完整藏文原文 · 德格版页 当前仅加载第 84 函德格 209a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྲག་སྟོང་ངམ་ནི། །ཡང་ན་སྟོང་ངམ་བརྒྱ་ཡང་རུང་། །དྲི་དང་སྤོས་ཀྱི་སྣོད་འབུམ་མམ། །ཡང་ན་སྟོང་ངམ་བརྒྱ་ཡང་རུང་། །ག་པུར་ཨ་ག་རུ་ཉིད་དང་། །དུ་རུ་སྐ་དང་ཙནྡན་སོགས། །མང་སྦྱར་དྲི་ཞིམ་དང་ལྡན་པ། །སྤོས་རྣམས་འདི་དག་བསྲེག་པར་བྱ། །
D480.084.0209a01.01གསེར་རམ་དངུལ་གྱི་སྣོད་དག་དང་། །ས་ལས་བྱས་ཀྱང་ཉེས་པ་མེད། །ཡོ་བྱད་ཇི་སྙེད་ཡོད་པ་ཀུན། །དཀྱིལ་འཁོར་དུ་ནི་གཞག་པར་བྱ། །དེ་ལ་ཀོང་བུ་སྟོང་ཕྲག་གམ། །མར་མེ་སྡོང་བུ་ཤིན་ཏུ་འབར། །ཐ་མེ་སྣོད་གཅིག་སྟེ། །མ་ཚང་གྱུར་ཀྱང་ཉེས་པ་མེད། །
D480.084.0209a02.01དར་ནི་ཕྱར་བར་བྱེ་བ་བྲེ། །རྔ་ཡབ་ཕྲེང་བས་རྣམ་པར་བརྒྱན། །དྲ་བ་དྲ་བ་ཕྱེད་པས་སྤྲས། །ཟླ་བ་ཕྱེད་པས་ཉེ་བར་མཛེས། །སྣ་ཚོགས་བཞོན་པ་བརྒྱ་འམ་ནི། །སྟོང་ཕྲག་གཅིག་ཀྱང་ཉེས་པ་མེད། །ཐམས་ཅད་མ་ཚང་གཅིག་ཉིད་ཀྱང་། །བདེ་བས་རོལ་མོ་མཆོག་རྣམས་
D480.084.0209a03.01བྱ། །ཕན་པའི་ཟས་ནི་སྟོང་ཕྲག་དང་། །བྱེ་བྲག་དག་ནི་རྒྱ་མཚོ་ཚོགས། །བཅའ་བ་སྣ་ཚོགས་པ་ཡང་སྟེ། །གལ་ཏེ་མ་ཚང་ཉེས་པ་མེད། །དྲི་དང་གོས་བཟང་ཐམས་ཅད་དང་། །དྲི་ཞིམ་པ་ཡི་བྱུག་པ་དང་། །བྱ་བ་མཆོག་ནི་ཉེ་བར་མཛེས། །བླ་རེ་རྣམ་པ་སྣ་ཚོགས་དང་། །
D480.084.0209a04.01སྣ་ཚོགས་དྲི་ཡི་ཆུས་བཀང་བ། །བུམ་པ་ཤིན་ཏུ་ཡིད་འོང་དང་། །མེ་ཏོག་ཤིང་ནི་བརྒྱ་ཉིད་དང་། །བཞི་ཡང་ཉེས་པར་མི་འགྱུར་རོ། །དྲི་དང་མེ་ཏོག་ཐམས་ཅད་དང་། །བདུག་པ་ཡིད་དུ་འོང་བ་ཀུན། །གལ་ཏེ་སྦྱོར་བ་ལྡན་གྱུར་ན། །མཆོད་པ་རྣམ་པ་ཐམས་ཅད་བྱ། །མཆོད་
D480.084.0209a05.01པ་དང་ནི་གཏོར་མ་ཉིད། །ཇི་བཞིན་སྒྲུབ་པ་པོས་དེ་ཕུལ། །དེ་བཞིན་དངོས་གྲུབ་རྫུ་འཕྲུལ་ནི། །མཐོང་བའི་ཆོས་ལ་ཐོབ་པར་འགྱུར། །སྔར་ནི་ཇི་སྐད་བསྒྲགས་པ་བཞིན། །ཐམས་ཅད་ཆོ་ག་བཞིན་དུ་དགོད། །སངས་རྒྱས་ཀུན་ལ་དབུལ་བྱ་ཞིང་། །མཆོད་པ་ཉིད་ཀྱང་རབ་ཏུ་
D480.084.0209a06.01བྱ། །དེ་ནས་དཀྱིལ་འཁོར་འཁོར་ལོ་ཡི། །དབུས་ཀྱི་འཁོར་ལོ་ཕྱག་བྱས་ནས། །པུས་མོ་བཙུགས་ཏེ་འདུག་ནས་ནི། །ཡང་དག་པར་ནི་དགུག་པར་བྱ། །སེམས་དཔའ་རྡོ་རྗེ་ལྕགས་ཀྱུ་བཅིང་། །རྡོ་རྗེ་ལྕགས་ཀྱུ་བརྗོད་པར་བྱ། །ཉི་ཤུ་གཅིག་ཏུ་བཟླས་པ་ཡིས། །དེ་བཞིན་
D480.084.0209a07.01