完整藏文原文 · 德格版页 当前仅加载第 84 函德格 156a 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས། །རིག་སྔགས་དག་ནི་ཟློས་པ་ན། །ཇི་ལྟར་ཡིད་ཀྱིས་རྡོ་རྗེ་བཟླས། །སྐྱིལ་ཀྲུང་ཇི་ལྟ་བ་བཞིན་བྱ། །དྲན་དང་ཡིད་ནི་མ་གཡེངས་པས། །རིག་སྔགས་དག་ནི་བཟླ་བྱ་ཞིང་། །སྐུ་ཉིད་ཀྱང་ནི་བསམ་པར་བྱ། །མཆུ་ཡིས་མ་ཡིན་གཅིག་ཀྱང་མིན། །
D480.084.0156a01.01རྐན་གཉིས་ཀྱིས་ཀྱང་མ་ཡིན་ཏེ། །ལྕེ་དང་ལྐོག་མས་ཀྱང་མ་ཡིན། །རྟག་ཏུ་སྙིང་ག་ནས་ཀྱང་མིན། །ཤིན་ཏུ་ཕྲ་བའི་ཡིད་ཀྱིས་ནི། །སེམས་ནི་ཆོ་ས་ཉིད་ནང་ཆུད་བྱ། །དེ་ལྟར་བཟླས་པ་བྱས་ན་ནི། །ཡིད་ཀྱིས་རྡོ་རྗེ་བཟླས་པ་ཡིན། །ཨོྃ་ནི་ཅི་ཞིག་ཡིན་པར་བ་ཤད། །མཆོག་
D480.084.0156a02.01དང་ནོར་སྟེར་དཔལ་དང་གཡང་། །སྐལ་བཟང་རྣམ་པ་དང་ལྡན་ཞིང་། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྙིང་པོ་ཡིན། །ཡི་གེ་ཧཱུྃ་ནི་ཅི་ཡིན་བརྗོད། །སྡུག་བསྔལ་འཆོས་ཤིང་འཇོམས་པར་བྱེད། །སྲིད་པའི་ཞགས་པ་གཅོད་བྱེད་ཅིང་། །གདུག་པ་
D480.084.0156a03.01སྔངས་ཤིང་གསོད་བྱེད་པའི། །ཧཱུྃ་ནི་མཆོག་ཏུ་དྲན་པར་བྱ། །ཡི་གེ་ཕཊ་ནི་ཅི་ཡིན་བརྗོད། །གདུག་དང་སྡུག་བསྔལ་འཇོམས་བྱེད་ཅིང་། །བདེ་བདག་ནི་འགུགས་པར་བྱེད། །ཕཊ་ནི་འཇོམས་བྱེད་སྒྲ་ཡིན་ཏེ། །གྲོགས་དང་བཅས་པ་འཇོམས་པར་བྱེད། །སྭཱ་ཧཱ་ཞེས་པ་ཅི་ཡིན་
D480.084.0156a04.01བརྗོད། །སྡིག་པ་ཐམས་ཅད་ཞི་བྱེད་ཅིང་། །དགེ་བའི་ཚོགས་ནི་འཕེལ་བར་བྱེད། །ཉེས་པར་བྱས་པ་འཕྲོག་བྱེད་ཅིང་། །སྡུག་བསྔལ་ཐམས་ཅད་འཇོམས་པའི་མཆོག །མཆོད་པ་ཅི་ཕྱིར་བརྗོད་པར་བྱ། །མཆོད་པར་བྱེད་པས་མཆོད་པ་སྟེ། །གང་དུ་གསང་བྱ་མི་འཇིགས་
D480.084.0156a05.01པའི། །དེ་ཡི་མཆོད་པ་རྣམ་མང་འགྱུར། །ཕྱི་རོལ་གྱི་ནི་མཆོད་པ་མིན། །འདི་ནི་སངས་རྒྱས་ཀུན་གྱིས་མཆོད། །དེ་བཞིན་དུ་ནི་ཐར་པའི་མཆོག །གསང་བའི་མཆོད་པ་དེ་རྣམས་ནི། །འཇིགས་མེད་རྒྱལ་སྲས་རྣམས་ཀྱི་ནི། །སངས་རྒྱས་ཀུན་གྱི་རང་བཞིན་དང་། །ཉིད་ཀྱི་སྲས་
D480.084.0156a06.01ཀྱིས་མཚུངས་མེད་པའི། །ཆོ་ག་བསྒྲུབ་པའི་གསང་བ་ནི། །རྟག་ཏུ་རིག་པ་འཛིན་པའི་མཆོག །དེ་བཞིན་དམ་ཚིག་ཤེས་ཉིད་ཀྱང་། །ཞུགས་པ་གང་དང་གང་ཡིན་པ། །དེ་ནི་དམ་ཚིག་ཤེས་པ་ཡིན། །དམ་ཚིག་གོམས་པར་བྱེད་པ་ཡང་། །དམ་ཚིག་ཤེས་པ་ཡིན་པར་
D480.084.0156a07.01