完整藏文原文 · 德格版页 当前仅加载第 84 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
སྤངས་པའི། །དག་པ་ཡི་ནི་སྙིང་པོ་འདིས། །ཟླ་བའི་དཀྱིལ་འཁོར་དབུས་སུ་ནི། །བྱང་ཆུབ་ཀྱི་ནི་སེམས་ལ་རྟོགས། །ཨོཾ་བོདྷི་ཙིཏྟ་ཨུཏྦཱ་ད་ཡཱ་མི། སྙིང་པོ་དག་པ་བླངས་ནས་ནི། །སེམས་ཀྱི་དབུས་སུ་རྟོག་པ་ན། །ཟླ་བའི་དབུས་སུ་ཡང་ཟླ་བའི། །དཀྱིལ་འཁོར་གཉིས་པ་མཐོང་བ་ནི། །
D480.084.0147b01.01ཐུབ་པ་རྣམས་ལ་ཚིག་སྨྲས་པ། །དཀྱིལ་འཁོར་གཉིས་པ་དག་མཐོང་ངོ་། །དེ་ནས་སངས་རྒྱས་ཀུན་གསུངས་པ། །བྱང་ཆུབ་སེམས་ཀྱི་རང་བཞིན་བརྟན། །བརྟན་པར་བྱ་བའི་ཆེད་དུ་ནི། །དེ་ནི་ལེགས་པར་བསྒྲུབ་པར་གྱིས། །ཁྱོད་ལ་སྙིང་པོ་སྦྱིན་བྱ་སྟེ། །ཟློས་ཤིང་དེ་ནི་བརྟན་པར་
D480.084.0147b02.01དགོངས། །ཨོྃཏིཥྛ་བཛྲ། དཀྱིལ་འཁོར་གཉིས་པའི་དབུས་གནས་པའི། །རྡོ་རྗེ་ཆེན་པོ་སེམས་བྱེད་ཅིང་། །ཐང་ཅིག་སོ་སོར་བརྟགས་པ་ན། །ཤིན་ཏུ་བརྟན་པ་མཐོང་གྱུར་ནས། །སྨྲས་པ་རྫོགས་པའི་སངས་རྒྱས་རྣམས། །དཀྱིལ་འཁོར་དབུས་སུ་རྡོ་རྗེ་མཐོང་། །ཟླ་བའི་དཀྱིལ་
D480.084.0147b03.01འཁོར་གཉིས་པ་ཡི། །དབུས་ན་རྡོ་རྗེ་དང་ལྡན་མཐོང་། །དེ་ནས་སངས་རྒྱས་ཀུན་གསུངས་པ། །ལྷ་རྣམས་ཀུན་གྱི་རྡོ་རྗེ་ཆེ། །རྡོ་རྗེ་དབྱིངས་ནི་སྐྱེད་པ་ཡི། །ཤིན་ཏུ་བརྟན་པ་འདི་སྨྲོས་ཤིག །ཨོཾ་བཛྲ་ཨཱཏྨ་ཀོ་྅ཧཾ། །སྙིང་པོ་དག་པ་བླངས་ནས་ནི། །རྡོ་རྗེའི་ལུས་ནི་རྣམ་བསྒོམས་
D480.084.0147b04.01པ། །དེས་ནི་སྲ་བརྟན་ཁོང་སྟོང་མེད། །རྡོ་རྗེའི་སྐུ་ནི་ཐོབ་གྱུར་ནས། །སྨྲས་པ་རྫོགས་པའི་སངས་རྒྱས་རྣམས། །རང་བདག་རྡོ་རྗེའི་སྐུར་མཐོང་ངོ་། །དེ་ནས་སངས་རྒྱས་ཀུན་གསུངས་པ། །སངས་རྒྱས་གཟུགས་སུ་རྣམ་པར་བསྒོམ། །ཨོཾ་ཡ་ཐཱ་སརྦ་ཏ་ཐཱ་ག་ཏཱ་སྟ་ཐཱ་ཨ་ཧཾ། སྙིང་
D480.084.0147b05.01པོ་དག་པ་བླངས་ནས་ནི། །སངས་རྒྱས་གཟུགས་སུ་རྣམ་བསྒོམས་པས། །རྣམ་པ་ཀུན་གྱི་མཆོག་ལྡན་པའི། །ཀུན་མཁྱེན་ཡེ་ཤེས་ཐོབ་པར་འགྱུར། །སངས་རྒྱས་ཀུན་ལ་རབ་བཏུད་ནས། །སྨྲས་པ་བཅོམ་ལྡན་དེ་བཞིན་གཤེགས། །མགོན་པོ་བདག་ལ་བྱིན་རློབ་
D480.084.0147b06.01ཅིང་། །བདག་གི་བྱང་ཆུབ་བརྟན་པར་མཛོད། །གྲགས་ཆེན་སངས་རྒྱས་ཐམས་ཅད་ཀྱིས། །རྡོ་རྗེ་དབྱིངས་ཀྱི་ཚིག་ཐོས་ནས། །མགོན་རྣམས་ཐུགས་ཀར་ཞུགས་པར་གྱུར། །རྡོ་རྗེ་ཡི་ནི་རྣལ་འབྱོར་གསུངས། །ཨོཾ་སརྦ་ཏ་ཐཱ་ག་ཏ་ཨ་བྷི་ས་མ་བོདྷི་དྲྀ་ཌྷ་བཛྲ་བ་ན་དྷ། གྲགས་
D480.084.0147b07.01