gsang ba rnal 'byor chen po'i rgyud rdo rje rtse mo/
当前为德格木刻版 251b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 251b
- 可引用原文
- 7 行
- 全文规模
- 全经 1847 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 2 函第 84 函 · 德格 251b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སེམས་ཅན་དག་པ་ཀུན་དུ་ཁྱབ། །དེ་བཞིན་རྣལ་འབྱོར་རྡོར་རང་བཞིན། །སླར་ཡང་ཤིང་གི་ནགས་ལ་སོགས། །རྨད་བྱུང་ཆེན་པོ་སྣང་བ་མེད། །རིན་ཆེན་སྣ་བདུན་རང་བཞིན་ཀུན། །ནགས་དང་རྩྭ་ལས་སྐྱེས་པར་གྱུར། །མཐོན་དམན་དག་དང་རྣམ་པར་བྲལ། །ལག་མཐིལ་བཞིན་དུ་མཉམ་པར་སྣང་། །ཀ་ཙ་ལི་ལྟར་རེག་ན་བདེ། །སྟོང་གསུམ་རབ་ཏུ་གནས་པར་གྱུར། །དམྱལ་བ་ལ་སོགས་སྡུག་བསྔལ་ཀུན། །དང་པོར་ངན་སོང་ཉེ་བར་ཞི། །བཀྲེས་སྐོམ་པ་ཡི་སྡུག་བསྔལ་དག །ཀུན་དུ་འགགས་པར་མཉམ་པར་གནས། །རྒྱ་
མཚོ་ཀུན་དུ་ཐིམ་པར་གྱུར། །རི་བོ་གཟུགས་ཀྱང་ཀུན་དུ་ཁྱབ། །གཞན་འཕྲུལ་གྱི་ནི་ལྷ་རྣམས་དང་། །མཚུངས་པ་རུ་ནི་མི་རྣམས་གྱུར། །སླར་ཡང་མུ་ཁྱུད་འཁོར་ལོ་མེད། །རི་རབ་མནྡ་ར་དག་མེད། །ལྷ་ཡི་འཇིག་རྟེན་གནས་ཀྱང་མེད། །རྒྱ་མཚོ་མེད་ཅིང་ལྷ་མིན་མེད། །ཀླུ་ཡི་གནས་གཞི་དག་ཀྱང་མེད། །མི་ཡི་ཁྱིམ་དང་ཁང་པ་མེད། །གྲོང་ཁྱེར་ལྗོངས་དང་ཡུལ་འཁོར་དང་། །ཕུག་དང་བཅས་པར་རྣམ་པར་བྲལ། །མི་ཡི་གནས་ཀྱང་མེད་པ་ཉིད། །ཆུ་བོ་ཕུག་དང་ལུང་པ་མེད། །མི་དག་གི་ནི་ལུས་ཀྱང་མེད། །སེམས་ཅན་འགའ་ཡང་
འདིར་མི་སྣང་། །ངན་སོང་འཁོར་ལོ་དག་ཀྱང་མེད། །མི་ཁོམ་མེད་ཅིང་སྡུག་བསྔལ་མེད། །བུད་མེད་སྐྱེས་པ་ལ་སོགས་མེད། །རྔ་མོ་གླང་པོ་ལུག་ཀྱང་མེད། །དཔག་བསམ་ཤིང་དང་སྤོས་ཀྱི་ཤིང་། །རིན་ཆེན་སྣ་བདུན་རང་བཞིན་མཛེས། །སྤོས་ཀྱི་ཆུ་ཡི་རྒྱ་མཚོ་དང་། །རིན་ཆེན་སྣ་ཚོགས་རྣམས་ཀྱིས་མཛེས། །ཤིང་ནི་ཡིད་འོང་ཐམས་ཅད་ལ། །རོལ་མོའི་སྒྲ་ནི་མངོན་པར་ཕྱུང་། །རོལ་མོའི་ཆོས་ཀྱི་སྒྲ་དག་ཀྱང་། །སྟོང་གསུམ་དུ་ནི་ཡོངས་སུ་བྱུང་། །ཇི་ལྟར་རྡོ་རྗེ་དབང་པོ་ཡི། །རི་རབ་རི་ཡི་རྩེ་མོ་ལྟར། །དེ་བཞིན་སྟོང་གསུམ་གྱི་ནི་གནས། །རྣམ་
པ་སྣ་ཚོགས་འོད་འབར་གྱུར། །སྟོང་གསུམ་གྱི་ནི་འཇིག་རྟེན་འདི། །གྲུ་བཞིར་རབ་ཏུ་གནས་པར་གྱུར། །ཀུན་ནས་ཕྱི་རོལ་གནས་རྣམས་ནི། །ཁ་ཁྱེར་དུ་ཡང་སྣང་བར་གྱུར། །སླར་ཡང་ཉི་མ་ཟླ་བ་མེད། །སྐུར་མ་མེད་ཅིང་ལྷ་ཡང་མེད། །རང་གི་ཁང་པའི་ནང་དུ་ཡང་། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D480
- 德格版页
- 251b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0480 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。