完整藏文原文 · 德格版页 当前仅加载第 84 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
དྲི་བར་བྱ། །གལ་ཏེ་ནོར་གྱི་དངོས་གྲུབ་སྨྲ། །དེ་ནི་རྣམ་བཞིར་བཤད་པར་བྱ། །ནོར་གྱི་ཡེ་ཤེས་ཆེན་པོ་བཞི། །དངོས་གྲུབ་རྣམས་ནི་བསླབ་པར་བྱ། །གང་ན་གཏེར་ནི་ཡོད་རེ་བ། །དེར་ནི་སྐྱིལ་མོ་ཀྲུང་བཅས་ཏེ། །སྙིང་གར་རྡོ་རྗེ་བསྒོམས་ན་ནི། །གཏེར་
D480.084.0213a01.01གྱི་གནས་ནི་རབ་མཐོང་འགྱུར། །བཛྲ་ནི་དྷི། ནམ་མཁར་རྡོ་རྗེ་བསྒོམ་བྱ་ཞིང་། །མེ་ལོང་ལ་ནི་ཡང་དག་བལྟ། །གང་དུ་ལྷུང་བར་མཐོང་གྱུར་པ། །དེ་ན་གཏེར་ནི་ཡོད་པར་བསྟན། །རཏྣ་ནི་དྷི། རང་གི་ལྕེ་ལ་རྡོ་རྗེ་བསྒོམ། །འདི་ན་ཡོད་ཅེས་རང་ཉིད་སྨྲ། །དྷ་རྨ་ནི་དྷི། རྡོ་
D480.084.0213a02.01རྗེ་ལས་ནི་ཡང་དག་བབས། །གང་དུ་བབས་པ་དེར་བསྟན་ཏོ། །ཀརྨ་ནི་དྷི། གལ་ཏེ་རྡོ་རྗེའི་དངོས་གྲུབ་སྨྲ། །རྣམ་པ་བཞི་ནི་བསླབ་པར་བྱ། །ཆུ་ནི་རྡོ་རྗེའི་རང་བཞིན་མཐོང་། །ཤིན་ཏུ་མཉམ་གཞག་དགའ་བར་འགྱུར། །ཆུ་ནི་སྟུག་པའི་རང་བཞིན་མཐོང་། །ཆུ་ཡི་
D480.084.0213a03.01སྟེང་དུ་བཅག་པར་འགྱུར། །བཛྲ་ཛ་ལ། བདག་ཉིད་ཏིང་འཛིན་དང་ལྡན་པས། །ཡང་དང་ཡང་དུ་དགའ་བར་བྱ། །བདག་ཉིད་དགའ་བའི་གཟུགས་སུ་ནི། །བསྒོམས་ན་དེ་དང་འདྲ་བར་འགྱུར། །བཛྲ་རཱུ་པ། བདག་ཉིད་ནམ་མཁའི་རང་བཞིན་མཚུངས། །རང་
D480.084.0213a04.01བཞིན་མེད་པ་ཉིད་བསྒོམས་ཤིང་། །རྡོ་རྗེ་དབབ་པ་བསྐྱེད་བྱས་ན། །མྱུར་དུ་མི་སྣང་བ་ཉིད་འགྱུར། །བཛྲ་ཨཱ་ཀཱ་ཤ །རྡོ་རྗེའི་སྐས་ནི་ནམ་མཁའ་ལ། །བསྒོམ་ཞིང་སྟེང་དུ་འཛེག་བྱས་ན། །ཇི་སྲིད་དུ་ནི་འཛེག་པའི་གནས། །དེ་སྲིད་མཁའ་ལ་འགྲོ་བར་འགྱུར། །བཛྲ་མ་ཧཱ།
D480.084.0213a05.01རིག་པ་འཛིན་པ་འདོད་སྨྲ་ན། །ཡེ་ཤེས་རྣམ་བཞི་སྦྱིན་པར་བྱ། །ཟླ་བའི་དཀྱིལ་འཁོར་དབུས་གནས་ཤིང་། །ནམ་མཁའ་ལ་ནི་བདག་ཉིད་གནས། །ལག་ན་རྡོ་རྗེ་དང་ལྡན་པར། །བདག་ཉིད་ཡོངས་སུ་བསྒོམ་པར་བྱ། །རྡོ་རྗེ་རིག་པ་འཛིན་པར་འགྱུར། །གལ་ཏེ་ཆོས་
D480.084.0213a06.01ཀྱི་ཕྱག་འདོད་ན། །གནས་སམ་ཡང་ན་གཞན་ཡང་རུང་། །བདག་ཉིད་གནས་པར་བསྒོམས་ན་ནི། །དེ་ལྟར་གནས་ཤིང་ལག་པ་རུ། །རྡོ་རྗེ་པདྨ་རབ་བསྒོམ་ཞིང་། །བདག་ཉིད་རྡོ་རྗེ་ཆོས་སུ་སྟེ། །པདྨ་རིག་པ་འཛིན་པར་འགྱུར། །བཛྲ་དྷ་ར། པདྨ་དྷ་ར། ཟླ་བའི་
D480.084.0213a07.01