完整藏文原文 · 德格版页 当前仅加载第 68 函德格 318a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་རོ། །དེ་བཞིན་དུ་ཉའི་སྐྱེ་གནས་རྣམ་པ་སྣ་ཚོགས་ཀྱི་ནང་ན་གཅིག་པུ་སྐྱེ་བར་འགྱུར་རོ། །དེ་སྐོམ་གྱིས་གདུངས་ནས་སྲིད་པ་བར་མ་ལ་ཆུ་དེ་མཐོང་བར་འགྱུར་ཏེ། དོན་དུ་གཉེར་བ་དེས་ད་ནི་བདག་འདིར་སྐྱེ་བར་འགྱུར་སྙམ་ནས་སེམས་
D287.068.0318a01.01བསྐྱེད་མ་ཐག་ཏུ་དེ་ཉིད་དུ་སྐྱེ་བར་འགྱུར་ཏེ། སྲིད་པ་ནི་རྒྱུ་དང་རྐྱེན་གྱིས་འབྱུང་ལ་སྲིད་པའི་ཡན་ལག་ལ་གནས་པ་ནི་དེ་ལྟ་བུ་ཡིན་ནོ། །གང་དེ་སྦྱིན་པ་མ་བྱིན་ཞིང་བསོད་ནམས་མ་བསྒྲུབས་པའི་ལས་ཀྱི་རྣམ་པར་སྨིན་པ་དེས་ཆུ་རྟག་ཏུ་དྲོ་བར་འགྱུར་ཞིང་། དེའི་ཁ་ཡོངས་སུ་
D287.068.0318a02.01སྐམ་པར་འགྱུར་ལ་རེག་པ་བ་ཚྭ་དང་འདྲ་བར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ་བྱ་སྐམ་ས་ལ་རྒྱུ་བ་དང་། བར་སྣང་ལ་རྒྱུ་བ་དག་ལ་རྟོག་པར་བྱེད་དེ། ལས་གང་གིས་བྱ་དག་བར་སྣང་ལ་འཕུར་
D287.068.0318a03.01ཞིང་ནམ་མཁའ་རྟེན་མེད་པ་ལ་རྟེན་པར་བྱེད་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། འདི་ལྟར་རྫུ་འཕྲུལ་ནི་རྣམ་པ་གསུམ་སྟེ། འདི་ལྟ་སྟེ། མོས་པས་བསྒྱུར་བ་དང་། ལུས་ཀྱིས་འགྲོ་བ་དང་། ཡིད་ལྟར་མགྱོགས་
D287.068.0318a04.01པའོ། །དེ་ལ་མོས་པས་བསྒྱུར་བ་ནི་རྫུ་འཕྲུལ་ཅན་དག་གི་ཡིན་ཏེ། ཇི་ལྟར་མོས་པ་དེ་ལྟར་འགྲོ་བ་དང་། གལ་ཏེ་སའི་ཁམས་སུ་རབ་ཏུ་མོས་པ་ན། དེའི་ཚེ་ནམ་མཁའ་སའི་ཁམས་སུ་མཐོང་ནས་འགྲོ་བར་བྱེད་པ་ལྟ་བུའོ། །ལུས་ཀྱིས་འགྲོ་བ་
D287.068.0318a05.01ནི་ཆོས་ཉིད་ཀྱི་ཁྱད་པར་ལས་གྱུར་པ་སྟེ། བྱ་རྣམས་ལྟ་བུའོ། །ཡིད་ལྟར་མགྱོགས་པ་ནི། དེ་བཞིན་གཤེགས་པ་སངས་རྒྱས་ཀྱི་ཡིན་ལ། ཡིད་ཀྱིས་ཇི་ལྟར་གཟས་པ་དེ་བཞིན་དུ། གནས་གཞན་དུ་ཕྱིན་པར་བྱེད་པ་ཡིན་ཏེ། དེ་ཡང་
D287.068.0318a06.01ཁམས་གསུམ་གྱི་ལས་སོ་སོའི་བྱེ་བྲག་གིས། དེ་ལྟར་རྫུ་འཕྲུལ་རྣམ་པ་གསུམ་དུ་འགྱུར་བ་མཐོང་ངོ་།། །།
D287.068.0318a07.01