完整藏文原文 · 德格版页 当前仅加载第 84 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབ། །སྨིན་མ་བསྐྱོད་ཅིང་ཁྲོ་གཉེར་གཙིགས། །ཁྲོ་བོའི་ལྟ་བས་མིག་གདངས་པ། །ཁྲོ་མོའི་ལྟ་བ་འདོད་ཆགས་ཆེ། །འཛུམ་བཅས་མིག་ནི་བཙུམ་པར་བྱ། །མིག་གདངས་པ་ཡི་སྦྱོར་བ་ཡིས། །རྡོ་རྗེའི་ལྟ་བས་བགྲད་པར་བྱ། །
D480.084.0221a01.01སླར་ཡང་ཚིག་ནི་རྣམ་པ་བཞི། །ཧོ་ནི་རྐན་དང་ལྐོག་མ་ལ། །ཛ་ནི་ལྕེ་ཡི་དབུས་དང་རྩེ། །ཨོཾ་ནི་ལྐོག་མ་མཆུ་དག་ལ། །མཆུ་དང་མཆུ་ཡི་རྩེ་ལ་བཾ། །དེ་རྣམས་གསང་བ་རབ་རྒྱས་པ། །བསྐྲད་དང་སྤྱོས་དང་གཅད་པ་དང་། །བཅིང་བ་རྡོ་རྗེ་ཚིག་གིས་བྱ། །
D480.084.0221a02.01དེ་བཞིན་ཁོ་ནར་ཟླ་དབུས་ན། །ཕྱག་ན་རྡོ་རྗེའི་རང་བདག་ཉིད། །རིན་ཆེན་ཆོས་དང་དེ་བཞིན་ལས། །གསང་བའི་བདག་ཉིད་བསྒོམ་པར་བྱ། །ཆོ་ག་ཐམས་ཅད་རྒྱས་པ་རུ། །རྡོ་རྗེ་གསང་བ་རྗེས་སུ་སྲུང་། །ཇི་ལྟར་རྣལ་འབྱོར་ཡང་དག་གནས། །དེ་བཞིན་
D480.084.0221a03.01གསང་མཆོག་འཛིན་པ་གནས། །རྡོ་རྗེའི་རྣལ་འབྱོར་བླ་ན་མེད། །དེ་ནས་ཡང་དག་བཤད་པར་བྱ། །རྡོ་རྗེའི་རྣལ་འབྱོར་ཡང་དག་གནས། །རྡོ་རྗེ་ཕྲ་མོ་བསྒོམ་པར་བྱ། །དཔའ་བོ་རྡོ་རྗེ་སེམས་དཔའ་ནི། །ཕྱི་རོལ་ལས་གྲོལ་ཡང་དག་གནས། །ལངས་སམ་
D480.084.0221a04.01ཡང་ན་འདུག་ཀྱང་རུང་། །རྡོ་རྗེའི་རྣལ་འབྱོར་ཡང་དག་བརྩམ། །ཐེག་པ་ཆེན་པོའི་ཚུལ་དག་པ། །སྤྱོད་པ་ཆེན་པོ་ཚུལ་ཆེན་པོ། །བདག་ཉིད་ཆོས་ཆེན་རབ་བསྒོམས་ན། །རྡོ་རྗེའི་དངོས་གྲུབ་ཐོབ་པར་འགྱུར། །འདུ་བྱེད་སྡུག་བསྔལ་ཆེན་པོ་ལས། །དགའ་
D480.084.0221a05.01བའི་སྤྱོད་པས་སྤྲོ་བར་བྱ། །སྙིང་རྗེ་ཆེན་པོས་དམིགས་ནས་ནི། །སེམས་ཅན་བཏང་སྙོམས་དོར་མི་བྱ། །ལྕེ་དང་རྐན་ལ་སྦྱར་བྱ་ཞིང་། །སྣ་ཡི་རྩེ་མོས་བསྒོམ་པར་བྱ། །རང་ཉིད་རྡོ་རྗེ་འཛིན་རྒྱལ་པོ། །སྣ་ཡི་རྩེ་མོར་དེ་བཞིན་གནས། །སྙིང་གའི་སྤྱི་བོ་ཅི་ནུས་
D480.084.0221a06.01པར། །སྐུ་ནི་ཐམས་ཅད་ཡོངས་སུ་སྤྲོ། །རྡོ་རྗེ་ཕྲ་མོའི་བདེ་རེག་པས། །སེམས་ནི་མཉམ་པར་བཞག་པར་འགྱུར། །རྡོ་རྗེའི་མདུན་དུ་རྡོ་རྗེ་སྟེ། །རྡོ་རྗེའི་དབུས་སུ་བསྒོམ་པར་བྱ། །རྡོ་རྗེ་བསྒོམས་པའི་སྦྱོར་བ་ཡིས། །རྡོ་རྗེ་ཕྲ་མོ་ཡོངས་སུ་སྤྲོ། །རང་གི་ལུས་ཀྱི་
D480.084.0221a07.01