完整藏文原文 · 德格版页 当前仅加载第 84 函德格 146b 版页；藏文 NFD、目录标记与异常页序保留在来源切片中，重复版页行以稳定序号区分。
{གོ་རིམས་,གོ་རིམ་}བཞིན་དུ་འཇུག་བྱེད་པའི། །གཅིག་པར་སེམས་ཅན་བྱ་བ་བྱེད། །བྱ་བ་ཆེན་པོ་མཆོག་ཞི་བ། །ཆོས་དང་ལོངས་སྤྱོད་མཆོག་གྱུར་པས། །སངས་རྒྱས་གར་མཁན་འཁོར་ལོ་ནི། །མཆོག་ཏུ་ངོ་མཚར་གྱུར་པ་འདི། །སྐལ་བ་ཇི་བཞིན་གསང་ཇི་བཞིན། །ཇི་ལྟར་
D480.084.0146b01.01སེམས་ཅན་འདུལ་འགྱུར་བཤད། །སྔོན་འགྱུར་འདས་པའི་དུས་སུ་ནི། །བྱང་ཆུབ་སེམས་ནི་ཡོངས་འཛིན་ཅིང་། །ཐབས་དང་ཤེས་རབ་ལྡན་པ་ཡི། །བྱང་ཆུབ་སེམས་དཔར་གྱུར་པ་ན། །སྤྲོ་བ་ཆེན་པོས་ངོ་མཚར་ཆེའི། །དཀའ་བ་དཔག་ཏུ་མེད་པ་སྤྱད། །{གོ་རིམས་,གོ་རིམ་}བཞིན་དུ་དེ་
D480.084.0146b02.01ཡིས་ནི། །དབང་བསྐུར་བར་དུ་ལེགས་ཐོབ་འགྱུར། །ཤེས་རབ་ཆེན་པོས་ཕ་མཐར་ཕྱིན། །གོས་ཀྱི་དབང་ནི་ཐོབ་གྱུར་ནས། །འོག་མིན་སྟུག་པོ་ཉམས་དགའ་བར། །བློ་གྲོས་ཆེན་པོ་བཞུགས་པར་གྱུར། །བདག་ནི་སངས་རྒྱས་མཆོག་འགྱུར་ཞེས། །རྣལ་འབྱོར་པ་ཡིས་
D480.084.0146b03.01བསམས་ནས་ནི། །བྱ་བ་མཐར་ཕྱིན་བདག་གིས་ནི། །སེམས་ཅན་དོན་འབྱུང་ཐོབ་བྱ་ཞེས། །བྱ་བ་དེ་ལ་དགོངས་ནས་ནི། །སྔོན་དང་ཕྱི་མར་བདེ་ཆེན་མེད། །ཆོས་ཀྱི་དགའ་བ་རྨད་ཆེན་པོའི། །དཀའ་བ་སྤྱད་པར་བྱ་སྙམ་སྟེ། །བྱང་ཆུབ་ཤིང་དྲུང་བཞུགས་གྱུར་ནས། །བྱ་དཀའི་བྱ་བ་
D480.084.0146b04.01ཀུན་ལྡན་དེ། །དབུགས་འབྱུང་རྔུབ་པ་འགོག་པ་དང་། །སེམས་པ་མེད་ཅིང་གཡོ་བ་མེད། །ལུས་ནི་གང་ཡང་མི་འགུལ་ཞིང་། །ཡན་ལག་བསྐྱོད་པར་མི་བྱེད་དེ། །དེ་བས་གཡོ་བ་མེད་ཆོས་མ། །ཡུན་རིང་དུ་ནི་གནས་པར་གྱུར། །ཕྱོགས་བཅུ་ཡི་ནི་ཐུབ་དབང་པོ། །སངས་རྒྱས་ཀུན་
D480.084.0146b05.01གྱིས་དགོངས་འགྱུར་བ། །འདི་ནི་རྫོགས་པའི་བྱང་ཆུབ་དུས། །སྡུག་བསྔལ་བྱ་བར་རིགས་པ་མིན། །དེ་བས་བདག་ཅག་ཀུན་ལྷན་ཅིག །བསྐུལ་བར་བྱ་ཕྱིར་འགྲོ་སྙམ་དུ། །དགོངས་ནས་ཐམས་ཅད་རབ་ཆས་ཏེ། །སྡུག་པོ་རུ་ནི་བྱོན་པར་གྱུར། །བྱོན་ནས་ཐུབ་པ་ཐམས་ཅད་ཀྱིས། །
D480.084.0146b06.01བསྐུལ་བ་མཆོག་ནི་མཛད་པར་འགྱུར། །ཨོཾ་བཛྲ་ཨུཏ་ཏིཥྛ་ཅེས་པ་ཡི། །རིགས་པས་སེ་གོལ་བརྡབས་ནས་ནི། །བྱང་ཆུབ་སེམས་དཔའ་ཀུན་དུ་བསླང་། །ཕྱོགས་རྣམས་ཀུན་དུ་བལྟས་པ་ན། །སངས་རྒྱས་ཀྱི་ནི་རྒྱ་མཚོ་མཐོང་། །ཐུབ་པས་མགོན་རྣམས་ལ་བཏུད་དེ། །བཀའ་
D480.084.0146b07.01