完整藏文原文 · 德格版页 当前仅加载第 84 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
བསྲེས་པས་བྱ། །ཚོང་དཔོན་ཡང་ན་དེད་དཔོན་རུང་། །ཚོན་རྩི་དག་ལ་རབ་ཏུ་བྱ། །ཡང་ན་གཞན་ནི་འགའ་ཞིག་ཡིན། །ཚོན་རྩི་གཞན་ནི་དམ་པར་སྦྱར། །ཐལ་བ་ཡིས་ཀྱང་དུས་ཅི་བཞིན། །འདིར་ནི་སློབ་དཔོན་དག་གིས་བྱ། །རིན་ཆེན་ཕྱེ་མར་
D480.084.0164a01.01ཡང་དག་ལྡན། །ཡང་ན་ཡོ་བྱད་དང་ལྡན་པ། །གལ་ཏེ་སྒྲུབ་བྱེད་དེ་རྒྱལ་པོ། །སྣ་ཚོགས་བྱེ་བའི་ཚད་དུ་བྱ། །ཡང་ན་འབུམ་དང་ཡང་དག་ལྡན། །སྟོང་ལས་ཉུང་བར་མི་བྱའོ། །སྤོས་དང་མར་མེའི་མཆོད་བསྟོད་དང་། །དྲི་ཡི་བུམ་པ་ཉིད་དང་ནི། །དེ་བཞིན་བུམ་
D480.084.0164a02.01གང་གཏོར་མ་དང་། །བུམ་པ་རྣམས་དང་མར་མེ་དག །ཚོང་དཔོན་ཡང་ན་དེད་དཔོན་རུང་། །བཅུ་ལས་ཉུང་བར་མི་བྱའོ། །གཞན་འགའ་ཞིག་ནི་འོངས་ཀྱང་རུང་། །བཅའ་བདག་ནི་སྟོང་ཕྲག་བཅུ། །བཅུ་ལས་ཉུང་བར་མི་བྱའོ། །བཟའ་བདག་ནི་བརྒྱའམ་
D480.084.0164a03.01སྟོང་། །བཅུ་ལས་ཉུང་བར་མི་བྱའོ། །གཡོས་ཀྱི་རྣམ་པ་ཀུན་དང་ནི། །དེ་བཞིན་དྲི་རྣམས་ཐམས་ཅད་ཀུན། །རོལ་མོ་སྒེག་དང་རྩེད་མོ་དང་། །དེ་བཞིན་ཕུན་སུམ་ཚོགས་པ་ཀུན། །དེ་ནས་རྡོ་རྗེ་སློབ་དཔོན་གྱིས། །དེ་ཚེ་མཆོད་པ་བྱེད་ནས་ནི། །ཅི་ནས་སོང་ནི་
D480.084.0164a04.01ཁྱེད་ཅག་རྣམས། །གྲུབ་པར་བྱ་ཕྱིར་བརྟུལ་ཞུགས་བརྩམ། །རང་ཉིད་ཁྲུས་བྱས་ཡན་ལག་བྱུགས། །དག་ཅིང་གཙང་མའི་གོས་གྱོན་ཅིང་། །རྣམ་པར་དབེན་པའི་གནས་འདུག་སྟེ། །སངས་རྒྱས་ཐམས་ཅད་སྤྱན་དྲང་བྱ། །མེ་ཏོག་སྤོས་སྣོད་ལག་ཐོགས་ཤིང་། །
D480.084.0164a05.01ཕྱོགས་རྣམས་ཀུན་ཏུ་ཕྱག་བྱའོ། །སངས་རྒྱས་ཡེ་ཤེས་མཆོག་ལྡན་པའི། །སངས་རྒྱས་ལ་སོགས་ཀུན་གཤེགས་ཤིང་། །གསང་བའི་སྤྱན་ནི་འགུགས་པ་ཡི། །རྡོ་རྗེའི་ཕྱག་རྒྱ་བཅིང་བར་བྱ། །རྡོ་རྗེའི་སྔགས་དང་ཕྱག་རྒྱ་ཡིས། །སངས་རྒྱས་ཐམས་ཅད་སྤྱན་དྲང་བྱ། །
D480.084.0164a06.01དེ་ནས་གནས་ནི་ཡང་དག་བསྒྲུབ། །དབེན་ཞིང་ཀུན་དུ་གཡེང་བ་མེད། །རི་བོ་ཡང་ནི་དགོན་པའམ། །དེ་བཞིན་ཕུག་གི་ནང་དག་གམ། །ཤིང་དྲུང་གི་ནི་གནས་དག་གམ། །ཆུ་བོའི་འགྲམ་མམ་ཡང་ན་ངོགས། །དངོས་གྲུབ་གནས་སུ་འདུག་ནས་ནི། །ལྷ་རྣམས་མྱུར་དུ་གཤེགས་
D480.084.0164a07.01