完整藏文原文 · 德格版页 当前仅加载第 84 函德格 186b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ཤིན་དུ་གསང་བའི་རྣལ་འབྱོར་རྡོ་རྗེ་རྩེ་མོ་ལས། བྱང་ཆུབ་པའི་ཚུལ་རྒྱ་ཆེན་པོ་ལ་འཇུག་པ་ཞེས་བྱ་བའི་ལེའུ་གཉིས་པ་རྫོགས་སོ།། །།རིག་པ་འཛིན་པ་ཐམས་ཅད་ཀྱི་མཆོག་ཏུ་གསང་བ་ཡང་རྫོགས་སོ།། །།དེ་ནས་བྱང་ཆུབ་སེམས་དཔའི་ཚུལ་རྒྱ་ཆེན་པོ་
D480.084.0186b01.01འདི་ལས་དཀྱིལ་འཁོར་ཆེན་པོའི་དང་པོར་ཕྱག་རྒྱ་དང་ཉེ་བའི་ཕྱག་རྒྱ་འབྱུང་བའི་ཡེ་ཤེས་འབྱུང་སྟེ། གང་ཚེ་རྡོ་རྗེ་སློབ་དཔོན་དང་། །རྡོ་རྗེ་སློབ་མར་གྱུར་པ་ན། །ཕྱག་རྒྱ་ཉེ་བའི་ཕྱག་རྒྱ་བཅིང་། །གང་ཕྱིར་རྡོ་རྗེ་འཛིན་པའི་གནས། །གང་ཚེ་རྡོ་རྗེ་སེམས་དཔའ་འཆིང་། །རྡོ་རྗེ་ཁུ་ཚུར་དམ་
D480.084.0186b02.01དུ་འཆིང་། །གང་ཚེ་རྡོ་རྗེ་རྒྱལ་པོ་འཆིང་། །རྡོ་རྗེ་གནོད་སྦྱིན་རབ་ཏུ་འཆིང་། །གང་ཚེ་རྡོ་རྗེ་ཆགས་པ་འཆིང་། །རྡོ་རྗེ་སྲིན་པོ་རབ་ཏུ་འཆིང་། །གང་ཚེ་རྡོ་རྗེ་ལེགས་པ་འཆིང་། །རྡོ་རྗེ་ལས་ནི་རབ་ཏུ་འཆིང་། །གང་ཚེ་རྡོ་རྗེ་རིན་ཆེན་འཆིང་། །རྡོ་རྗེ་སྨྲ་བ་རབ་ཏུ་འཆིང་། །གང་ཚེ་རྡོ་རྗེ་གཟི་
D480.084.0186b03.01བརྗིད་འཆིང་། །རྡོ་རྗེ་རྒྱུ་ནི་རབ་ཏུ་འཆིང་། །གང་ཚེ་རྡོ་རྗེ་རྒྱལ་མཚན་འཆིང་། །རྡོ་རྗེ་རྣོན་པོ་རབ་ཏུ་འཆིང་། །གང་ཚེ་རྡོ་རྗེ་བཞད་པ་འཆིང་། །རྡོ་རྗེ་ཆོས་ནི་རབ་ཏུ་བཅིང་། །དེ་ལྟ་བུ་ཡི་སྦྱོར་བ་ཡིས། །ཕྱག་རྒྱའི་ལན་ནི་ཡང་དག་སྦྱར། །ཕྱག་རྒྱ་ཉེ་བའི་ཕྱག་རྒྱ་ཡིས། །རྡོ་རྗེའི་ཕྱག་རྒྱ་
D480.084.0186b04.01བརྟན་པར་འགྱུར། །མཆོད་པའི་ཕྱག་རྒྱ་ཇི་ལྟར་ལགས། །རྡོ་རྗེའི་ལྕགས་ཀྱུས་བཀུག་ནས་སུ། །རྡོ་རྗེའི་མདས་ནི་དགའ་བར་བྱ། །རྡོ་རྗེའི་མདས་ནི་འཕངས་ནས་སུ། །རྡོ་རྗེའི་ཁུ་ཚུར་གྱིས་བསྒྲུབ་བྱ། །ཕྱག་རྒྱ་ཇི་བཞིན་བཀྲོལ་ནས་ནི། །དེ་ནི་བཅིང་བ་རབ་ཏུ་བྱ། །མཆོད་པའི་ཆོ་
D480.084.0186b05.01ག་འདི་ཡིས་ནི། །རྡོ་རྗེ་དཀྱིལ་འཁོར་མཆོད་པར་འགྱུར། །དེ་བཞིན་གཡོན་པས་གར་བྱ་ཞིང་། །གཡས་པས་ཁུ་ཚུར་བཅིངས་ནས་ནི། །དཔྲལ་བར་ཡོངས་སུ་བསྐོར་ནས་སུ། །ཁ་ཡི་མདུན་དུ་དགོད་པར་བྱ། །རྡོ་རྗེ་ཉི་མ་བཞད་པས་བགད། །མཉམ་ཞིང་ཅུང་ཟད་གདངས་ཏེ་
D480.084.0186b06.01གནས། །རལ་གྲི་དྲི་མ་མེད་སྣང་བས། །རྡོ་རྗེ་གླུ་ནི་བླང་བར་བྱ། །རྡོ་རྗེ་ཁྲོ་བོའི་མཛུབ་མོ་ནི། །ཡང་དག་བསྒྲེང་བ་ལེགས་པར་བསྒྲུབ། །དེ་ནས་སྤྱི་གཙུག་ཁ་དག་ཏུ། །ལས་བྱས་དཀྱིལ་འཁོར་མཆོད་པ་ན། །རིགས་ཀྱི་ལྷ་ཡི་སྦྱོར་བ་ཡིས། །ལེགས་པར་བསྒྲུབ་པས་གཏམ་
D480.084.0186b07.01