །སེམས་དཔའི་སྐྱིལ་མོ་ཀྲུང་བཅས་ནས། །དབུས་ཀྱི་ཆ་རུ་འདུག་པར་བྱ། །སངས་རྒྱས་ཐམས་ཅད་ལ་དམིགས་ནས། །སངས་རྒྱས་རྗེས་སུ་དྲན་པ་བསྒོམ། །
D480.084.0203b06.01སེམས་ནི་ཡོངས་སུ་འཛིན་བྱེད་པ། །ལུས་ནི་དྲང་པོར་བྱས་ནས་སུ། །བཤགས་ལ་སོགས་པའི་ལས་རྣམས་ནི། །ཐམས་ཅད་སྡོན་དུ་བྱ་བ་ཡིན། །བྱང་ཆུབ་སེམས་ལ་བརྩོན་གྱུར་ཅིང་། །རིག་པའི་བརྟུལ་ཞུགས་སྤྱད་པ་ཡིས། །ཕྱོགས་བཅུ་རུ་ནི་ཕྱག་བྱས་ནས། །བདག་
D480.084.0203b07.01