完整藏文原文 · 德格版页 当前仅加载第 84 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ཆེ། །ཆོས་ནི་མངོན་སུམ་གྱུར་མཛད་པ། །སྟུག་པོའི་གནས་ནས་གཤེགས་ནས་ནི། །སངས་རྒྱས་ལྷན་ཅིག་སྣ་ཚོགས་ཆེ། །རྣལ་འབྱོར་དང་བཅས་བདག་ཉིད་ཆེ། །རྡོ་རྗེའི་དབང་པོའི་གནས་སུ་གཤེགས། །དེ་ནས་ངོ་བོ་ཉིད་སྐུ་ལས། །
D480.084.0195a01.01སླར་ཡང་བྱུང་བ་སྤྲོས་པར་འགྱུར། །སངས་རྒྱས་རྣལ་འབྱོར་ལས་ཆེན་པོ། །ཅི་བཞིན་སྔོན་གྱི་རྗེས་འབྲངས་ནས། །རྡོ་རྗེའི་དབུས་སུ་བཞུགས་པར་གྱུར། །སྔོན་གྱི་སངས་རྒྱས་མཛད་པ་བཞིན། །སངས་རྒྱས་ཀྱི་ནི་མཛད་པ་བསྟན། །གསང་བ་རོལ་པའི་འཁོར་ལོ་རུ། །སྐུ་ནི་
D480.084.0195a02.01ལོངས་སྤྱོད་རྫོགས་པའི་མཆོག །སངས་རྒྱས་ཐམས་ཅད་བདག་ཉིད་ཆེ། །སྣ་ཚོགས་རྣལ་འབྱོར་བདག་ཉིད་ཆེ། །འཁོར་ལོ་ཐམས་ཅད་བཞུགས་པར་འགྱུར། །ཕྱོགས་དང་ཕྱོགས་མཚམས་ཐམས་ཅད་དུ། །ཅི་བཞིན་སྔོན་གྱི་རྗེས་འབྲངས་ནས། །སངས་རྒྱས་
D480.084.0195a03.01རོལ་པ་ཡང་དག་ལྡན། །སངས་རྒྱས་སྟོན་པ་བཞུགས་པར་འགྱུར། །དུས་གསུམ་ཡེ་ཤེས་རྗེས་མཐུན་ནི། །སངས་རྒྱས་ཀྱི་ནི་རྣལ་འབྱོར་བརྗོད། །ཧཱུཾ་བཛྲ་ས་ཏྭ། ཨོཾ་བཛྲ་རཏྣ་ཧྲཱིཿ། བཛྲ་དྷརྨ། ཨཿབཛྲ་ཀརྨ། བསྐལ་པ་གྲངས་མེད་གསུམ་སྔོན་དུ། །བཅོམ་ལྡན་བྱང་
D480.084.0195a04.01ཆུབ་མཛད་པ་གང་། །རྣལ་འབྱོར་སེམས་དཔའ་བཞིར་བཅས་པའི། །རྡོ་རྗེའི་དཀྱིལ་འཁོར་སྣང་བར་བགྱི། །བྱང་ཆུབ་ཆེན་པོ་ཆོས་ཀྱི་མཆོག །བྱང་ཆུབ་སེམས་ནི་ཚུལ་ཆེན་པོ། །རྡོ་རྗེ་སེམས་དཔའི་རང་བཞིན་བགྱི། །ཟླ་བ་ཡི་ནི་དཀྱིལ་འཁོར་སྣང་། །ཕ་རོལ་ཕྱིན་པ་སྤྱད་
D480.084.0195a05.01པ་ནི། །སྔོན་དུ་བཅོམ་ལྡན་སྤྱད་པ་གང་། །རྡོ་རྗེ་རིན་ཆེན་སྦྱོར་བ་ཡིས། །ཟླ་བ་ཡི་ནི་དཀྱིལ་འཁོར་སྣང་། །ཐེག་པ་ཆེན་པོ་མངོན་པར་རྟོགས། །ཆོས་ཀྱི་མཆོག་ནི་རབ་རྟོགས་པ། །རྡོ་རྗེ་ཆོས་ཀྱི་སྦྱོར་བ་ཡིས། །ཟླ་བ་ཡི་ནི་དཀྱིལ་འཁོར་སྣང་། །སེམས་ཅན་སྨིན་ཅིང་གྲོལ་བར་
D480.084.0195a06.01བྱེད། །སངས་རྒྱས་མཛད་པ་རབ་ཏུ་འཇུག །བརྩོན་འགྲུས་དང་ལྡན་ལས་ཆེན་པོ། །ཟླ་བ་ཡི་ནི་དཀྱིལ་འཁོར་སྣང་། །བྱང་ཆུབ་སེམས་ནི་གསང་ཆེན་པོ། །བསོད་ནམས་ཚོགས་དང་ཤེས་རབ་དང་། །བྱང་ཆུབ་སྤྱོད་པ་རབ་སྦྱོར་བ། །རྒྱལ་པོ་བཞི་ནི་རབ་ཏུ་འབྱུང་། །གོ་
D480.084.0195a07.01